ແຂວງກອນຕຸມ ຈັດຕັ້ງພິທີໄວ້ອາໄລ, ປົງອັດຖິນັກຮົບເສຍສະຫຼະຊີວິດຢູ່ລາວ ແລະກຳປູເຈຍ 13 ອັດຖິ
	ກຳປູເຈຍ ຍົກເລີກໜັງສືຈົດໝາຍທາງການ ທີ່ຈຳກັດການເດີນທາງຂ້າມຊາຍແດນຂອງພົນລະເມືອງ ກຳປູເຈຍ ແລະ ຫວຽດນາມ

ຮ້ານສັບພະສິນຄ້າ Green Mart (ພາບ: nld.com.vn)

ໂດຍເປີດໃຫ້ບໍລິການໃນເດືອນກຸມພາ ປີ 2022, ຮ້ານສັບ​ພະ​ສິນ​ຄ້າ Green Mart ຕັ້ງຢູ່ກາງປ່າຢາງພາລາອັນກວ້າງໃຫຍ່ຂອງ ບໍລິສັດຫຸ້ນສ່ວນຢາງພາລາ ຈືເຊ - Kampong Thom, ໃນດິນແດນຂອງບ້ານໂພໂພກ, ເມືອງສະຕຸງ, ແຂວງ Kampong Thom (ຂຶ້ນກັບກຸ່ມອຸດສາຫະກຳ ຢາງພາລາ ຫວຽດ​ນາມ) ​ໄດ້​ດຶງ​ດູດ​ຄົນ​ງານ​ກຳປູ​ເຈຍ ​ແລະ ຊາວ​ຫວຽດນາມ​ຢູ່​ຕ່າງປະ​ເທດ​ມາ​ຊື້​ເຄື່ອງ​ເປັນ​ຈຳນວນ​ຫຼວງ​ຫຼາຍ.

ມີ​ຄົນ​ມາ​ຊື້​ເຄື່ອງ ແລະ ດື່ມ​ກາ​ເຟ​ຢູ່​ອ້ອມ​ຮ້ານ​ສັບ​ພະ​ສິນ​ຄ້າ​ຫວຽດ​ນາມ ເປັນຈຳນວນຫຼາຍ. Green Mart ສ່ວນໃຫຍ່ຂາຍສິນຄ້າທີ່ຈຳເປັນເຊັ່ນ: ໝີ່ສຳເລັດຮູບ, ເຂົ້າປຸ້ນ, ເຂົ້າໜົມ, ເຝີ, ນ້ຳນົມ, ນ້ຳປາ, ນ້ຳແຈ່ວຖົ່ວເຫຼືອງ, ກະແລັມ, ອາຫານທະເລ, ເຄື່ອງສຳອາງ... ມີຫຼາຍຍີ່ຫໍ້ທີ່ຄຸ້ນເຄີຍຂອງຫວຽດນາມ ໄດ້ມີຢູ່ຮ້ານຊຸບສັບ​ພະ​ສິນ​ຄ້າເຊັ່ນ: ນ້ຳປາ ລຽນແທ່ງ, ຈີນ​ຊູ, ນ້ຳປາ ​ງອກ​ລຽນ...

ທ່ານ​ນາງ ເຈີ່ນ​ທິເຕື່ອງ​ຮ​ວານ, ຜູ້ຈັດການ​ຮ້ານ​ສັບ​ພະ​ສິນ​ຄ້າ Green Mart ​ໃຫ້​ຮູ້​ວ່າ: ສັບພະ​ສິນຄ້າ​ເປີດ​ແຕ່ 8 ​ໂມງ​ເຊົ້າຫາ 9 ​ໂມງ​ແລງ​ທຸກ​ວັນ ​ແລະ ດຳ​ເນີນ​ການ​ເປັນ​ຢ່າງ​ດີ, ດຶງ​ດູດ​ໄດ້ບັນດາ​ລູກ​ຄ້າ​ທີ່​ເປັນ​ເຈົ້າ​ໜ້າ​ທີ່, ພະນັກງານ​ໂຄງການ​ຢາງ​ພາລາ​ມາ​ຊື້​ເຄື່ອງ ຫຼື ມາ​ດື່ມ​ກາ​ເຟ, ກິນ​ກະ​ແລັມ. ​ຮ້ານ​ສັບ​ພະ​ສິນ​ຄ້າ ​ມີ​ລະ​ຫັດ​ຜະ​ລິດ​ຕະ​ພັນ 3.000 ກວ່າ​ຢ່າງ, ສ່ວນ​ໃຫຍ່​ແມ່ນ​ຜະ​ລິດ​ຕະ​ພັນ​ຫວຽດ​ນາມ. ທ່ານນາງ ເຈີ່ນ​ທິ​ເຕື່ອງ​ຮ​ວານ ໃຫ້ຮູ້ວ່າ: “ນ້ຳປາ ແລະ ນ້ຳປາປະເພດອື່ນໆ ແມ່ນສິນຄ້າຂາຍດີທີ່ສຸດ, ບໍ່ພຽງແຕ່ສຳລັບຊາວຫວຽດນາມ ທີ່ຢູ່ໄກບ້ານເທົ່ານັ້ນ, ຫາກຍັງແມ່ນຊາວກຳປູເຈຍ ອີກດ້ວຍ”.

