| ຫໍພິພິທະພັນກາເຟ ຫວຽດນາມ ໄດ້ເຊີດຊູໃນວາລະສານແຖວໜ້າຂອງໂລກ | |
| ລິເລີ່ມໂຄງການປັບປຸງຄວາມຍືນຍົງ ແລະ ມູນຄ່າຂອງຕົ້ນກາເຟ ແລະ ໝາກພິກໄທ |
ທີ່ການພົບປະ, ທ່ານນາງ Caroline Glowka, ຜູ້ອຳນວຍການສະມາຊິກ ແລະ ຄູ່ຮ່ວມມື GCP ຖືວ່າ: ຫວຽດນາມ ແມ່ນໜຶ່ງໃນບັນດາຂົງເຂດຜະລິດກາເຟທີ່ສຳຄັນໃນໂລກ. ຍ້ອນໄດ້ຮັບການໜູນຊ່ວຍ, ການປະສານສົມທົບ ແລະ ການຮ່ວມມືຂອງສະຫະພັນບັນດາອົງການມິດຕະພາບ ຫວຽດນາມ ແລະ ບັນດາຄູ່ຮ່ວມມືຂອງ ຫວຽດນາມ, ໂຄງການ GCP ປະຕິບັດຢູ່ເຂດໄຕຫງວຽນ ບັນລຸໄດ້ຄວາມກ້າວໜ້າຫຼາຍຢ່າງ, ໃນນັ້ນມີ: ປັບປຸງຂໍ້ມູນຂ່າວສານໃຫ້ຊາວກະສິກອນ, ປະກອບສ່ວນຍົກສູງສະມັດຕະພາບ ແລະ ຄຸນນະພາບຂອງກາເຟ, ເພີ່ມລາຍຮັບໃຫ້ຊາວກະສິກອນ...
ທ່ານນາງ Caroline Glowka ໃຫ້ຮູ້ວ່າ, ຈະແບ່ງປັນປະສົບການປະຕິບັດໂຄງການຢູ່ ຫວຽດນາມ ເພື່ອຜັນຂະຫຍາຍຮູບແບບນີ້ຢູ່ບັນດາປະເທດສະມາຊິກຂອງອົງການ.
ທ່ານນາງ Lauren Weiss, ຜູ້ອຳນວຍການປະເທດ ແລະ ຄູ່ຮ່ວມມື GCP ປາດຖະໜາວ່າ ຈະສືບຕໍ່ໄດ້ຮັບການໜູນຊ່ວຍຈາກສະຫະພັນບັນດາອົງການມິດຕະພາບ ຫວຽດນາມ ແລະ ຄະນະກຳມະການປະສານງານການຊ່ວຍເຫຼືອປະຊາຊົນ PACCOM (ຄະນະກຳມະການຂຶ້ນກັບໂດຍກົງ ສະຫະພັນບັນດາອົງການມິດຕະພາບ ຫວຽດນາມ) ແລະ ບັນດາຄູ່ຮ່ວມມື ຫວຽດນາມ ໂດຍສະເພາະແມ່ນກິດຈະກໍາການລະດົມທຶນ.
 |
ທ່ານ ຫງວຽນຫງອກຮຸ່ງ, ຮອງປະທານສະຫະພັນບັນດາອົງການມິດຕະພາບຫວຽດນາມ (ຂວາ) ໄດ້ໃຫ້ການຕ້ອນຮັບທ່ານນາງ Caroline Glowka, ຜູ້ຄຸ້ມຄອງສະມາຊິກ ແລະ ຄູ່ຮ່ວມມືຂອງອົງການເວທີປາໄສກາເຟໂລກ. |
ທ່ານ ຫງວຽນຫງອກຮຸ່ງ, ຮອງປະທານສະຫະພັນບັນດາອົງການມິດຕະພາບຫວຽດນາມ ໃຫ້ຮູ້ວ່າ: ກາເຟແມ່ນໜຶ່ງໃນບັນດາຜະລິດຕະພັນສົ່ງອອກຕົ້ນຕໍຂອງຫວຽດນາມ, ກວມເອົາ 3% GDP ຂອງປະເທດ. ປີ 2023, ວົງເງິນສົ່ງອອກກາເຟບັນລຸ 4,24 ຕື້ USD. ເມັດກາເຟຂອງຫວຽດນາມ ໄດ້ຮັບການຕີລາຄາວ່າດີທາງດ້ານຄຸນນະພາບ, ແຕ່ຂະບວນການປຸງແຕ່ງ ແລະ ການປຸງແຕ່ງຍັງຈຳກັດ. ຫວຽດນາມ ຕົ້ນຕໍແມ່ນສົ່ງອອກໝາກຖົ່ວດິບໄປຍັງບັນດາປະເທດປຸງແຕ່ງກາເຟ, ສະນັ້ນ ຜູ້ບໍລິໂພກບໍ່ຄ່ອຍຮູ້ຈັກເຄື່ອງໝາຍກາເຟຂອງຫວຽດນາມ.
ທ່ານ ຫງວຽນຫງອກຮຸ່ງ ປາດຖະໜາວ່າ GCP ຊຸກຍູ້ການຮ່ວມມືກັບຊາວກະສິກອນ, ນັກທຸລະກິດ, ອຳນາດການປົກຄອງທ້ອງຖິ່ນ, ລັດຖະບານ ເພື່ອໜູນຊ່ວຍນຳບັນດາເຄື່ອງໝາຍກາເຟຂອງ ຫວຽດນາມ ເຂົ້າໃກ້ຜູ້ບໍລິໂພກສາກົນ. ທ່ານຮອງປະທານສະຫະພັນບັນດາອົງການມິດຕະພາບ ຫວຽດນາມ ສະເໜີໃຫ້ອົງການ GCP ສືບຕໍ່ແລກປ່ຽນຂໍ້ມູນຂ່າວສານ; ແບ່ງປັນປະສົບການ, ເລື່ອງລາວ, ຮູບແບບການຜະລິດ ແລະ ຈຳໜ່າຍກາເຟທີ່ມີປະສິດທິຜົນ ແລະຍືນຍົງໃນທົ່ວໂລກກັບຊາວກະສິກອນ ແລະບັນດາຄູ່ຮ່ວມມືຫວຽດນາມ.
ຄຳຮຸ່ງ
