ຕອນເຊົ້າວັນທີ 11 ກໍລະກົດ, ທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ນຳໜ້າຄະນະຜູ້ແທນສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄປສະຖານທູດຍີ່ປຸ່ນ ປະຈຳ ຫວຽດນາມ ວາງພວງມາລາ ແລະ ຂຽນປື້ມໄວ້ ອາໄລ ຫາ ທ່ານ Abe Shinzo, ອະດີດນາຍົກລັດຖະມົນຕີຍີ່ປຸ່ນ.
 |
| ທ່ານນາງເອກອັກຄະລັດຖະທູດ ຫງວຽນເຟືອງງາ: “ສະແດງຄວາມເຄົາລົບນັບຖືຕໍ່ການປະກອບສ່ວນຂອງທ່ານ Abe Shinzo ເພື່ອສັນຕິພາບໂລກ”. ພາບ: VUFO |
ໃນປຶ້ມໄວ້ອາໄລ, ທ່ານນາງເອກອັກຄະລັດຖະທູດ ຫງວຽນເຟືອງງາ ໄດ້ຂຽນວ່າ: “ພວກຂ້າພະເຈົ້າຮູ້ສຶກເສຍໃຈຢ່າງສຸດເຊິ້ງ ເມື່ອໄດ້ຮັບຂ່າວວ່າ ທ່ານ Abe Shinzo, ອະດີດນາຍົກລັດຖະມົນຕີ ຍີ່ປຸ່ນ, ຜູ້ນຳທີ່ມີຊື່ສຽງ ແລະ ມີອິດທິພົນຊື່ສຽງ, ເກັ່ງກ້າສາມາດຂອງ ຍີ່ປຸ່ນ, ແມ່ນເພື່ອນມິດທີ່ດີ ແລະ ສະໜິດສະໜົມຂອງປະຊາຊົນຫວຽດນາມ ເຖິງແກ່ມໍລະນະກໍາ. ທ່ານ Abe Shinzo ເຖິງແກ່ມໍລະນະກໍາແມ່ນເປັນການສູນເສຍອັນໃຫຍ່ຫຼວງຕໍ່ພວກເຮົາທຸກຄົນ.
ພວກຂ້າພະເຈົ້າຈະຈົດຈໍາ ແລະ ຕີລາຄາສູງບັນດາການປະກອບສ່ວນທີ່ສຳຄັນຂອງທ່ານເພື່ອສັນຕິພາບ ແລະ ສະຖຽນລະພາບຢູ່ພາກພື້ນ ແລະ ໃນໂລກ, ເພື່ອພັດທະນາການພົວພັນຄູ່ຮ່ວມມືຍຸດທະສາດຮອບດ້ານ ແລະ ເລິກເຊິ່ງລະຫວ່າງ ຫວຽດນາມ - ຍີ່ປຸ່ນ, ເຂົ້າໃນການປັບປຸງນໍ້າໃຈມິດຕະພາບລະຫວ່າງປະຊາຊົນສອງປະເທດ”.
ຕາງໜ້າໃຫ້ສະຫະພັນບັນດາອົງການຈັດຕັ້ງມິດຕະພາບຫວຽດນາມ, ທ່ານນາງເອກອັກຄະລັດຖະທູດ ຫງວຽນເຟືອງງາ ໄດ້ສະແດງຄວາມເສົ້າສະຫຼົດໃຈຢ່າງສຸດຊຶ້ງມາຍັງຄອບຄົວຂອງທ່ານ Abe Shinzo, ລັດຖະບານ ແລະ ປະຊາຊົນ ຍີ່ປຸ່ນ.
ທ່ານນາງເອກອັກຄະລັດຖະທູດ ຂຽນວ່າ “ທ່ານ Abe Shinzo ໄດ້ເຖິງແກ່ມໍລະນະກໍາ, ແຕ່ມໍລະດົກຂອງເພິ່ນ ຈະຄົງຕົວຕະຫຼອດໄປ”.
ບູນມີ
