| ສະຫະພັນບັນດາອົງການຈັດຕັ້ງມິດຕະພາບແຂວງ ດົ່ງນາຍຜັນຂະຫຍາຍໜ້າທີ່ 6 ເດືອນທ້າຍປີ 2022 | |
| ມີນັກທ່ອງທ່ຽວຫຼາຍກວ່າ 30.000 ເທື່ອຄົນມາງານບຸນດອກກຸຫຼາບຢູ່ຊາປາ |
 |
| ພາບປະກອບ ( ພາບ: nhandan.vn) |
ນັບມາຮອດທ້າຍເດືອນ ມິຖຸນາ 2022, ຈຳນວນນັກທ່ອງທ່ຽວທັງໝົດມາຮ່າໂນ້ຍບັນລຸ 8.610.000 ເທື່ອຄົນ, ເພີ່ມຂຶ້ນເກືອບ 3 ເທົ່າເມື່ອທຽບໃສ່ໄລຍະດຽວກັນຂອງປີກາຍ; ໃນນັ້ນ, ແຂກທ່ອງທ່ຽວສາກົນບັນລຸ 211.300 ເທື່ອຄົນ, ແຂກທ່ອງທ່ຽວພາຍໃນປະເທດ ບັນລຸ 8.400.000 ເທື່ອຄົນ. ຍອດລາຍຮັບຈາກແຂກທ່ອງທ່ຽວບັນລຸ 25.200 ຕື້ດົ່ງ, ເພີ່ມຂຶ້ນກວ່າ 3 ເທົ່າເມື່ອທຽບໃສ່ໄລຍະດຽວກັນຂອງປີ 2021.
ໂດຍໄດ້ຮັບໝາກຜົນຄືແນວນີ້ແມ່ນຍ້ອນວ່ານະຄອນຮ່າໂນ້ຍ ໄດ້ໜູນໃຊ້ຫຼັກການໄມ້ງັດເປັນຢ່າງດີເຂົ້າໃນການຈັດຕັ້ງ SEA Games 31 (ເຊິ່ງດຳເນີນໃນເດືອນພຶດສະພາ2022). ການຈັດຕັ້ງບັນດາເຫດການກະຕຸກຊຸກຍູ້, ໂຄສະນາການທ່ອງທ່ຽວຄື ລາຍການທ່ອງທ່ຽວຮ່າໂນ້ຍ ຕ້ອນຮັບປີ 2022, ງານບຸນຂອງຂວັນທ່ອງທ່ຽວຮ່າໂນ້ຍ ປີ 2022, ເຂົ້າຮ່ວມງານຕະຫຼາດນັດທ່ອງທ່ຽວສາກົນ VITM - ຮ່າໂນ້ຍ 2022, ງານບຸນທ່ອງທ່ຽວຮ່າໂນ້ຍ ປີ 2022, ງານບຸນອາຫານການກິນ ແລະ ທ່ອງທ່ຽວໝູ່ບ້ານອາຊີບ ຮ່າໂນ້ຍ...
ໂດຍການເປີດຕົວຫຼາຍຜະລິດຕະພັນທ່ອງທ່ຽວເຊັ່ນ tour ທ່ອງທ່ຽວ ຄໍ່າຄືນທີ່ສັກກາລະຂອງສະຖານທີ່ທ່ອງທ່ຽວ ຄຸກ ຫວາລໍ່, ລາຍການຕະຫຼາດນັດເຂດພູສູງພາກເໜືອ ຂອງບ້ານວັດທະນະທໍາບັນດາເຜົ່າ ຫວຽດນາມ, ບັນດາກິດຈະກໍາ Ocean Festival ທີ່ ສວນສາທາລະນະ ສະຫວັນ ບ໊າວເຊີນ....
