| ເລີ່ມຕົ້ນໂຄງການໂຮງຮຽນແຫ່ງຄວາມສຸກ ຢູ່ ຫວຽດນາມ | |
| ຄວາມສາມາດບົ່ມຊ້ອນອັນໃຫຍ່ຫຼວງຂອງຢາສະໝຸນໄພຫວຽດນາມ ຢູ່ຕະຫຼາດຍີ່ປຸ່ນ |
 |
| COPI ກວດພະຍາດ, ແຈກຢາບໍ່ເສຍຄ່າໃຫ້ແກ່ນັກຮຽນຢູ່ແຂວງຝຸເທາະ |
ພາຍລັງຖືກຂາດວັດຂາດຕອນມາເປັນເວລາ 2,5 ປີຍ້ອນພະຍາດໂຄວິດ - 19, ວັນທີ 19 ແລະ 20 ມິຖຸນາ, ອົງການຈັດຕັ້ງ Children Of Peace International (COPI)/ອາເມລິກາ ໄດ້ສົມທົບກັບພະແນກການຕ່າງປະເທດ ແລະ ຫ້ອງວ່າການສະຫະພັນບັນດາອົງການຕັດຕັ້ງມິດຕະພາບແຂວງຝຸເທາະ ປະຕິບັດໂຄງການກວດພະຍາດ ແລະ ແຈກຢາໂດຍບໍ່ເສຍຄ່າໃຫ້ແກ່ນັກຮຽນ, ຄູອາຈານ ຢູ່ໂຮງຮຽນປະຖົມ ຮະຢາບ, ເມືອງຝູນິງ ແລະ ສູນປົກປ້ອງເດັກກຳພ້າ ແລະ ພິການ ແຂວງວຽດຈີ.
ໂຄງການກວດພະຍາດ, ສະໜອງ ແລະ ແຈກຢາຍຢາໂດຍບໍ່ເສຍຄ່າ ແມ່ນການເຄື່ອນໄຫວປະຈຳປີ ໂດຍຄະນະທຳການກຸສົນຂອງອົງການ COPI ກະກຽມຢ່າງພິຖີພິຖັນ, ລອບຄອບຖີ່ຖ້ວນເພື່ອຊ່ວຍໃຫ້ນັກຮຽນຍົກສູງສະຕິໃນການຮັກສາສຸຂະອະນາໄມຂອງຕົນ ແລະ ຕ້ານການແຜ່ລະບາດຂອງພະຍາດໂຄວິດ-19. ພ້ອມກັນນັ້ນ ກໍໄດ້ໃຫ້ການຊ່ວຍເຫລືອໃນການກວດພົບພະຍາດໂດຍໄວໃນການປ້ອງກັນ ແລະ ປິ່ນປົວພະຍາດພາຍໃນ, ໃບໜ້າ, ຮັບປະກັນສຸຂະພາບຂອງນັກຮຽນປະຖົມ, ເດັກກຳພ້າ ແລະ ນັກຮຽນພິການ.
COPI ແມ່ນອົງການທີ່ບໍ່ຂຶ້ນກັບລັດຖະບານຂອງອາເມລິກາ ດໍາເນີນການກວດ ແລະ ປິ່ນປົວພະຍາດໂດຍບໍ່ເສຍຄ່າ, ຊ່ວຍເຫຼືອເດັກນ້ອຍທີ່ດ້ອຍໂອກາດ. ແຕ່ປີ 1994 ເຖິງປະຈຸບັນ, COPI ໄດ້ໃຫ້ການຊ່ວຍເຫຼືອດ້ານການເງິນໃຫ້ສູນໜູນຊ່ວຍເດັກກຳພ້າພິການນະຄອນວຽດຈີ ແລະ ໄດ້ປະຕິບັດໂຄງການກວດພະຍາດໂດຍບໍ່ເສຍຄ່າ, ແຈກຢາຍຢາໃຫ້ນັກຮຽນປະຖົມຢູ່ເມືອງຕ່າງໆຄື ຕາມນົງ, ດວານຮຸ່ງ, ແທງເຊີນ... ໃນເດືອນມີນາ ແລະ ເດືອນສິງຫາ ຂອງທຸກໆປີ.
ບຸນຄົງ
