| ທ່ານລັດຖະມົນຕີ ໂຕເລີມ ຕ້ອນຮັບ ທ່ານເອກອັກຄະລັດຖະທູດຜູ້ມີອໍານາດເຕັມ ອົດສະຕາລີ ປະຈໍາ ຫວຽດນາມ | |
| ທ່ານເອກອັກຄະລັດຖະທູດອົດສະຕາລີ ປະຈໍາ ຫວຽດນາມ ໄດ້ມອບຫຼຽນກາລະນຶກເພື່ອພາລະກິດຊັບພະຍາກອນ ແລະ ສິ່ງແວດລ້ອມ |
 |
| ທ່ານລັດຖະມົນຕີ ໂຕເລີມ ຕ້ອນຮັບ ທ່ານເອກອັກຄະລັດຖະທູດ ອິດສະລາແອນ Nadav Eshcar ( ພາບ: TTXVN) |
ທີ່ການຕ້ອນຮັບ, ທ່ານລັດຖະມົນຕີ ໂຕເລີມ, ລັດຖະມົນຕີກະຊວງຕຳຫຼວດ ເນັ້ນໜັກວ່າ ໃນໄລຍະຜ່ານມາ, ເຖິງວ່າ ໂລກລະບາດໂຄວິດ - 19 ໄດ້ສົ່ງຜົນສະທ້ອນ, ເຮັດໃຫ້ຂາດວັກຂາດຕອນເຖິງກິດຈະກໍາຈໍານວນໜຶ່ງກ່ຽວກັບການຮ່ວມມືລະຫວ່າງກະຊວງຕຳຫຼວດ ຫວຽດນາມ ກັບຄູ່ຮ່ວມມືອິດສະລາແອນ. ແຕ່ສອງຝ່າຍກໍຍັງຜັນຂະຫຍາຍຫຼາຍການເຄື່ອນໄຫວແລກປ່ຽນຄະນະ, ກອງປະຊຸມ, ການສຳມະນາ ພາຍໃຕ້ຮູບການທາງໄກຢ່າງມີປະສິດທິຜົນ ເພື່ອແນໃສ່ຄົ້ນຄ້ວາ, ສຳຫຼວດຄວາມສາມາດການຮ່ວມມືໃນຂົງເຂດເຕັກໂນໂລຢີ, ເຕັກນິກ, ພະລາທິການດ້ານວິຊາສະເພາະ, ຮູບຈໍາລອງ, ຫຼັກສູດຝຶກອົບຮົມກ່ຽວກັບການປ້ອງກັນ ແລະ ຕ້ານການກໍ່ການຮ້າຍ, ຄວາມປອດໄພທາງອິນເຕີເນັດ…
ຜ່ານນັ້ນ, ສອງຝ່າຍກໍມີໂອກາດຊອກຮູ້ເຊິ່ງກັນແລະກັນ, ແລກປ່ຽນ, ແບ່ງປັນບົດຮຽນ, ຊອກຫາໂອກາດຮ່ວມມື. ພ້ອມກັນນັ້ນ ສອງຝ່າຍ ກໍກຳລັງສືບຕໍ່ສົມທົບຄົ້ນຄ້ວາ, ເຈລະຈາເພື່ອມຸ່ງໄປເຖິງການເຊັນບັນດາສັນຍາຄື ສັນຍາວ່າດ້ວຍການສົ່ງຜູ້ຕ້ອງໂທດຂ້າມແດນ, ສັນຍາວ່າດ້ວຍການສົ່ງມອບຜູ້ທີ່ຖືກຕັດສິນລົງໂທດຈໍາຄຸກ, ສັນຍາວ່າດ້ວຍການໜູນຊ່ວຍຍຸຕິທໍາກ່ຽວກັບອາຍາ, ຂໍ້ຕົກລົງວ່າດ້ວຍການຮ່ວມມືໃນຂົງເຂດຄວາມປອດໄພທາງອິນເຕີເນັດເພື່ອແນໃສ່ສ້າງພື້ນຖານນິຕິກຳໃຫ້ແກ່ການພັດທະນາການພົວພັນລະຫວ່າງກະຊວງຕຳຫຼວດ ຫວຽດນາມ ແລະ ບັນດາຄູ່ຮ່ວມມືທີ່ກ່ຽວຂ້ອງຂອງ ອິດສະລາແອນ.
ທ່ານເອກອັກຄະລັດຖະທູດ Nadav Eshcar ຢືນຢັນວ່າ, ໃນໄລຍະຈະມາເຖິງ, ບໍ່ວ່າຈະດໍາລົງຕຳແໜ່ງໃດກໍຕາມ ທ່ານກໍຈະສືບຕໍ່ເປັນຂົວເຊື່ອມຕໍ່ປະກອບສ່ວນເຂົ້າໃນການເພີ່ມທະວີການພົວພັນຮ່ວມມືລະຫວ່າງ ອິດສະລາແອນ - ຫວຽດນາມ ເວົ້າລວມ ແລະ ລະຫວ່າງບັນດາອົງການທີ່ກ່ຽວຂ້ອງຂອງ ອິດສະລາແອນ ກັບ ກໍາລັງຕໍາຫຼວດປະຊາຊົນ ຫວຽດນາມ ເວົ້າສະເພາະ ໃຫ້ນັບມື້ນັບເລິກເຊິ່ງ, ແໜ້ນແຟ້ນ.
ຫອມມາລາ
