ກ່າວຄຳເຫັນທີ່ການຕ້ອນຮັບ, ທ່ານປະທານປະເທດຫວຽດນາມ ຫງວຽນຊວັນຟຸກ ໃຫ້ຮູ້ວ່າ, ຫວຽດນາມ ຖືເປັນສຳຄັນການພົວພັນຮ່ວມມືມິດຕະພາບທີ່ເປັນມູນເຊື້ອ ແລະ ຖື ໂມຊຳບິກ ເປັນໜຶ່ງໃນບັນດາຄູ່ຮ່ວມມືຈຸດສຸມຂອງ ຫວຽດນາມ ຢູ່ອາຟຼິກກາ, ທ່ານສະເໜີໃຫ້ສອງຝ່າຍເພີ່ມທະວີການແລກປ່ຽນຄະນະຜູ້ແທນ, ການພົບປະຂັ້ນສູງ ແລະ ທຸກຂັ້ນ, ກະຊວງ, ຂະແໜງການ ແລະ ທ້ອງຖິ່ນ. ທ່ານປະທານປະເທດ ຢັ້ງຢືນວ່າ ຫວຽດນາມ ພ້ອມແລ້ວທີ່ຈະແບ່ງປັນກັບ ໂມຊຳບິກ ກ່ຽວກັບການເຄື່ອນໄຫວຢູ່ສະພາຄວາມໝັ້ນຄົງ ສປຊ; ຕັ້ງໜ້າຜັນຂະຫຍາຍກົນໄກຮ່ວມມືສອງຝ່າຍ, ສືບຕໍ່ຕັ້ງໜ້າສົມທົບ ແລະ ສະໜັບສະໜູນເຊິ່ງກັນ ແລະ ກັນຢູ່ເວທີປາໄສຫຼາຍຝ່າຍ.
ເພື່ອເຂົ້າເຖີງກິດຈະການຮ່ວມໂທລະຄົມໂມວີແທ່ວ ຢູ່ປະເທດ ໂມຊໍາບິກ ແມ່ນຕົວແບບທີ່ປະສົບຜົນສຳເລັດ, ໄດ້ສະແດງໃຫ້ເຫັນຄວາມສາມາດບົ່ມຊ້ອນອັນໃຫຍ່ຫຼວງໃນການຮ່ວມມືລະຫວ່າງ 2 ປະເທດ, ທ່ານປະທານປະເທດ ສະແດງຄວາມຂອບໃຈ ແລະ ຮຽກຮ້ອງໃຫ້ບັນດາການນຳຂອງ ປະເທດໂມຊໍາບິກ ສືບຕໍ່ເອົາໃຈໃສ່ ແລະ ສ້າງເງື່ອນໄຂສະດວກໃຫ້ແກ່ການເຄື່ອນໄຫວຍຸດທະສາດຢ່າງບໍ່ຢຸດຢັ້ງ. ຍົກສູງຄຸນນະພາບການບໍລິການ, ເພີ່ມທະວີການບໍລິການໂທລະສັບມືຖືໄປສູ່ຊົນນະບົດ ແລະເຂດຫ່າງໄກສອກຫຼີກທີ່ມີຄວາມຫຍຸ້ງຍາກ, ຮັບໃຊ້ປະຊາຊົນດີກວ່າ ແລະການພັດທະນາເສດຖະກິດແລະສັງຄົມຂອງປະເທດໂມຊໍາບິກ. ຄຽງຄູ່ກັນນັ້ນ, ສະເໜີສອງຝ່າຍສ້າງເງື່ອນໄຂຊຸກຍູ້ການຮ່ວມມືດ້ານການຄ້າໃຫ້ແທດເໝາະກັບທ່າແຮງ ແລະ ຂະໜາດຕະຫຼາດຂອງແຕ່ລະຝ່າຍ,ຊ່ວຍເຫຼືອວິສາຫະກິດເພີ່ມທະວີການເຊື່ອມຕໍ່.
