 |
| ທ່ານຮອງເລຂາທິການໃຫຍ່ ສປຊ Atul Khare ໄດ້ມອບຫຼຽນກາ ສປຊ ໃຫ້ແກ່ນາຍທະຫານກອງທັບ ແລະ ຕຳຫຼວດ |
ວັນທີ 26 ພຶດສະພາ, ຢູ່ສຳນັກງານ ສປຊ ທີ່ນະຄອນ ນິວຢອກ, ອາເມລິກາ, ໂດຍຕາງໜ້າໃຫ້ທ່ານເລຂາທິການໃຫຍ່ ສປຊ, ທ່ານຮອງເລຂາທິການໃຫຍ່ ສປຊ Atul Khare ໄດ້ມອບຫຼຽນກາ ສປຊ ໃຫ້ແກ່ນາຍທະຫານກອງທັບ ແລະ ຕຳຫຼວດ ຈຳນວນ 82 ຄົນ ຂອງ 28 ປະເທດ ເພື່ອແນໃສ່ຮັບຮູ້ການປະກອບສ່ວນຢ່າງຕັ້ງໜ້າຂອງບັນດາສ່ວນບຸກຄົນໃນວຽກງານຮັກສາສັນຕິພາບຢູ່ຄະນະເລຂາທິການ ສປຊ. ໃນຈໍານວນຜູ້ທີ່ໄດ້ຮັບຫຼຽນກາດັ່ງກ່າວ ມີນາຍທະຫານ ຫວຽດນາມ 3 ຄົນ ເປັນກຽດໄດ້ຮັບຫຼຽນກາຈາກ ການນຳ ສປຊ ຍ້ອນມີຄວາມມານະພະຍາຍາມ ແລະ ມີຜົນງານພິເສດໃນການປະຕິບັດ ວຽກງານ ຢູ່ສຳນັກງານ ສປຊ.
ວັນທີ 29 ພຶດສະພາຂອງແຕ່ລະປີ ເຊິ່ງເປັນວັນສາກົນຂອງ ກຳລັງຮັກສາສັນຕິພາບ ສປຊ ເພື່ອຈາລຶກບຸນຄຸນຕໍ່ຜູ້ທີ່ໄດ້ ແລະ ກຳລັງຮັບໃຊ້ໃນການເຄື່ອນໄຫວຮັກສາສັນຕິພາບ ຂອງ ສປຊ. ນັບແຕ່ປີ 2020 ມານີ້, ຫວຽດນາມ ມີນາຍທະຫານກອງທັບ 3 ຄົນ ໃນຈຳນວນ 103 ຄົນຂອງບັນດາປະເທດ ທີ່ກຳລັງເຮັດວຽກຢູ່ຄະນະເລຂາທິການ ສປຊ.
vovworld.vn
