ຊຸກຍູ້ກາລະໂອກາດການຄ້າ ແລະ ການລົງທຶນ ອົດສະຕາລີ - ຫວຽດນາມ

13:03 | 27/06/2022

ຕາມທ່ານທັ້ງແລ້ວ, ໃນໄລຍະຈະມາເຖິງ 2 ປະເທດອາດເພີ່ມວົງເງິນການຄ້າໃຫ້ຫຼາຍກວ່າເກົ່າ, ໂດຍຜ່ານການເພີ່ມທະວີການຄ້າບັນດາຜະລິດຕະພັນທີ່ມີມາແຕ່ດົນຄື: ສິນໃນນ້ຳ, ຜະລິດຕະພັນກະເສດ, ແຮ່ທາດ, ເຄື່ອງຕ່ຳແຜ່ນຕັດຫຍິບ, ເກີບໜັງ, ວັດສະດຸກໍ່ສ້າງ ແລະ ຜະລິດຕະພັນອື່ນໆຂອງສອງປະເທດ ທີ່ມີທ່າໄດ້ປຽບ ປຽບທຽບໃນຕະຫຼາດໂລກ.

	ຫວຽດນາມ ແລະ ອົດສະຕາລີ ສືບຕໍ່ເປີດກວ້າງການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ
	ຊຸກຍູ້ການຮ່ວມມືລະຫວ່າງບັນດາທ້ອງຖິ່ນຂອງຫວຽດນາມ ແລະ ເຢຍລະມັນ

ຊຸກຍູ້ກາລະໂອກາດການຄ້າ ແລະ ການລົງທຶນ ອົດສະຕາລີ - ຫວຽດນາມ

ທ່ານເອກອັກຄະລັດຖະທູດຫວຽດນາມ ຫງວຽນດັງທັ້ງ ກ່າວຄຳເຫັນທີ່ກອງປະຊຸມ (ພາບ: TTXVN)

ຫວ່າງແລ້ວນີ້, ຢູ່ ນະຄອນ Sydney, ສະພາວິສາຫະກິດ ອົດສະຕາລີ - ຫວຽດນາມ (AVBC) ໄດ້ຈັດຕັ້ງກອງປະຊຸມຊຸກຍູ້ກາລະໂອກາດການຄ້າ ແລະ ການລົງທຶນລະຫວ່າງ ອົດສະຕາລີ ແລະ ຫວຽດນາມ ຜ່ານການຮ່ວມມືປະຕິບັດຍຸດທະສາດເພີ່ມທະວີການພົວພັນຮ່ວມມືດ້ານເສດຖະກິດລະຫວ່າງ 2 ປະເທດ. ທ້າຍປີ 2021. ກອງປະຊຸມໄດ້ມີການເຂົ້າຮ່ວມຂອງວິສາຫະກິດ 2 ປະເທດ ເກືອບ 100 ແຫ່ງທີ່ດຳເນີນທຸລະກິດໃນຫຼາຍຂົງເຂດ.

ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດຫວຽດນາມ ປະຈຳ Sydney ຮັບຜິດຊອບລັດ New South Wales, Queensland ແລະ ອົດສະຕາລີໃຕ້ ຫງວຽນດັງທັ້ງ ຢືນຢັນວ່າ ການພົວພັນ ຫວຽດນາມ - ອົດສະຕາລີ ພວມຢູ່ໃນໄລຍະທີ່ຟົດຟື້ນທີ່ສຸດ. ໃນ 5 ເດືອນຕົ້ນປີ 2022, ວົງເງິນການນຳເຂົ້າ ແລະ ສົ່ງອອກລະຫວ່າງສອງປະເທດບັນລຸ 9 ຕື້ AUD (6,22 ຕື້ USD), ເພີ່ມຂຶ້ນຫຼາຍກວ່າ 32% ເມື່ອທຽບໃສ່ໄລຍະດຽວກັນຂອງປີກາຍ. ປະຈຸບັນ, ການລົງທຶນສອງຝ່າຍລະຫວ່າງຫວຽດນາມ ແລະ ອົດສະຕາລີ ແມ່ນກວ່າ 3,5 ຕື້ AUD (2,45 ຕື້ USD).

ເຂົ້າຮ່ວມກອງປະຊຸມ, ຜູ້ແທນວິສາຫະກິດ 2 ປະເທດເຫັນດີເປັນເອກະສັນກັນວ່າ: ນີ້ແມ່ນເວລາເໝາະສົມທີ່ສຸດເພື່ອຊອກຫາກາລະໂອກາດ ແລະ ຊຸກຍູ້ການເຄື່ອນໄຫວດຳເນີນທຸລະກິດ ແລະ ການລົງທຶນຢູ່ແຕ່ລະປະເທດໃນຫຼາຍຂົງເຂດ, ນັບແຕ່ກະສິກຳເຖິງອຸດສາຫະກຳ, ກໍ່ສ້າງ, ການເງິນ - ການທະນາຄານຕະຫຼອດເຖິງສິ່ງແວດລ້ອມ ແລະ ສາທາລະນະສຸກ. ການບໍລິການ, ໂດຍຜ່ານການຂຸດຄົ້ນບັນດາທ່າແຮງຂອງກັນ ແລະ ມຸ່ງຫນ້າໄປສູ່ຕະຫຼາດໂລກ.

ບຸນຄົງ