| Google Doodle ເຊີດຊູເຂົ້າຈີ່ຫວຽດນາມ ໃນໜ້າທຳອິດຂອງ Google ຢູ່ກວ່າ 10 ປະເທດ | |
| ເພີ່ມທະວີການພັດທະນາການແລກປ່ຽນດ້ານເສດຖະກິດ, ແຮງງານ ແລະ ການທ່ອງທ່ຽວຫວຽດນາມ - ຍີ່ປຸ່ນ |
ຫວ່າງແລ້ວນີ້, ສູນຂໍ້ມູນຂ່າວສານທ່ອງທ່ຽວ (VNAT) ໄດ້ສົມທົບກັບກຸ່ມບໍລິສັດ Google ເພື່ອແນະນຳໂຄງການ "Google Art & Culture".
 |
| Google ໂຄສະນາວັດທະນະທໍາ ແລະ ການທ່ອງທ່ຽວຫວຽດນາມ. ພາບ: Google Arts & Culture) |
ຝ່າຍ Google ຈະສະຫນອງ 3 ເຄື່ອງມື ລວມມີ Art Camera, Google Street View ແລະ Table Top Scanner. ສະຖານທີ່ທ່ອງທ່ຽວ, ຫໍພິພິທະພັນ, ອານຸສາວະລີ... ສາມາດໃຊ້ເຄື່ອງມືເພື່ອບັນທຶກຮູບພາບ, ວິດີໂອ ແລະ ລົງຢູ່ໃນພື້ນຖານເກັບຮັກສາຂອງ Google. ຜ່ານນັ້ນ, ນັກທ່ອງທ່ຽວທົ່ວໂລກ ກໍສາມາດເຂົ້າໄປເບິ່ງ ແລະ ຊົມຮູບພາບ 3D, ຮູບພາບ 360 ອົງສາ, ການບັນຍາຍໄດ້ຟຼີ...
ທ່ານ ເລຊວນກ່ຽວ, ຜູ້ອຳນວຍການສູນກິດຈະກຳວັດທະນະທຳ ແລະ ວິທະຍາສາດ ວັດມ້ຽວ-ກວກຕື໋ຢ໊າມ, ຮ່າໂນ້ຍ ໃຫ້ຮູ້ວ່າ: ໜ່ວຍງານໄດ້ຫັນຫຼາຍລາຍການໃນຮ່ອງຮອຍເປັນດີຈີຕອນ, ແຕ່ຕ້ອງການໜູນຊ່ວຍດ້ານເຕັກນິກຂອງ Google ເພື່ອນຳເອົາຂໍ້ມູນນີ້ຂຶ້ນສູ່ພື້ນຖານດີຈີຕອນ. ເພື່ອຕອບສະໜອງບັນຫາດັ່ງກ່າວ, ທ່ານ Pierre Caessa, ຜູ້ຮັບຜິດຊອບໂຄງການ Google Arts & Culture ໃຫ້ຄຳໝັ້ນສັນຍາຈະຮ່ວມເດີນທາງ ແລະ ໜູນຊ່ວຍພ້ອມກັບບັນດາຫົວໜ່ວຍຂອງຫວຽດນາມ. ຊຸດຝຶກອົບຮົມລາຍລະອຽດຈະຈັດຂຶ້ນໃນ ໄຕມາດທີສາມ.
ທ່ານ ຫງວ້ຽນເລ່ຟຸກ, ຮອງຜູ້ອຳນວຍການໃຫຍ່ອົງການທ່ອງທ່ຽວ ໄດ້ຕີລາຄາສູງຂໍ້ລິເລີ່ມຂອງກູໂກ ໃນການແນະນຳພື້ນຖານດິຈິຕອນກູໂກ ສິລະປະ ແລະ ວັດທະນະທຳ ໃຫ້ບັນດາຫົວໜ່ວຍໃນຂະແໜງທ່ອງທ່ຽວຫວຽດນາມ. ນີ້ແມ່ນຄວາມມານະພະຍາຍາມເພື່ອປະກອບສ່ວນຊ່ວຍເຫຼືອການຫັນເປັນດີຈີຕອນໃນບັນດາການເຄື່ອນໄຫວສື່ສານ, ໂຄສະນາການທ່ອງທ່ຽວຫວຽດນາມ.
