ຮັດແໜ້ນສາຍພົວພັນລະຫວ່າງແຂວງກວ້າງນາມ (ຫວຽດນາມ) ແລະແຂວງເຊກອງ (ລາວ) | |
ສັບປະດາ Festival ເຫວ້ ປີ 2022 |
![]() |
ການປະກວດ “ຊອກຮູ້ກ່ຽວກັບປະຫວັດສາດການພົວພັນພິເສດ ຫວຽດນາມ-ລາວ, ລາວ-ຫວຽດນາມ” ປີ 2022 (ພາບ: ເທ໋ເຢືອງ) |
ການປະກວດເພື່ອແນໃສ່ປະກອບສ່ວນເຂົ້າໃນສຳເລັດຜົນຂອງ “ປີສາມັກຄີມິດຕະພາບຫວຽດນາມ - ລາວ 2022”, ສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ - ລາວ (5 ກັນຍາ 1962 - 5 ກັນຍາ 2022), 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18 ກໍລະກົດ 1977 - 18 ກໍລະກົດ 2022) ຢ່າງແທດຈິງ.
ຈຸດປະສົງຂອງການປະກວດແມ່ນເພື່ອແນໃສ່ສຶກສາອົບຮົມມູນເຊື້ອການປະຕິວັດ, ເຮັດໃຫ້ປະຊາຊົນແຕ່ລະຄົນ, ໂດຍສະເພາະແມ່ນລຸ້ນໜຸ່ມເຂົ້າໃຈຢ່າງເລິກເຊິ່ງກ່ຽວກັບການພົວພັນມິດຕະພາບ ແລະ ນ້ຳໃຈສາມັກຄີແບບພິເສດ ຫວຽດນາມ-ລາວ, ລາວ-ຫວຽດນາມ ໃນວິວັດການຕໍ່ສູ້ປົດປ່ອຍຊາດ ແລະ ສ້າງສັງຄົມນິຍົມຢູ່ແຕ່ລະປະເທດ.
ການປະກວດກໍເພື່ອແນໃສ່ສື່ສານຢ່າງກວ້າງຂວາງ, ມີການແຜ່ກະຈາຍເຖິງປະຊາຊົນທຸກຊັ້ນຄົນທີ່ຢູ່ພາຍໃນປະເທດ ແລະ ວົງຄະນະຍາດຊາວຫວຽດນາມຢູ່ຕ່າງປະເທດ, ໝູ່ເພື່ອນສາກົນ ກ່ຽວກັບຄວາມໝາຍປະຫວັດສາດ, ຄວາມສໍາຄັນຂອງການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ-ລາວ, ລາວ-ຫວຽດນາມ.
ເນື້ອໃນຂອງການປະກວດໄດ້ສຸມໃສ່ຫົວຂໍ້ດັ່ງນີ້: ການພົວພັນພິເສດລະຫວ່າງຫວຽດນາມ - ລາວ ຜ່ານບັນດາໄລຍະປະຫວັດສາດ, ສຸມໃສ່ເນັ້ນໜັກໃນໄລຍະປີ 1962 ເຖິງປະຈຸບັນ; ບັນດາການນຳພັກ ແລະ ລັດ ຫວຽດນາມ - ລາວ ຜ່ານແຕ່ລະສະໄໝ; ບັນດາບຸກຄົນທີ່ໄດ້ປະກອບສ່ວນອັນສຳຄັນເຂົ້າໃນການພັດທະນາການພົວພັນການຮ່ວມມື ຫວຽດນາມ - ລາວ; ບັນດາຜົນງານແຫ່ງການຮ່ວມມືໃນທຸກຂົງເຂດທີ່ສອງປະເທດບັນລຸໄດ້ໃນພາລະກິດແຫ່ງການປ່ຽນໃໝ່ ແລະ ພັດທະນາປະເທດຊາດ ໃນໄລຍະປະຈຸບັນ; ບັນດຂອບເຂດຂອງການຮ່ວມມືສອງຝ່າຍລະຫວ່າງສອງພັກ, ສອງລັດ, ສອງປະເທດ; ລະຫວ່າງບັນດາແຂວງ, ນະຄອນຂອງຫວຽດນາມ ແລະ ບັນດາທ້ອງຖິ່ນຂອງລາວ; ແນະນຳຄວາມສວຍງາມຂອງທຳມະຊາດ, ປະເທດ ແລະ ປະຊາຊົນ; ມູນເຊື້ອວັດທະນະທໍາ, ປະຫວັດສາດ; ບັນດາຜົນງານຂອງການພັດທະນາເສດຖະກິດ-ສັງຄົມລາວ.
ຫອມມາລາ