ການນຳລາວ ຕີລາຄາສູງການຮ່ວມມືລະຫວ່າງນະຄອນໂຮ່ຈີມິນ ແລະນະຄອນຫຼວງວຽງຈັນ

	ສົ່ງເສີມການຮ່ວມມືດ້ານການກະສິກໍາ ລະຫວ່າງ ແຂວງເກິ່ນເທີ ແລະນະຄອນຫຼວງວຽງຈັນ
	ການນຳລາວ ຕີລາຄາສູງປະສິດທິຜົນການຮ່ວມມືກັບກະຊວງຖະແຫຼງຂ່າວ ແລະສື່ສານຫວຽດນາມ

ສະຫາຍເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ຕ້ອນຮັບສະຫາຍ ຫງວຽນວັນເນນ. ພາບ: ສຳນັກຂ່າວສານຫວຽດນາມ.

ທີ່ການພົບປະ, ສະຫາຍ ຫງວຽນວັນເນນ ສະແດງຄວາມປິຕິຊົມຊື່ນຍ້ອນວ່າ ໃນໄລຍະຜ່ານມາເຖິງວ່າສະພາບການພາກພື້ນ, ສາກົນມີການຜັນແປສັບສົນຫຼາຍຢ່າງ, ຄາດຄະເນໄດ້ຍາກ ແລະພະຍາດໂຄວິດ-19 ກໍ່ຄວາມຫຍຸ້ງຍາກໃຫ້ທັງສອງປະເທດກໍ່ຕາມ, ແຕ່ວ່າການພົວພັນຫວຽດນາມ-ລາວ ຍັງສືບຕໍ່ຮັກສາໄດ້ທ່າພັດທະນາຢ່າງຕັ້ງໜ້າທັງການພົວພັນດ້ານການເມືອງ, ການຮ່ວມມືເສດຖະກິດ, ການຄ້າ, ການລົງທຶນ, ການປ້ອງກັນຊາດ, ປ້ອງກັນຄວາມສະຫງົບ ແລະການພົວພັນຕ່າງປະເທດ.

ສະຫາຍ ຫງວຽນວັນເນນ ຊົມເຊີຍບັນດາຜົນງານອັນໃຫຍ່ຫຼວງຂອງພັກ, ລັດ ແລະປະຊາຊົນລາວ ບັນລຸໄດ້ໃນກິດຈະການສ້າງສາ ແລະພັດທະນາປະເທດ, ສິ່ງທີ່ໄດ້ຊ່ວຍໃຫ້ລາວ ຍົກສູງຖານະບົດບາດຢູ່ພາກພື້ນ ແລະເວທີສາກົນຢ່າງບໍ່ຢຸດຢັ້ງ, ໂດຍສະເພາະແມ່ນຮັກສາໄດ້ຄວາມໝັ້ນຄົງດ້ານການເມືອງ, ຮັບປະກັນການປ້ອງກັນຊາດ-ປ້ອງກັນຄວາມສະຫງົບ, ຮັກສາໄດ້ການເຕີບໂຕເສດຖະກິດໃນສະພາບພະຍາດໂຄວິດ-19 ມີການຜັນແປສັບສົນຫຼາຍຢ່າງ.

ບັນດາສະຫາຍການນຳລາວ ຊົມເຊີຍຜົນສຳເລັດຂອງຫວຽດນາມ ໃນການຈັດຕັ້ງຊີເກມ 31; ຕີລາຄາສູງການຮ່ວມມືລະຫວ່າງນະຄອນໂຮ່ຈີມິນ ກັບນະຄອນຫຼວງວຽງຈັນ ແລະບັນດາແຂວງອື່ນຂອງລາວ; ໂດຍຢັ້ງຢືນວ່າ ປະຊາຊົນລາວຍາມໃດກໍ່ຖືເປັນສຳຄັນ ແລະຂອບອົກຂອບໃຈນະຄອນໂຮ່ຈີມິນ ທີ່ໄດ້ຊ່ວຍເຫຼືອ ແລະພົບປະແລກປ່ຽນ, ຮ່ວມມືກັບບັນດາແຂວງຂອງລາວ, ບໍ່ພຽງແຕ່ແຮກສ່ຽວກັບນະຄອນຫຼວງວຽງຈັນ, ແຂວງສະຫວັນນະເຂດ ແລະແຂວງຈຳປາສັກ ເທົ່ານັ້ນ, ນະຄອນໂຮ່ຈີມິນ ຍັງຮ່ວມມືກັບແຂວງຕ່າງໆຂອງລາວອີກດ້ວຍ; ເນັ້ນໜັກວ່າການຢ້ຽມຢາມຂອງຄະນະຜູ້ແທນຂັ້ນສູງນະຄອນໂຮ່ຈີມິນ ຈະປະກອບສ່ວນເຮັດໃຫ້ການພົວພັນມິດຕະພາບທີ່ຍິ່ງໃຫຍ່, ນ້ຳໃຈສາມັກຄີແບບພິເສດ ແລະການຮ່ວມມືຮອບດ້ານລະຫວ່າງຫວຽດນາມ ແລະລາວ ໃຫ້ເລິກເຊິ່ງຂຶ້ນຕ່ືມ; ສະແດງຄວາມປາດຖະໜາຢາກໃຫ້ນະຄອນໂຮ່ຈີມິນ ສືບຕໍ່ແບ່ງປັນບົດຮຽນຂອງນະຄອນໃນວຽກງານຄຸ້ມຄອງ ແລະພັດທະນາເສດຖະກິດ, ໜູນຊ່ວຍ ແລະຊ່ວຍເຫຼືອນະຄອນຫຼວງວຽງຈັນ ກໍ່ຄືບັນດາທ້ອງຖິ່ນຂອງລາວ ໃຫ້ນັບມື້ນັບພັດທະນາກວ່າອີກໃນໄລຍະຈະມາເຖິງ.