ໄລຍະຜ່ານມາ, ເພື່ອຮັບມືກັບການແຜ່ລະບາດຂອງພະຍາດໂຄວິດ-19, ແລະ ຟື້ນຟູຂະແໜງທ່ອງທ່ຽວໃຫ້ເຂົ້າສູ່ສະພາບປົກກະຕິອັນໃໝ່, ອົງການທ່ອງທ່ຽວໄດ້ສຸມໃສ່ຜັນຂະຫຍາຍຫຼາຍວິທີ ເພື່ອຫັນເປັນດີຈີຕອນ ໃນຂະແໜງການທ່ອງທ່ຽວ ເພື່ອແນໃສ່ຄວາມປອດໄພ, ການພັດທະນາແບບຍືນຍົງ.
“ຂ້າພະເຈົ້າຫວັງວ່າຈາກໂຄງການນີ້, ບັນດາທ້ອງຖິ່ນ, ບັນດາແຫຼ່ງທ່ອງທ່ຽວຈະຕັ້ງໜ້າໃກ້ສີດ, ກໍາແໜ້ນຂໍ້ມູນ, ຄົ້ນຄວ້າ, ຂຸກຍູ້ການໂຄສະນາ, ໂຄສະນາບັນດາຄຸນຄ່າວັດທະນະທໍາ, ການທ່ອງທ່ຽວທີ່ເປັນເອກະລັກສະເພາະໃຫ້ທົ່ວໂລກ, ຍົກສູງຄຸນນະພາບເຄື່ອໝາຍຍີ່ຫໍ້,ເພື່ອດຶງດູດແຂກທ່ອງທ່ຽວສາກົນມາຫວຽດນາມ”. ທ່ານ ຫງວ້ຽນເລ່ຟຸກ.
ທ່ານ ຮວ່າງກວກຮວາ, ຮອງຫົວໜ້າອໍານວຍການສູນຂໍ້ມູນຂ່າວສານການທ່ອງທ່ຽວ ໃຫ້ຮູ້ວ່າ: “ພວກເຮົາຄາດວ່າໂຄງການສົ່ງເສີມການທ່ອງທ່ຽວຜ່ານ ກູໂກ ສິນລະປະ ແລະ ວັດທະນະທຳ ຈະນັບມື້ນັບມີຄວາມກວ້າງຂວາງ, ໄປສູ່ບັນດາທ້ອງຖິ່ນ, ແຫຼ່ງທ່ອງທ່ຽວໃນທົ່ວປະເທດ, ເປັນດິຈິຕອລຢ່າງມີປະສິດທິຜົນ. ເຄື່ອງມືເພື່ອແນໃສ່ເຊີດຊູບັນດາຄຸນຄ່າທີ່ເປັນເອກະລັກສະເພາະຂອງການທ່ອງທ່ຽວ ຫວຽດນາມ ໃນທົ່ວໂລກ.”
ໃນບົດບາດເປັນໜ່ວຍງານ ຫົວຈັກຫຼັ້ກແຫລ່ງ ຂອງອົງການທ່ອງທ່ຽວ ປະຕິບັດການສື່ສານ ແລະ ຫັນເປັນດິຈິຕອນໃນການທ່ອງທ່ຽວ, ໃນໄລຍະຈະມາເຖິງ, ສູນຂໍ້ມູນຂ່າວສານການທ່ອງທ່ຽວຈະສືບຕໍ່ສົມທົບກັນຢ່າງແໜ້ນແຟ້ນກັບກູໂກ ກໍ່ຄືບັນດາຫົວໜ່ວຍອື່ນໆ ເພື່ອຜັນຂະຫຍາຍບັນດາວີທີ່ແກ້ໄຂ ຊ່ວຍບັນດາທ້ອງຖິ່ນ , ທຸລະກິດ, ແລະສະຖານທີ່ທ່ອງທ່ຽວໃນການຫັນເປັນດິຈິຕອນ ທີ່ມີປະສິດທິພາບ ແລະສົ່ງເສີມການທ່ອງທ່ຽວພາຍໃນ ແລະຕ່າງປະເທດໂດຍຜ່ານເວທີດິຈິຕອນ.
ບູນມີ
