| ວັນບຸນຄອບຄົວ ຫວຽດນາມ ປີ 2022 ຈະດຳເນີນໃນລະຫວ່າງວັນທີ 25 ມິຖຸນາ ຫາ ວັນທີ 28 ມິຖຸນາ | |
| ອ່າວຮະລອງຕ້ອນຮັບແຂກທ່ອງທ່ຽວບັນລຸລະດັບສະຖິຕິນັບແຕ່ເວລາເປີດປະຕູຄືນໃໝ່ |
 |
| ພາບປະກອບ: luatvietnam.vn |
ປັດຈຸບັນ ຮອດວັນທີ 1 ກໍລະກົດ ປີ 2022, ກະຊວງຈະຢຸດຕິການສະໜອງໜັງສືຜ່ານແດນທຳມະດາຕາມແບບເກົ່າ, ຍົກເວັ້ນກໍລະນີຮີບດ່ວນຄື ໄປປິ່ນປົວພະຍາດ, ປະຕິບັດງານ, ໄດ້ຊື້ປິ້ຍົນແລ້ວ…
ຕາມ ຈົດໝາຍລັດຖະການສະບັບເລກທີ 73/2021, ກະຊວງຕຳຫຼວດໄດ້ປະກາດໃຊ້ໜັງສືຜ່ານແດນແບບໃໝ່ ໃນນັ້ນມີແບບຕິດ chip. ຕາມນັ້ນແລ້ວ, ຮູບແບບໜັງສືຜ່ານແດນນີ້ມີໜ້າປົກນອກໄດ້ພິມຊື່ຂອງປະເທດ, ກາໝາຍຊາດ, ໜັງສືຜ່ານແດນຕິດ Chip ມີສັນຍາລັກ Chip.
ຕາມຂໍ້ມູນເບື້ອງຕົ້ນ, Chip ໃນໜັງສືຜ່ານແດນມີຂໍ້ມູນທີ່ໄດ້ຫັນເປັນລະຫັດຂອງຜູ້ຖືໜັງສືຜ່ານແດນ ແລະ ມີລາຍເຊັນເອເລັກໂຕນິກຂອງຜູ້ສະໜອງ. ນອກຈາກນັ້ນ, Chip ຍັງສາມາດສຳເນົາຈຸດພິເສດຂອງມະນຸດ, ພາບຖ່າຍ ຫຼື ຂໍ້ມູນສ່ວນຕົວຂອງພົນລະເມືອງ.
ການຕິດ Chip ໃສ່ໜັງສືຜ່ານແດນໄດ້ຮັບການຕີລາຄາແມ່ນຕອບສະໜອງຄວາມຕ້ອງການກ່ຽວກັບການຫັນເປັນດີຈີຕອນໃນຍຸກສະໄໝໃໝ່, ຫຼຸດຜ່ອນຄວາມສ່ຽງເຮັດປອມ. ແໜັງສືຜ່ານແດນທົ່ວໄປແບບໃໝ່ຮັບປະກັນລັກສະນະຄວາມໝັ້ນຄົງ, ເຮັດປອມຍາກກ່ວາຫຼາຍເທົ່າ. ໜ້າປົກໄດ້ເຮັດດ້ວຍຢາງປາດສະຕິກ ມີຄວາມທົນທານສູງ. ໜັງສື, ຕົວເລກ ໄດ້ເຈາະຮູດ້ວຍເຕັກໂນໂລຢີ laser ແຕ່ໜ້າ 1 ຈົນຮອດໜ້າສຸດທ້າຍ ແລະ ກົງກັບໜັງສື, ຕົວເລກຂອງໜ້າ 1. ທັງໝົດເນື້ອໃນ, ພາບຖ່າຍທີ່ພິມໃນໜັງສືຜ່ານແດນໄດ້ປະຕິບັດດ້ວຍເຕັກໂນໂລຢີທີ່ທັນສະໄໝຕອບສະໜອງຄວາມຕ້ອງການດ້ານຄວາມໝັ້ນຄົງ, ຕ້ານຄວາມສ່ຽງເຮັດປອມ ແລະ ບັນລຸມາດຖານຂອງອົງການຈັດຕັ້ງການບິນພົນລະເຮືອນສາກົນ (ICAO).
ນອກຈາກນັ້ນ, ພາບຖ່າຍຢູ່ໜ້າຕ່າງໆໃນໜັງສືຜ່ານແດນແມ່ນພາບຄວາມສວຍງາມຂອງປະເທດຊາດ, ມໍລະດົກວັດທະນະທຳຫວຽດນາມ, ສົມທົບກັບລວດລາຍກອງທອງແດງ. ໜັງສືຜ່ານແດນມີ 2 ພາສາ ທີ່ນຳໃຊ້ທາງການ ໃນນັ້ນແມ່ນພາສາອັງກິດ ແລະ ພາສາຫວຽດ.
ໜັງສືຜ່ານແດນໄດ້ຈຳແນກດ້ວຍສີຂອງໜ້າປົກ: ໜັງສືຜ່ານແດນທົ່ວໄປ ມີໜ້າປົກສີຟ້າມ່ວງ, ໜັງສືຜ່ານແດນທາງລັດຖະການ ມີໜ້າປົກສີຂຽວເຂັ້ມ ແລະ ໜັງສືຜ່ານແດນທາງການທູດ ມີໜ້າປົກສີແດງ.
ບຸນຄົງ
