| ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອິນເດຍ | |
| ຫວຽດນາມ ແລະ ອິນເດຍ ຊຸກຍູ້ການພົວພັນຮ່ວມມືຍຸດທະສາດຮອບດ້ານ |
 |
| ທ່ານລັດຖະມົນຕີການຕ່າງປະເທດ ບູຍແທັງເຊີນ ໄດ້ຕ້ອນຮັບ ທ່ານຮອງລັດຖະມົນຕີ ການຕ່າງປະເທດ ອິນເດຍ Saurabh Kumar ( ພາບ: ກະຊວງການຕ່າງປະເທດ) |
ທ່ານລັດຖະມົນຕີ ບູຍແທັງເຊີນ ໄດ້ສະແດງຄວາມຊົມເຊີຍ ອິນເດຍ ທີ່ສືບຕໍ່ບັນລຸໄດ້ບັນດາຜົນງານສຳຄັນໃນການສ້າງສາ ແລະ ພັດທະນາປະເທດຊາດ; ຄວບຄຸມການແຜ່ລະບາດຂອງພະຍາດໂຄວິດ-19 ເປັນຢ່າງດີ ແລະ ພວມຟື້ນຟູເສດຖະກິດເປັນເທື່ອລະກ້າວ.
ທ່ານລັດຖະມົນຕີ ບູຍແທັງເຊີນ ສະເໜີໃຫ້ທັງ 2 ຝ່າຍສືບຕໍ່ພ້ອມກັນຊຸກຍູ້ບັນດາເສົາຄ້ຳຮ່ວມມືທີ່ສຳຄັນຄື: ການເມືອງ - ການທູດ, ການປ້ອງກັນຊາດ - ປ້ອງກັນຄວາມສະຫງົບ, ການຄ້າ - ການລົງທຶນ, ວິທະຍາສາດ - ເຕັກໂນໂລຢີ, ວັດທະນະທຳ ແລະ ພົວພັນແລກປ່ຽນປະຊາຊົນ ເພື່ອແນໃສ່ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ (1972 - 2022).
ທ່ານຮອງລັດຖະມົນຕີການຕ່າງປະເທດ Saurabh Kumar ຢືນຢັນວ່າ, ອິນເດຍ ຍາມໃດກໍຖື ຫວຽດນາມ ແມ່ນເສົາຄ້ຳທີ່ສຳຄັນໃນນະໂຍບາຍ “ການກະທຳມຸ່ງໄປເຖິງທິດຕາເວັນອອກ”, ໃຫ້ຄຳໝັ້ນສັນຍາຈະສົມທົບກັນຊຸກຍູ້ການພົວພັນຄູ່ຮ່ວມມືຍຸດທະສາດຢ່າງຮອບດ້ານລະຫວ່າງ 2 ປະເທດໃຫ້ຫຼາຍກວ່າໃນໄລຍະຈະມາເຖິງ.
ຫອມມາລາ
