ໃນ 2 ວັນ, ແຕ່ວັນທີ 11-12 ມິຖຸນາ, ຢູ່ສວນສາທາລະນະ ບ໊ຽນດົງ (ດ່າໜັງ), ສະຫະພັນບັນດາອົງການຈັດຕັ້ງມິດຕະພາບນະຄອນ ດ່າໜັງ ສົມທົບກັບສະຖານທູດ ອິນເດຍ ປະຈຳ ຫວຽດນາມ ພ້ອມກັບບັນດາອົງການ, ຫົວໜ່ວຍທີ່ກ່ຽວຂ້ອງ ໄດ້ຈັດຕັ້ງງານບຸນ Yoga ສາກົນ - ດ່າໜັງ 2022.
 |
| ງານບຸນ Yoga ສາກົນ - ດ່າໜັງ ສະເຫຼີມສະຫຼອງ 50 ປີແຫ່ງການພົວພັນ ຫວຽດນາມ - ອິນເດຍ. ພາບ: vov.vn |
ທ່ານ ຫງວຽນຫງອກບິ່ງ, ປະທານສະຫະພັນບັນດາອົງການຈັດຕັ້ງມິດຕະພາບນະຄອນ ດ່າໜັງ, ຫົວໜ້າຄະນະຈັດຕັ້ງງານບຸນ ໃຫ້ຮູ້ວ່າ: ໂຄງການນີ້ແມ່ນເພື່ອແນໃສ່ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ອິນເດຍ (1972- 2022), 15 ປີແຫ່ງວັນສ້າງຕັ້ງການ ພົວພັນຄູ່ຮ່ວມມືຍຸດທະສາດ ຫວຽດນາມ-ອິນເດຍ (2007-2022) ແລະ ສະເຫຼີມສະຫຼອງວັນ Yoga ສາກົນ ຄັ້ງທີ 8 (ວັນທີ 21 ມິຖຸນາ 2015 – ວັນທີ 21 ມິຖຸນາ 2022) ຢູ່ນະຄອນ ດ່າໜັງ.
ຜ່ານ 50 ປີແຫ່ງການສ້າງຕັ້ງການພົວພັນທາງການທູດ, ການພົວພັນລະຫວ່າງ ຫວຽດນາມ ແລະ ອິນເດຍ ໄດ້ມີບາດກ້າວພັດທະນາກະໂດດຂັ້ນໃນທຸກໆຂົງເຂດ. ຢູ່ນະຄອນ ດ່າໜັງ, ໃນຫຼາຍປີມານີ້, ສະຫະພັນບັນດາອົງການຈັດຕັ້ງ ມິດຕະພາບ ແລະ ສະມາຄົມມິດຕະພາບ ຫວຽດນາມ - ອິນເດຍ ນະຄອນ ດ່າໜັງ ໄດ້ສົມທົບກັບສະຖານທູດ ອິນເດຍ ປະຈຳ ຫວຽດນາມ ຈັດຕັ້ງບັນດາການເຄື່ອນໄຫວທີ່ຟົດຟື່ນມ່ວນຊື່ນ, ດຶງດູດຜູ້ເຂົ້າຮ່ວມນັບພັນຄົນ ຄື: ງານບຸນ Yoga ປະຈໍາປີ, ງານມະໂຫລານຮູບເງົາ ອິນເດຍ ຢູ່ ຫວຽດນາມ; ... ບັນດາລາຍ ການສະແດງສິລະປະ, ພົບປະແລກປ່ຽນວັດທະນະທຳ, ມອບ ແລະ ປູກຕົ້ນໂພ ທີ່ມີຕົ້ນກຳເນີດມາຈາກດິນແດນຂອງພະພຸດທະເຈົ້າ Bodhi Gaya; ການພົບປະແລກປ່ຽນ, ການໂອ້ລົມສົນທະນາທາງອອນລາຍລະຫວ່າງສອງປະເທດ...
