| ກອງກຳລັງທີ 2 ຂອງ ໂຮງໝໍກາງສະໜາມຂັ້ນ 2 ເລກ 4 ເດີນທາງໄປປະຕິບັດໜ້າທີ່ຮັກສາສັນຕິພາບ ສປຊ ຢູ່ ຊູດັງໃຕ້ | |
| ໂຄສະນາວັດທະນະທຳຫວຽດນາມ ຢູ່ ອີຕາລີ |
 |
| ທ່ານ Manlio Di Stefano, ຮອງລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນ ອີຕາລີ (ພາບ: L.S) |
ແລກປ່ຽນກັບສື່ມວນຊົນ ຫວຽດນາມ, ທ່ານ Manlio Di Stefano ໃຫ້ຮູ້ວ່າ: ສະຖາບັນວັດທະນະທຳອີຕາລີ ຈະໄດ້ຮັບການສ້າງຕັ້ງຢູ່ຮ່າໂນ້ຍໂດຍໄວ.
ສະຖາບັນຈະໄດ້ຕັ້ງຢູ່ສູນວັດທະນະທຳ ອີຕາລີ - Casa ອີຕາລີ (ເຮືອນເລກທີ 18 ເລຟຸ້ງຫ໋ຽວ, ຮ່າໂນ້ຍ), ມີໜ້າທີ່ຈັດຕັ້ງບັນດາເຫດການພົວພັນແລກປ່ຽນ, ໂຄສະນາວັດທະນະທຳ ອີຕາລີ ປະຈຳ ຫວຽດນາມ, ສະຖາບັນ ຈະມີງົບປະມານເຄື່ອນໄຫວສະເພາະ ແລະ ມີບຸກຄະລາກອນແມ່ນບັນດານັກຊ່ຽວຊານຈາກ ອີຕາລີ ມາຍັງຫວຽດນາມ.
“ສະຖານທູດ ອີຕາລີ ປະຈຳ ຫວຽດນາມ ໄດ້ສົມທົບກັບກະຊວງວັດທະນະທຳ, ກິລາ ແລະ ທ່ອງທ່ຽວ. ລັດຖະບານ ອີຕາລີ ກໍ່ໄດ້ອະນຸມັດຜ່ານໂຄງການນີ້, ສະນັ້ນ ພື້ນທີ່ວັດທະນະທຳ ອີຕາລີ ຈະມີຢູ່ຮ່າໂນ້ຍ ໃນປີໜ້າຢ່າງແນ່ນອນ. ທ່ານ Manlio Di Stefano ໃຫ້ຮູ້ວ່າ, ຫວຽດນາມ ຈະເປີດສະຖາບັນວັດທະນະທຳ ອີຕາລີ ໃນປີ 2023 ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ.
ທ່ານ Manlio Di Stefano ໄດ້ຕີລາຄາສູງການຮ່ວມມືຢ່າງແໜ້ນແຟ້ນຂອງສອງປະເທດ ນັບທັງໃນໄລຍະທີ່ເກີດໂລກລະບາດໂຄວິດ-19, ພິເສດແມ່ນການຮັກສາການແລກປ່ຽນລະຫວ່າງການນຳຂັ້ນສູງ.
ເມື່ອແບ່ງປັນກ່ຽວກັບແຜນການເພີ່ມທະວີການເຄື່ອນໄຫວວັດທະນະທຳຂອງ ອີຕາລີ ຢູ່ ຫວຽດນາມ, ທ່ານຮອງລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນ ອີຕາລີ ຖືວ່າ: ພຽງແຕ່ເພີ່ມທະວີການແລກປ່ຽນປະຊາຊົນເທົ່ານັ້ນ ຈິ່ງແມ່ນວິທີການແບບຍືນຍົງ ແລະ ພື້ນຖານເພື່ອຮັກສາການພົວພັນມິດຕະພາບທີ່ເປັນມູນເຊື້ອ. ສະນັ້ນ, ທ່ານຢືນຢັນວ່າ: ການເປີດສະຖາບັນວັດທະນະທຳ ອີຕາລີ ຢູ່ ຮ່າໂນ້ຍ ກັບພະນັກງານຜູ້ຊ່ຽວຊານຂອງ ອີຕາລີ ຈະປະຕິບັດຢ່າງຕັ້ງໜ້າເພື່ອແນໃສ່ເພີ່ມທະວີຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນສອງປະເທດ.
ໃນໄລຍະຜ່ານມາ, ອີຕາລີ ມີຫຼາຍການເຄື່ອນໄຫວກ່ຽວກັບການລົງທຶນ, ການຄ້າ ແລະ ການສຶກສາຢູ່ ຫວຽດນາມ. ໃນນັ້ນ, ກອງທຶນ ທຶນການສຶກສາຫວຽດນາມ Invest Your Talents ຂອງ ອີຕາລີ ໄດ້ເປີດກາລະໂອກາດຮ່ຳຮຽນຫຼາຍຢ່າງໃຫ້ບັນດານັກສຶກສາຫວຽດນາມ. ນີ້ແມ່ນຈຸດຢືນເພື່ອແນໃສ່ເພີ່ມທະວີການຮ່ວມມືສອງຝ່າຍໃນຂົງເຂດວັດທະນະທຳ, ວິທະຍາສາດ, ມະຫາວິທະຍາໄລ ແລະ ຄົ້ນຄວ້າທີ່ຫວຽດນາມ ແລະ ກຸ່ມອາຊຽນ ໃນອະນາຄົດ.
ໂດຍແບ່ງປັນປະສົບການການພັດທະນາວັດທະນະທໍາ ແລະການທ່ອງທ່ຽວຂອງອີຕາລີ, ທ່ານ Stefano ໃຫ້ຮູ້ວ່າ: “ພວກເຮົາພວມເພີ່ມທະວີການສົ່ງເສີມການໂຄສະນາທັດສະນີຍະພາບ ແລະ ວັດທະນະທໍາຢູ່ບັນດາບ້ານນ້ອຍ. ອີຕາລີບໍ່ພຽງແຕ່ປະກອບດ້ວຍຕົວເມືອງໃຫຍ່, ແຕ່ຍັງມີເມືອງນ້ອຍ, ບ້ານຂະຫນາດນ້ອຍນຳອີກ. ຫວຽດນາມ ກໍ່ສາມາດພັດທະນາຕາມທິດທາງນີ້. ນອກຈາກບັນດານະຄອນໃຫຍ່ຄື ຮ່າໂນ້ຍ, ດ່າໜັງ, ນະຄອນໂຮ່ຈິມິນ, ກໍຄວນຊອກຫາວິທີນຳບັນດານັກທ່ອງທ່ຽວໄປຍັງສະຖານທີ່ທີ່ບໍ່ຄ່ອຍມີຄົນຮູ້ຈັກ ແຕ່ເຕັມໄປດ້ວຍຄຸນຄ່າວັດທະນະທຳ.”
ບຸນຄົງ