 |
| ທ່ານປະທານປະເທດ ຫງວຽນຊວັນຟຸກ ແລະ ທ່ານນາງປະທານສະພາແຫ່ງຊາດ ໂມຊຳບິກ Esperanca Laurinda Francisco Nhiuane Bias. ພາບ: TTXVN |
ຕີລາຄາສູງຜົນສຳເລັດຂອງໄລຍະທີ 1 ຂອງໂຄງການຮ່ວມມືຄົ້ນຄວ້າ ແລະ ພັດທະນາພືດສະບຽງອາຫານຢູ່ ຊໍາເບີເຊຍ, ທ່ານປະທານປະເທດ ຫງວຽນຊວັນຟຸກ ໃຫ້ຮູ້ວ່າ 2 ຝ່າຍຕ້ອງຕັ້ງໜ້າຊອກຫາມາດຕະການເພື່ອຜັນຂະຫຍາຍໄລຍະ 2 ຂອງໂຄງການໂດຍໄວ. ດ້ວຍກຳລັງການສົ່ງອອກສະບຽງອາຫານເປັນຈຳນວນຫຼວງຫຼາຍ, ພິເສດແມ່ນເຂົ້າສານ, ຫວຽດນາມ ຈະຊ່ວຍໂມຊໍາບິກ ໃນການຮັບປະກັນຄວາມໝັ້ນຄົງດ້ານສະບຽງອາຫານ, ພ້ອມແລ້ວທີ່ຈະເພີ່ມທະວີການຮ່ວມມືດ້ານສາທາລະນະສຸກ ແລະ ການສຶກສາໃນບັນດາຈຸດພິເສດທີ່ ມໍຊໍາບິກ ມີຄວາມຕ້ອງການ; ເປີດກວ້າງການຮ່ວມມືດ້ານວັດທະນະທຳ ແລະ ກິລາຄື: ສັບປະດາວັດທະນະທຳຫວຽດນາມ ຢູ່ໂມຊໍາບິກ, ອາທິດວັດທະນະທຳ ໂມຊໍາບິກ ຢູ່ຫວຽດນາມ, ວັນວັດທະນະທຳຢູ່ນະຄອນໃຫຍ່ ແລະ ຈັດຕັ້ງບັນດາກິດຈະກໍາວັດທະນະທຳ. ທ່ານປະທານປະເທດ ກໍ່ສະແດງຄວາມເຊື່ອໝັ້ນຕໍ່ການສະໜັບສະໜູນຂອງປະທານສະພາແຫ່ງຊາດ ສາທາລະນະລັດ ໂມຊໍາບິກ ເພື່ອໃຫ້ການພົວພັນຮ່ວມມືລະຫວ່າງ 2 ປະເທດເວົ້າລວມ ແລະ ການຮ່ວມມື ລະຫວ່າງ ສະພາແຫ່ງຊາດບັນລຸໄດ້ບັນດາໝາກຜົນອັນດີງາມກ່ວາອີກ ເພື່ອຜົນປະໂຫຍດຂອງປະຊາຊົນ, ໄດ້ຮັບການພັດທະນາ ເວລາຈະມາເຖິງ.
ທ່ານນາງປະທານສະພາແຫ່ງຊາດ ໂມຊຳບິກ ຢັ້ງຢືນວ່າ ການພົວພັນລະຫວ່າງສອງປະເທດ ນັບມື້ນັບພັດທະນາ ໃນຫຼາຍຂົງເຂດ ໂດຍສະເພາະແມ່ນນັບແຕ່ສອງປະເທດສ້າງຕັ້ງການພົວພັນທາງການທູດ. ແບ່ງປັນກ່ຽວກັບເລື່ອງລົງນາມບົດບັນທຶກຊ່ວຍຈຳລະຫວ່າງສອງສະພາແຫ່ງຊາດ, ຢ້ຽມຢາມສະຖາບັນການເມືອງແຫ່ງຊາດໂຮ່ຈີມິນ, ສະຖາບັນກະສິກຳ ຫວຽດນາມ, ຄະນະກຳມະການແຫ່ງຊາດຮັບມືກັບໄພພິບັດ, ທຳມະຊາດ ແລະ ກູ້ໄພກູ້ຊີບຫວຽດນາມ…ທ່ານນາງປະທານສະພາແຫ່ງຊາດ ໂມຊຳບິກ ຖືວ່າ ການແລກປ່ຽນກັບບັນດາຝ່າຍແມ່ນເງື່ອນໄຂໃຫ້ແກ່ການຮ່ວມມືລະຫວ່າງກະຊວງ, ຂະແໜງການ, ຄະນະຂອງສອງປະເທດກ່ຽວກັບຂົງເຂດນີ້.
ວີໂອວີ
