| ຖະໜົນວາງຂາຍຜະລິດຕະພັນກະເສດທີ່ເຕັມໄປດ້ວຍສີສັນໃນ Festival ໝາກໄມ້, ຜະລິດຕະພັນ OCOP ຫວຽດນາມ ປີ 2022 | |
| ຈີນຍູ້ແຮງການຊື້ຜະລິດຕະພັນກະເສດທາງການ, ລາຄາໝາກເຜັດຂີ້ໜູ ເພີ່ມຂຶ້ນສູງ |
 |
| ໝາກພິກ (ພາບ: TTXVN) |
ຫວ່າງແລ້ວນີ້, ຢູ່ນະຄອນບວນມາທວດ, ແຂວງດັກລັກ, ສະຖາບັນວິທະຍາສາດເຕັກນິກກະສິກຳປ່າໄມ້ ໄຕງວຽນ ໄດ້ຈັດຕັ້ງລິເລີ່ມໂຄງການຍົກສູງຄວາມຍືນຍົງ, ສະມັດຕະພາບ ແລະ ມູນຄ່າເສດຖະກິດຂອງລະບົບກະສິກຳປູກຝັງ ແລະ ຕ່ອງໂສ້ລະບົບມູນຄ່າກາເຟ ແລະ ຕົ້ນພິກໄທຢູ່ເຂດ ໄຕງວຽນ (ໂຄງການ V-SCOPE).
ໂຄງການດັ່ງກ່າວຈະໄດ້ຮັບການຜັນຂະຫຍາຍຢູ່ 3 ແຂວງຄື: ດັກລັກ, ດັກນົງ ແລະ ຢາລາຍ ຮອດເດືອນກັນຍາ 2024 ດ້ວຍການເຂົ້າຮ່ວມຂອງຊາວກະສິກອນປູກກາເຟ ແລະ ໝາກພິກໄທເກືອບ 300 ຄົນ.
ໃນໄລຍະປີທໍາອິດຂອງໂຄງການ, ທີມງານຜູ້ຊ່ຽວຊານຈະອອກແບບ ແລະ ທົດລອງວິວັດການຫົດນ້ຳແບບໃຫມ່ເພື່ອປັບປຸງຄຸນນະພາບຂອງດິນ ແລະ ຄວບຄຸມສັດຕູພືດທີ່ເກີດຈາກດິນ; ປັບປຸງການເຮັດກະສິກຳແບບຍືນຍົງ. ໝາກຜົນທີ່ໄດ້ຮັບແມ່ນຈະນຳໃຊ້ເຂົ້າໃນການສ້າງແບບຈຳລອງທີ່ສົມບູນສຳລັບການອອກແບບລະບົບຫົດນ້ຳແບບອັດສະລິຍະທີ່ເໝາະສົມກັບດິນຟ້າອາກາດສຳລັບພືດ 2 ຊະນິດນີ້ຢູ່ເຂດ ໄຕງວຽນ.
ຈຸດປະສົງຂອງໂຄງການ V-SCOPE ແມ່ນເພື່ອຍົກລະດັບຊີວິດການເປັນຢູ່ຂອງຄອບຄົວຊາວກະສິກອນຂະຫນາດນ້ອຍຢູ່ເຂດ ໄຕງວຽນ, ໂດຍສະເພາະກຸ່ມປະຊາກອນທີ່ມີຄວາມສ່ຽງ, ໂດຍຜ່ານການປັບປຸງຄວາມຍືນຍົງ ແລະ ຕ່ອງໂສ້ລະບົບມູນຄ່າໃນການປູກກາເຟ ແລະ ໝາກພິກ.
ບຸນຄົງ
