ທ່ານນາຍົກລັດຖະມົນຕີຫວຽດນາມ ຟ້າມມິງຈິງ ພົບປະກັບນັກທຸລະກິດ
	ທ່ານນາຍົກລັດຖະມົນຕີຫວຽດນາມ ຟ້າມມິງຈິງ ໄດ້ຕີລາຄາສູງການຮ່ວມມືຂອງທ່ານເລຂາທິການໃຫຍ່ອາຊຽນກັບຫວຽດນາມ

ບັນຍາກາດທີ່ການຕ້ອນຮັບ. ພາບ: ສໍານັກຂ່າວສານຫວຽດນາມ.

ທີ່ການຕ້ອນຮັບ, ທ່ານນາຍົກລັດຖະມົນຕີ ອວຍພອນບັນດາຜົນການເຄື່ອນໄຫວຂອງ Intel ຢູ່ໂລກ ແລະຫວຽດນາມ ໃນໄລຍະຜ່ານມາ. ທ່ານນາຍົກລັດຖະມົນຕີ ສະເໜີ Intel ສືບຕໍ່ລົງທຶນເຂົ້າຫວຽດນາມ, ບໍ່ພຽງແຕ່ເປີດກວ້າງການຜະລິດເທົ່ານັ້ນ ຫາກຍັງລົງທຶນຕາມລວງເລິກ, ສອດຄ່ອງກັບແຜນນະໂຍບາຍຂອງລັດຖະບານຫວຽດນາມ ໃນການດຶງດູດການລົງທຶນດ້ານເຕັກໂນໂລຢີສູງ, ເຕັກໂນໂລຢີສະອາດ, ປະກອບສ່ວນເຂົ້າໃນການພັດທະນາພື້ນຖານໂຄງລ່າງເສດຖະກິດດີຈີຕອນ ດ້ວຍຊັບພະຍາກອນມະນຸດທີ່ມີຄຸນນະພາບສູງຂອງຫວຽດນາມ.

ທ່ານນາຍົກລັດຖະມົນຕີສະເໜີ Intel ໜູນຊ່ວຍຫວຽດນາມ ໃນການກໍ່ສ້າງລະບົບນິເວດປ່ຽນແປງໃໝ່ປະດິດສ້າງ, ເລີ່ມທຸລະກິດ, ເພີ່ມສະມັດຕະພາບແຮງງານ; ກໍ່ສ້າງສູນຄົ້ນຄວ້າພື້ນຖານເພື່ອພັດທະນາແບບຍາວນານຢູ່ຫວຽດນາມ; ຊ່ວຍຫວຽດນາມ ຫັນລະບົບຕ່ອງໂສ້ການສະໜອງເປັນຫຼາຍຮູບຫຼາຍແບບ... ຫວຽດນາມ ກຽມພ້ອມໜູນຊ່ວຍບັນດາວິສາຫະກິດ, ໃນນັ້ນມີວິສາຫະກິດ FDI ຄື Intel ເພື່ອລົງທຶນຢູ່ຫວຽດນາມ ຢ່າງມີປະສິດທິຜົນ.

ເຫັນດີເປັນເອກະພາບຕໍ່ບັນດາຂໍ້ສະເໜີຂອງທ່ານນາຍົກລັດຖະມົນຕີ, ທ່ານ Patrick Gelsinger ໃຫ້ຮູ້ວ່າ ໃນວິວັດການລົງທຶນຢູ່ຫວຽດນາມ ກຸ່ມບໍລິສັດເຫັນວ່າ ຫວຽດນາມ ມີກໍາລັງແຮງງານທີ່ດຸໝັ່ນຂະຫຍັນພຽນ, ປ່ຽນແປງໃໝ່ປະດິດສ້າງ; ມີການໜູນຊ່ວຍ, ສ້າງເງື່ອນໄຂຢ່າງແຮງຈາກລັດຖະບານ. ສະນັ້ນ, Intel ຕົກລົງຈະສືບຕໍ່ລົງທຶນເຂົ້າຫວຽດນາມ ດ້ວຍຂະໜາດທົບຫຼາຍເທົ່າເມື່ອທຽບໃສ່ປະຈຸບັນ.