| ການນຳພັກ, ລັດ ແລະ ສະພາແຫ່ງຊາດຫວຽດນາມ ໃຫ້ການຕ້ອນຮັບ ນາຍົກລັດຖະມົນຕີ ລາວ ພັນຄຳ ວິພາວັນ | |
| ກອງປະຊຸມສະໄໝສາມັນຄັ້ງປະຖົມມະເລິກ, ສະພາແຫ່ງຊາດຫວຽດນາມ ຊຸດທີ XV, ຄາດວ່າຈະໄລຂຶ້ນໃນວັນທີ 20 ກໍລະກົດ |
 |
| ທ່ານປະທານສະພາແຫ່ງຊາດ ເວືອງດີງເຫ້ວ ແລະ ທ່ານຮອງປະທານສະພາແຫ່ງຊາດລາວ ສົມມາດ ພົນເສນາ. ພາບ: TTXVN |
ທ່ານປະທານສະພາແຫ່ງຊາດ ເວືອງດີງເຫ້ວຢືນຢັນວ່າ: ຫວຽດນາມ ແລະ ສະພາແຫ່ງຊາດຫວຽດນາມ ຍາມໃດກໍ່ຖືການເພີ່ມທະວີ ແລະ ພັດທະນາສາຍພົວພັນສາມັກຄີແບບພິເສດກັບ ລາວ ແມ່ນບຸລິມະສິດອັນດັບໜຶ່ງ. ສະພາແຫ່ງຊາດຫວຽດນາມ ພ້ອມແລ້ວທີ່ຈະແບ່ງປັນບົດຮຽນ,ປະສົບການກັບສະພາແຫ່ງຊາດລາວ.
ສ່ວນທ່ານຮອງປະທານສະພາແຫ່ງຊາດລາວ ກໍ່ໄດ້ສະແດງຄວາມປະທັບໃຈ ແລະ ຊົມເຊີຍ ຫວຽດນາມ ໄດ້ຮັບຜົນສຳເລັດໃນໄລຍະຜ່ານມາ, ພິເສດແມ່ນໃນການ ຄວບຄຸມການລະບາດຂອງພະຍາດໂຄວິດ-19, ການຟື້ນຟູ ແລະ ການພັດທະນາ ເສດຖະກິດ-ສັງຄົມ.
ໃນຂອບເຂດການຢ້ຽມຢາມ ແລະ ເຮັດວຽກຢູ່ ຫວຽດນາມ ຂອງຄະນະຜູ້ແທນຂັ້ນສູງສະພາແຫ່ງຊາດ ລາວ, ຕອນເຊົ້າວັນທີ 13 ກໍລະກົດ, ຢູ່ຫໍສະພາແຫ່ງຊາດ ຫວຽດນາມ, ທ່ານຫົວໜ້າກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ຂອງສະພາແຫ່ງຊາດ ລາວ ລິນຄຳ ດວງສະຫວັນ ມີບັນດາການເຮັດວຽກກັບຫົວໜ້າກຳມາທິການເສດຖະກິດ; ຫົວໜ້າກຳມາທິການວິທະຍາສາດ, ເຕັກໂນໂລຊີ ແລະ ສິ່ງແວດລ້ອມຂອງສະພາແຫ່ງຊາດ ຫວຽດນາມ.
ທີ່ການເຮັດວຽກ, ທ່ານຫົວໜ້າກຳມາທິການເສດຖະກິດຂອງສະພາແຫ່ງຊາດ ຫວຽດນາມ ຫວູຮົ່ງແທັງ ປາດຖະໜາວ່າ ໃນໄລຍະຈະມາເຖິງ, ຈະເພີ່ມທະວີການຈັດຕັ້ງກອງປະຊຸມສຳມະນາແບ່ງປັນບົດຮຽນກ່ຽວກັບການສ້າງ, ກວດກາກົດໝາຍ, ມະຕິ, ລັດຖະບັນຍັດສະບັບຕ່າງໆຂອງສະແຫ່ງຊາດ; ກວດກາ, ຕິດຕາມກວດກາການເຄື່ອນໄຫວລົງທຶນ, ດຳເນີນທຸລະກິດຂອງວິສາຫະກິດ 2 ປະເທດ.
ເມື່ອແລກປ່ຽນບົດຮຽນ, ປະສົບການໃນການສ້າງກົດໝາຍ, ຕິດຕາມກວດກາໃນຂົງເຂດເຕັກໂນໂລຊີ, ສິ່ງແວດລ້ອມ, ທ່ານຫົວໜ້າກຳມາທິການວິທະຍາສາດ, ເຕັກໂນໂລຊີ ແລະ ສິ່ງແວດລ້ອມຂອງສະພາແຫ່ງຊາດ ຫວຽດນາມ ເລກວາງຮຸຍ ປາດຖະໜາຢາກເພີ່ມທະວີການຮ່ວມມືລະຫວ່າງ 2 ກຳມາທິການໃນຂອບເຂດການຮ່ວມມືລວມລະຫວ່າງສະພາແຫ່ງຊາດ 2 ປະເທດ; ພ້ອມແລ້ວທີ່ຈະຮ່ວມມື, ສົມທົບກັນ, ແບ່ງປັນກັບຝ່າຍ ລາວ ກ່ຽວກັບດ້ານວິຊາສະເພາະຂອງວຽກງານກົດໝາຍ, ຕິດຕາມກວດກາ ແລະ ຕັດສິນບັນດາບັນຫາສຳຄັນຂອງປະເທດຊາດໃນຂົງເຂດໂດຍກຳມາທິການພວມຮັບຜິດຊອບ.
ວີໂອວີ
