| ຫວຽດນາມ ແລະ ອິນເດຍ ຊຸກຍູ້ການພົວພັນຮ່ວມມືຍຸດທະສາດຮອບດ້ານ | |
| ການຄ້າ ຫວຽດນາມ - ອິນເດຍ ອາດຈະບັນລຸເປົ້າໝາຍ 15 ຕື້ USD ໃນປີ 2022 |
 |
| ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ອິນເດຍ ປະຈຳ ຫວຽດນາມ Rranay Verma (ພາບ:hvufo.org.vn) |
ກ່າວຄຳປາໄສໃນການເປີດງານ, ທ່ານ ປອ. ດັ້ງຊວນແທັງ, ຮອງຫົວໜ້າສະຖາບັນບັນດິດວິທະຍາສາດສັງຄົມ ຫວຽດນາມ ໃຫ້ຮູ້ວ່າ ການໂອ້ລົມສົນທະນາປະຈຳປີ ແມ່ນການເຄື່ອນໄຫວທີ່ສຳຄັນໃນການຮ່ວມມືລະຫວ່າງສະຖາບັນບັນດິດວິທະຍາສາດສັງຄົມ ແລະ ສະພາກ່ຽວກັບບັນດາບັນຫາໂລກຂອງ ອິນເດຍ ການໂອ້ລົມສົນທະນາຄັ້ງນີ້ ແມ່ນການເຄື່ອນໄຫວເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ແລະ 5 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອິນເດຍ.
ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ອິນເດຍ ປະຈຳ ຫວຽດນາມ Rranay Verma ໄດ້ກ່າວວ່າ ສອງປະເທດລ້ວນແຕ່ໃຫ້ຄຳໝັ້ນສັນຍາທີ່ຈະຜ່ານຜ່າບັນດາສິ່ງທ້າທາຍລວມຄື ການປ່ຽນແປງຂອງດິນຟ້າອາກາດ ແລະ ຄວາມທຸກຍາກເພື່ອພັດທະນາແບບຍືນຍົງ ແລະ ກ່ອນອື່ນໝົດແມ່ນການເຕີບໂຕກວມລວມ. ທັງສອງຝ່າຍມີທັດສະນະທີ່ຄ້າຍຄືກັນກ່ຽວກັບຫຼາຍບັນຫາພາກພື້ນ ແລະ ສາກົນ, ເຊິ່ງສິ່ງເຫຼົ່ານີ້ໄດ້ສ້າງພື້ນຖານໃຫ້ແກ່ການຮ່ວມມືຢ່າງແໜ້ນແຟ້ນກວ່າອີກລະຫວ່າງ ສອງປະເທດໃນພາກພື້ນ ແລະ ສາກົນ.
ສອງຝ່າຍຕ້ອງສືບຕໍ່ເພີ່ມທະວີການເຈລະຈາ, ການພົບປະແລກປ່ຽນ, ຊຸກຍູ້ການຮ່ວມມືດ້ານການຄ້າ, ການພົບປະແລກປ່ຽນກັບປະຊາຊົນ ແລະ ການຮ່ວມມືແມ່ນໍ້າຄົງຄາ - ແມ່ນ້ຳຂອງ;
ທີ່ການໂອ້ລົມສົນທະນາ, ບັນດາຜູ້ແທນຂອງສອງປະເທດໄດ້ໂອ້ລົມສົນທະນາກັນ ກ່ຽວກັບບັນຫາເພີ່ມທະວີວົງເງິນການຄ້າ, ການພົບປະແລກປ່ຽນວັດທະນະທຳ, ການປະສານສົມທົບການເຄື່ອນໄຫວຢູ່ບັນດາອົງການຈັດຕັ້ງ ແລະ ເວທີປາໄສພາກພື້ນ.
ຫອມມາລາ