ທ່ານ Songphon, ກຳ​ມະ​ກອນບໍລິສັດຫຸ້ນສ່ວນຢາງພາລາ ຈື​ເຊ - Kampong Thom ແລະ ໝູ່ເພື່ອນມັກມາຊື້ເຄື່ອງຢູ່ແຫ່ງນີ້ ເພາະມີສິນຄ້າຫຼາກຫຼາຍ, ລາຄາເປັນ​ປົກ​ກະ​ຕິກວ່າຢູ່ຂ້າງນອກ, ພື້ນທີ່ກວ້າງຂວາງ ແລະ ເຢັນສະບາຍ. ທ່ານ ເລ​ຈຸງ​ກຽນ, ຮອງ​ຜູ້​ອຳ​ນວຍ​ການ​ໃຫຍ່​ບໍ​ລິ​ສັດ​ຫຸ້ນ​ສ່ວນ​ຢາງພາລາ ຈື​ເຊ - Kampong Thom ​ໃຫ້​ຮູ້​ວ່າ: ​ຮ້ານ​ສັບ​ພະ​ສິນ​ຄ້າມີ​ຍອດ​ເງິນ​ລົງ​ທຶນ​ປະ​ມານ 200.000 USD (ເກືອບ 5 ຕື້​ດົ່ງ) ແລະ ຂາຍ​ດີ, ນຳ​ເຂົ້າ​ຜະ​ລິດ​ຕະ​ພັນ​ໃໝ່​ຢ່າງ​ລຽນຕິດ, ສະ​ນັ້ນ ​ຜູ້​ລົງ​ທຶນໄດ້ມີ​ແຜນການ​ທະ​ວີ​ຄູນ​ຮູບ​ແບບ​ນີ້.

ນາງ Sarun, ຄົນ​ງານ​ກຳ​ປູ​ເຈຍ, ແບ່ງ​ປັນ​ວ່າ ລາວ​ມັກ​ນ້ຳ​ປາ​ຂອງ​ຫວຽດ​ນາມ​ຫຼາຍ. ອາດ​​ເຫັນ​ໄດ້​ວ່າ, ​ໃນ​ໄລຍະ​ທຳ​ອິດ, ອາຫານ​ຫວຽດນາມ​ ສ່ວນຫຼາຍແມ່ນ​ໄດ້​ຮັບໃຊ້​ຄວາມ​ຕ້ອງການ​ຂອງ​ຊາວ​ຫວຽດນາມ ທີ່​ຢູ່​ຫ່າງ​ໄກ​ຈາກ​ບ້ານ​ເກີດ​ເມືອງ​ນອນ. ​ເຖິງ​ຢ່າງ​ໃດ​ກໍ​ຕາມ, ພາຍຫຼັງ​ໄດ້​ຂາຍ​ມາ​ໄລຍະ​ໜຶ່ງ, ​ນ້ຳປາ, ນ້ຳແຈ່ວ​ຖົ່ວ​ເຫຼືອງ ​ແລະ ເຂົ້າປຸ້ນ, ເຝີແຫ້ງ​ຂອງ​ຫວຽດນາມ ​ໄດ້​ຮັບ​ຄວາມ​ນິຍົມ​ຊົມ​ຊອບ​ຈາກ​ຊາວ​ທ້ອງ​ຖິ່ນ​ຫຼາຍ.

ການ​ມີ​ຮ້ານ​ສັບພະ​ສິນຄ້າ Green Mart ຢູ່​ໃຈກາງ​ໂຄງການ​ແມ່ນ​ມີ​ຄວາມ​ໝາຍ​ສຳຄັນ​ທີ່​ສຸດ, ປະກອບສ່ວນ​ຊຸກຍູ້​ສິນຄ້າ​ຫວຽດນາມ ຢູ່​ຕະຫຼາດ ກຳປູ​ເຈຍ, ຫຼຸດຜ່ອນ​ຄວາມ​ຫຍຸ້ງຍາກ​ໃຫ້​ຄົນ​ງານ​ຢູ່​ທີ່​ນີ້.