| ຫວຽດນາມ, ລາວ, ໄທ ແລະ ກຳປູເຈຍ ເພີ່ມທະວີການຮ່ວມມືໃນຫຼາຍຂົງເຂດ | |
| ເພີ່ມທະວີການເຊື່ອມຕໍ່ວິສາຫະກິດລະຫວ່າງ ຫວຽດນາມ ແລະ ໄທ |
 |
| ທີ່ເວທີປາໄສ, ບັນດາວິສາຫະກິດຊາວຫວຽດນາມ ອາໄສຢູ່ໄທ ຫວັງວ່າຈະມີຫຼາຍການຮ່ວມມືລົງທຶນກັບ ດາຫນັງ(ພາບ: VOV) |
ທ່ານນາງຮອງປະທານຄະນະກຳມະການປົກຄອງ ນະຄອນ ດາໜັງ ໂງທິກິມອ໋ຽນ ໃຫ້ຮູ້ວ່າ, ເວທີປາໄສໄດ້ປະກອບສ່ວນເຂົ້າໃນການຊຸກຍູ້ການພົວພັນມິດຕະພາບການຮ່ວມມືໃນຫຼາຍຂົງເຂດລະຫວ່າງ ດາໜັງ ແລະ ຄູ່ຮ່ວມມືໄທ ແລະ ເພີ່ມທະວີການພົວພັນສອງຝ່າຍລະຫວ່າງສອງປະເທດ.
ທ່ານນາງຮອງປະທານ ໂງທິກິມອ໋ຽນ ຍັງແບ່ງປັນວ່າ ບັນດາຊາວຫວຽດນາມ ອາໄສຢູ່ຕ່າງປະເທດເວົ້າລວມ ແລະ ຊາວໄທເວົ້າສະເພາະ, ຍາມໃດກໍແມ່ນຂົວເຊື່ອມຕໍ່ທີ່ໜ້າເຊື່ອຖືເພື່ອເຊື່ອມຕໍ່ປະຊາຄົມຊາວຫວຽດນາມ ອາໄສຢູ່ຕ່າງປະເທດມຸ່ງໄປເຖິງບ້ານເກີດເມືອງນອນ, ປະກອບສ່ວນເຂົ້າໃນການສ້າງສາປະເທດຊາດ.
ທ່ານເອກອັກຄະລັດຖະທູດ ຫວຽດນາມ ປະຈຳ ໄທ ຟານຈີ໋ແທັ່ງ, ໃຫ້ຮູ້ວ່າ ນະຄອນ ດາໜັງ ແມ່ນຈຸດມາທຳອິດຂອງຄະນະນັກທຸລະກິດຊາວຫວຽດນາມ ອາໄສຢູ່ໄທ ໃນການເດີນທາງຜ່ານ 5 ແຂວງ, ນະຄອນ ຄື ດາໜັງ, ກ໊ວາງນາມ, ກຽນຢາງ, ນະຄອນ ໂຮ່ຈີມິນ ແລະ ນະຄອນຫຼວງ ຮ່າໂນ້ຍ.
ນີ້ແມ່ນຄັ້ງທຳອິດທີ່ສະຖານທູດຫວຽດນາມ ປະຈຳ ໄທ ຈັດຕັ້ງຄະນະບັນດາວິສາຫະກິດ ໄທ ທີ່ມີເຊື້ອຊາດຫວຽດນາມ ໄດ້ກັບມາ ຫວຽດນາມ, ເພື່ອເຊື່ອມຕໍ່ການລົງທຶນ, ການຄ້າ ແລະ ການທ່ອງທ່ຽວກັບບັນດາວິສາຫະກິດ ຫວຽດນາມ, ຜ່ານນັ້ນ ກໍຊຸກຍູ້ການຮ່ວມມືດ້ານເສດຖະກິດຂອງບັນດາທ້ອງຖິ່ນ ຫວຽດນາມ ກັບ ໄທ.
ຫອມມາລາ