ບັນດາຜະລິດຕະພັນ ຄົ້ນຫາ ອາຊີຕາເວັນອອກສ່ຽງໃຕ້ ຂອງ ຫໍພິພິທະພັນ ຊົນຊາດວິທະຍາ, tour ລົດເມ 2 ຊັ້ນ - Hanoi City Tour ຄົ້ນຫາຖະໜົນຫົນທາງ ຮ່າໂນ້ຍ, tour ຍ່າງໄປ “ສະຖາປັດຕະຍະກໍາ ຝລັ່ງ ໃນໃຈກາງ ຮ່າໂນ້ຍ”; ຂຸດຄົ້ນພົບ tour ກາງຄືນຄືນໃໝ່“ຖອດລະຫັດແຫ່ງກຳແພງພະລາຊະວັງທັງລອງ”; tour“ຮ່ອງຮອຍບ້ານບູຮານ ບ໋າດຈາງ”...ບັນດາຜະລິດຕະພັນໃໝ່, ບັນດາເຫດການ ກໍໄດ້ສ້າງຄວາມດຶງດູດໃຫ້ແກ່ແຂກທ່ອງທ່ຽວພາຍໃນປະເທດ ແລະ ຕ່າງປະເທດ.
ໃນໄລຍະຈະມາເຖິງ, ຂະແໜງການທ່ອງທ່ຽວນະຄອນຫຼວງຈະສືບຕໍ່ຊີ້ນຳບັນດາບໍລິສັດທ່ອງທ່ຽວ, ສະຖານທີ່ທ່ອງທ່ຽວ ສ້າງບັນດາຜະລິດຕະພັນທີ່ມີຄວາມດຶງດູດ, ພິເສດ, ສຸມໃສ່ເຂົ້າໃນບັນດາຜະລິດຕະພັນທີ່ເປັນທ່າແຮງຂອງນະຄອນຄືບັນດາຮູບການທ່ອງທ່ຽວ: ວັດທະນະທຳ, ສໍາຜັດຕົວຈິງ, ກິລາ, MICE.
ໂດຍສຸມໃສ່ພັດທະນາການທ່ອງທ່ຽວກະສິກຳ, ສຸມໃສ່ລົງທຶນສ້າງການທົດລອງບາງຮູບແບບພັດທະນາການທ່ອງທ່ຽວກະສິກຳ, ຊົນນະບົດຢູ່ໝູ່ບ້ານເກົ່າແກ່ເດືອງເລີມ, ໝູ່ບ້ານອາຊີບ ຮົ່ງເວີນ, ຮູບແບບການທ່ອງທ່ຽວແບບຟາມກະສິກຳຢູ່ເມືອງ ດ່ານເຟື້ອງ, ທ່ອງທ່ຽວຟາມຫວ້ານອ່ານ ຢູ່ຕາແສງອ່ຽນໝີ, ໝູ່ບ້ານອາຊີບຕໍ່າຫູກ ເມືອງ ໝີດຶກ, ຮູບແບບການທ່ອງທ່ຽວແບບຟາມອົງຄະທາດ ຮວາວຽນ, ເມືອງແທັກເທິດ...
ໂດຍການສຸມໃສ່ພັດທະນາບັນດາຜະລິດຕະພັນການທ່ອງທ່ຽວທີ່ເຊື່ອມຕໍ່ຢູ່ເຂດທົ່ງພຽງພາກເໜືອ ເພື່ອມຸ່ງໄປເຖິງເຂດນະຄອນຫຼວງຄື ບັນດາຜະລິດຕະພັນການທ່ອງທ່ຽວທາງນ້ຳ, ການທ່ອງທ່ຽວກະສິກຳ, ການທ່ອງທ່ຽວມໍລະດົກວັດທະນະທຳ. ພ້ອມກັນນັ້ນ, ກໍສົມທົບກັນຢ່າງແໜ້ນແຟ້ນກັບບັນດາແຂວງ, ນະຄອນ ເພື່ອສ້າງບັນດາເສັ້ນທາງທ່ອງທ່ຽວຄື ວັດ ເຮືອງ- ຕາມຈຸກ - ບ໋າຍດິ໋ງ, ບຶງ ເງືອມ - ຈາງອ່ານ - ອ່າວຮ້າລອງ, ຮ່າໂນ້ຍ - ລາຍເຈົ້າ - ຮ່າຢາງ, ຮ່າໂນ້ຍ - ເຊີນລາ…
ຫອມມາລາ
