ວັນທີ 13 ມິຖຸນາ, ທ່ານ ດິງຕ໊ຽນຢຸງ, ກຳມະການກົມການເມືອງ, ເລຂາພັກນະຄອນ, ຫົວໜ້າຄະນະຜູ້ແທນສະພາແຫ່ງຊາດ ນະຄອນຮ່າໂນ້ຍ ໄດ້ໃຫ້ການຕ້ອນຮັບທ່ານນາງເອກອັກຄະລັດຖະທູດ ອົດສະຕາລີ Robyn Mudie ເຂົ້າຢ້ຽມຂໍ່ານັບເນື່ອງໃນໂອກາດສິ້ນສຸດອາຍຸການທາງການທູດຂອງຕົນຢູ່ຫວຽດນາມ.
ທີ່ການຕ້ອນຮັບ, ທ່ານນາງເອກອັກຄະລັດຖະທູດ ອົດສະຕາລີ Robyn Mudie ໄດ້ສະແດງຄວາມປະທັບໃຈ ແລະ ອາລົມຈິດອັນດີງາມຕໍ່ຫວຽດນາມ ໃນອາຍຸການປະຕິບັດງານ ແລະ ຕີລາຄາສູງບັນດາຜົນງານດ້ານເສດຖະກິດ - ສັງຄົມຂອງ ຫວຽດນາມ ໃນໄລຍະຜ່ານມາ.
 |
| ຮ່າໂນ້ຍ ປາດຖະໜາຢາກຮ່ວມມືກັບບັນດາທ້ອງຖິ່ນຂອງອົດສະຕາລີ. ພາບ: thoidai.com.vn |
ທ່ານນາງເອກອັກຄະລັດຖະທູດ Robyn Mudie ໃຫ້ຮູ້ວ່າ: ບັນດາວິສາຫະກິດ ອົດສະຕາລີ ປາດຖະໜາຢາກລົງທຶນເຂົ້າ ຫວຽດນາມ ກໍ່ຄືຮ່າໂນ້ຍ ແລະ ຖືນີ້ແມ່ນຕະຫຼາດທີ່ມີທ່າແຮງບົ່ມຊ້ອນ. ຍຸດທະສາດເພີ່ມທະວີການຮ່ວມມືດ້ານເສດຖະກິດລະຫວ່າງຫວຽດນາມ ແລະ ອົດສະຕາລີ ທີ່ປະກາດໃນທ້າຍປີ 2021 ໄດ້ວາງເປົ້າໝາຍນຳ 2 ປະເທດເຂົ້າໃນທອັບ 10 ຄູ່ຮ່ວມມືການຄ້າຂອງກັນ ແລະ ເພີ່ມທະວີການລົງທຶນລະຫວ່າງ 2 ປະເທດທົບສອງເທົ່າ, ສ້າງເງື່ອນໄຂສະດວກໃຫ້ສອງປະເທດເຮັດໃຫ້ການພົວພັນດ້ານການຄ້າ ແລະ ການລົງທຶນໃນຫຼາຍຂົງເຂດທີ່ສຳຄັນເລິກເຊິ່ງກວ່າອີກ, ລວມມີ ກະສິກຳ, ການສຶກສາ, ພະລັງງານ, ການບໍລິການ ແລະ ເສດຖະກິດດີຈີຕອນ.
ທ່ານເລຂາພັກນະຄອນ ຮ່າໂນ້ຍ ປາດຖະໜາວ່າ ດ້ວຍຄວາມຮັກແພງ ແລະ ຄວາມເຂົ້າອົກເຂົ້າໃຈຫວຽດນາມ, ເຖິງວ່າໃນຖານະຕຳແໜ່ງໃດກໍ່ຕາມ, ທ່ານນາງເອກອັກຄະລັດຖະທູດ Robyn Mudie ຈະເປັນຂົວຕໍ່ຊຸກຍູ້ການພົວພັນຮ່ວມມືລະຫວ່າງ ອົດສະຕາລີ - ຫວຽດນາມ ເວົ້າລວມ ແລະ ຮ່າໂນ້ຍ ເວົ້າສະເພາະ.
ທ່ານ ດິງເຕິ໋ນຢຸງ ໃຫ້ຮູ້ວ່າ ຮ່າໂນ້ຍ ມຸ່ງໄປເຖິງການກໍ່ສ້າງນະຄອນສີຂຽວ, ອາລະຍະທຳ, ອັດສະລິຍະ, ທັນສະໄໝ ແລະ ມີຄວາມສາມາດແກ່ງແຍ້ງໃນພາກພື້ນ; ຮັກສານາມມະຍົດນະຄອນເພື່ອສັນຕິພາບ... ໃນວິວັດການນັ້ນ, ຮ່າໂນ້ຍ ປາດຖະໜາຢາກເພີ່ມທະວີການຮ່ວມມື, ດຶງດູດການລົງທຶນຈາກ ອົດສະຕາລີ, ພິເສດແມ່ນໃນຂົງເຂດວິທະຍາສາດ, ເຕັກໂນໂລຊີ, ສິ່ງແວດລ້ອມ, ການຮັບມືກັບການປ່ຽນແປງຂອງດິນຟ້າອາກາດ...
ບູນມີ