ທ່ານ ຫງວຽນຫງອກບິ່ງ ໃຫ້ຮູ້ວ່າ, ເມື່ອທຽບໃສ່ຊຸມປີກ່ອນລາຍການກິດຈະກໍາໄດ້ຈັດຂື້ນພຽງຄັ້ງດຽວ, ງານບຸນໂຍກາປີນີ້ ໄດ້ເປີດກ້ວາງ, ຍົກລະດັບກາຍເປັນງານບຸນສາກົນທີ່ດຳເນີນເປັນເວລາ 2 ວັນ, ດ້ວຍການເຂົ້າຮ່ວມຂອງບັນດາບຸກຄົນເປັນຈຳນວນຫຼວງຫຼາຍ, ອົງການຈັດຕັ້ງ ແລະຜູ້ຊ່ຽວຊານ ໂຍກາມາຈາກອິນເດຍ. ອີກຈຸດພິເສດໜຶ່ງງານຂອງບຸນໂຍກາສາກົນ - ດ່າໜັງ 2022 ແມ່ນໄດ້ມີ 20 ກວ່າຮ້ານວາງສະແດງຂອງບັນດາພະແນກການ, ຂະແໜງການ, ຫົວໜ່ວຍສະແດງ ແນະນຳບັນດາຜົນງານທີ່ບັນລຸໄດ້ໃນການພົວພັນຕ່າງປະເທດ ຫວຽດນາມ - ອິນເດຍ; ຜະລິດຕະພັນວັດທະນະທຳ ແລະ ທ່ອງທ່ຽວຂອງນະຄອນ ດ່າໜັງ; ຜະລິດຕະພັນ ແລະການບໍລິການທີ່ກ່ຽວຂ້ອງກັບໂຍຄະ...
“ຜ່ານການເຄື່ອນໄຫວ, ຄະນະຈັດຕັ້ງຫວັງວ່າການໂຄສະນາຈະສົ່ງເສີມພາບພົດອັນຄວາມຮັກແຂງແພງຄົນຂອງປະເທດ ແລະ ປະຊາຊົນນະຄອນດ່ານັ້ງ ໃຫ້ໃກ້ຊິດກັບນັກທ່ອງທ່ຽວພາຍໃນ ແລະ ສາກົນ, ພິເສດແມ່ນການທ່ອງທ່ຽວໃນລະດູແລ້ງແມ່ນຟົດຟື້ນ; ປະກອບສ່ວນເພີ່ມທະວີການຮ່ວມມື, ແລກປ່ຽນ, ຄວາມສາມັກຄີ, ມິດຕະພາບ ແລະ ການຮ່ວມມື ລະຫວ່າງ ປະຊາຊົນນະຄອນດ່ານັງ ແລະ ປະຊາຊົນ ອິນເດຍ. ພ້ອມກັນນັ້ນ, ແນະນຳວິຊາໂຢຄະ ແລະ ບັນດາຄຸນຄ່າວັດທະນະທຳຂອງຊາວອິນເດຍກ່ຽວກັບໂຢຄະ; ພ້ອມກັນນັ້ນ, ຊຸກຍູ້ການອອກກຳລັງກາຍ ແລະ ກິລາ, ປັບປຸງສຸຂະພາບຂອງປະຊາຊົນນະຄອນ ດ່ານັງ”, ທ່ານ ບິ່ງກ່າວວ່າ.
ງານບຸນໂຍຄະສາກົນ - ດ່າໜັງ 2022 ລວມມີບັນດາການເຄື່ອນໄຫວຕົ້ນຕໍຄື: ລາຍການສະແດງສິລະປະ ໂຍຄະຂອງບັນດາສະໂມສອນໂຍຄະ ຢູ່ທ້ອງຖິ່ນຂອງນະຄອນ ແລະ ບັນດານັກຊ່ຽວຊານຈາກອິນເດຍ; ການສະແດງໂຍຄະເພື່ອຕອບສະຫນອງວັນໂຍຄະສາກົນຄັ້ງທີ 8 ໃຫ້ກັບທຸກຄົນທີ່ລົງທະບຽນເຂົ້າຮ່ວມ; ຢ້ຽມຢາມຮ້ານວາງສະແດງ... ນອກຈາກນັ້ນ, ໃນລະຫວ່າງວັນທີ 2 ຫາ 17 ມິຖຸນາ 2022, ຄະນະຈັດຕັ້ງຍັງໄດ້ເປີດການປະກວດ “ໂຍຄະ” ສໍາລັບຊຸມຊົນທີ່ມັກຝຶກຊ້ອມໂຍຄະໃນທົ່ວປະເທດ; ແລະ ເກມທ້າທາຍຖ່າບຮູບຕັ້ງແຕ່ມື້ເປີດງານບຸນຈົນຮອດວັນທີ 13 ມິຖຸນາ 2022.
ບູນມີ
