ຄັ້ງທຳອິດທີ່ໄປຕ້ອນຮັບບຸນເຕັດຢູ່ຫວຽດນາມ, ວິລະຄອນ ທອງສົມສະໜິດ ຄິດວ່າຈະຫ່າງຈາກບ້ານດ້ວຍຄວາມໂດດດ່ຽວ, ແຕ່ເພື່ອນໃໝ່ຢູ່ທີ່ນີ້ມີຄວາມເປັນມິດຫຼາຍ ເຊີນ ວິລະຄອນ ກັບບ້ານເພື່ອຕ້ອນຮັບບຸນປີໃໝ່ປະຈໍາຊາດຂອງ ຫວຽດນາມ. ພຽງແຕ່ເທົ່ານັ້ນກໍ່ພຽງພໍໃຫ້ເພື່ອນລາວ ຮູ້ສຶກໄດ້ເຖິງບັນຍາກາດ ບຸນເຕັດຫວຽດນາມ ຢ່າງເຕັມທີ່.
 |
| ວິລະຄອນ ທອງສົມສະໜິດ, ນັກສຶກສາປີທີ 2 ຄະນະນິຕິສາດ, ສາຂາວິຊາກົດໝາຍເສດຖະກິດ, ມະຫາວິທະຍາໄລເສດຖະກິດແຫ່ງຊາດ (ຮ່າໂນ້ຍ). |
“ນັບແຕ່ປີທຳອິດທີ່ຂ້າພະເຈົ້າຕ້ອນຮັບບຸນເຕັດຢູ່ຫວຽດນາມ, ຂ້າພະເຈົ້າຈັບອົກ ຈັບໃຈຫຼາຍຢ່າງ. ນັ້ນແມ່ນ, ກ່ອນບຸນເຕັດ, ປະຊາຊົນໄປຊື້ເຄື່ອງ ແລະ ປະດັບປະດາເຮືອນຂອງຕົນ. ຂ້າພະເຈົ້າໂຊກດີທີ່ມີເພື່ອນມິດຫວຽດນາມທີ່ສະໜິດສະ ໜົມຫຼາຍຄົນ, ເຂົາເຈົ້າໄດ້ຊວນຂ້າພະເຈົ້າໄປຕະຫຼາດຮ່າງມາ ຊື້ຕົ້ນດອກຄາຍ, ຊື້ຊອງອັງເບົາ ແລະ ເຄື່ອງປະດັບປະດາທີ່ມີສີສັນຫຼາຍຮູບຫຼາຍແບບ… ຈາກນັ້ນພວກຂ້າພະເຈົ້າໄດ້ໄປຫຼິ້ນຢູ່ຖະໜົນຮູບແຕ້ມ ຟຸ່ງຮຶງ, ໄປທ່ຽວຊົມຮ້ານຂາຍເຄື່ອງພື້ນເມືອງ. ໂດຍສະເພາະ, ຂ້ອຍຍັງໄດ້ຂຽນຕົວໜັງສືຈີນດ້ວຍຕົນເອງ” ວິລະຄອນ ແບ່ງປັນ.
ວິລະຄອນ ເວົ້າວ່າ “ຂ້າພະເຈົ້າເຫັນວ່າ, ຮີດຄອງປະເພນີບູຊາ ບັນພະບຸລຸດ ເພື່ອລະນຶກເຖິງຄົນລຸ້ນກ່ອນ ແລະ ຜູ້ລ່ວງລັບໄປ ໄດ້ສ້າງຄຸນຄ່າວັດທະນະທຳອັນເລິກເຊິ່ງໃນຊີວິດທາງດ້ານຈິດໃຈຂອງຊາວຫວຽດນາມ, ມຸ່ງໄປເຖິງສິ່ງທີ່ດີງາມ”.
ບູນມີ
