ຖືມະນຸດເປັນໃຈກາງຂອງທຸກການເຄື່ອນໄຫວພັດທະນາຢູ່ສະເໝີ

	ເພີ່ມທະວີການຮ່ວມມືບໍາລຸງສ້າງແຫຼ່ງຊັບພະຍາກອນມະນຸດໃຫ້ບັນດາແຂວງພາກເໜືອລາວ
	ສະຫະປະຊາຊາດຕີລາຄາສູງຄວາມພະຍາຍາມໃນການຮັບປະກັນສິດທິມະນຸດຢ່າງເຂັ້ມແຂງ ແລະ ໂປ່ງໃສ ຂອງຫວຽດນາມ

ຢູ່ໃນກອງປະຊຸມປຶກສາຫາລື, ທ່ານ ຫວູດຶກດາມ ຮອງນາຍົກລັດຖະມົນຕີແຫ່ງ ສສ ຫວຽດນາມ ເນັ້ນໜັກ ຄວາມໝາຍພິເສດຂອງ ກອງປະຊຸມປີນີ້ເປັນຂີດໝາຍ 75 ປີແຫ່ງການສ້າງຕັ້ງ ESCAP, ຍົກສູງບັນດາການປະກອບສ່ວນອັນແທດຈິງຂອງ ESCAP ເຂົ້າໃນບັນດາໝາກຜົນອັນໃຫຍ່ຫຼວງ ເຂົ້າວິວັດການພັດທະນາ ເສດຖະກິດ - ສັງຄົມຂອງພາກພື້ນ, ພາໃຫ້ຫຼາຍຮ້ອຍລ້ານຄົນພົ້ນທຸກ, ພັດທະນາບັນດາພື້ນຖານເສດຖະກິດ ໃຫຍ່ ແລະ ມີຄວາມຂະຫຍັນຂັນເຄື່ອນແຖວໜ້າຂອງໂລກ.

ທ່ານ ຫວູດຶກດາມ ຮອງນາຍົກລັດຖະມົນຕີແຫ່ງ ສສ ຫວຽດນາມ. ພາບ: TTXVN

ຮອງນາຍົກລັດຖະມົນຕີສະແດງຄວາມເປັນຫ່ວງກ່ຽວກັບການກະທົບຢ່າງໜັກໜ່ວງ ແລະ ຫຼາຍດ້ານຂອງພະຍາດ COVID-19, ຂອງຄວາມທ້າທາຍຕ່າງໆ ຄື ການປ່ຽນແປງຂອງດີນຟ້າອາກາດ, ໄພທຳມະຊາດ…ຕະຫຼອດຮອດວິວັດການຟື້ນຟູ ແລະ ພັດທະນາເສດຖະກິດ - ສັງຄົມໃນປັດຈຸບັນ, ໂດຍສະເພາະ ແມ່ນການປະຕິບັດໂຄງການກອງດຳເນີນງານ ປີ 2030 ເພື່ອຄວາມພັດທະນາແບບຍືນຍົງ.

ຮອງນາຍົກລັດຖະມົນຕີສະເໜີຂໍ້ບູລິມະສິດການຮ່ວມມືຫຼັກ ຈຳນວນໜຶ່ງ ຢູ່ພາກພື້ນໃນໄລຍະຈະມາເຖິງ.

ໜຶ່ງ, ຖືມະນຸດເປັນໃຈກາງຂອງທຸກການເຄື່ອນໄຫວຢູ່ສະເໝີ; ຕ້ອງກໍ່ສ້າງລະບົບຮັບປະກັນຊີວິດສັງຄົມຮັບປະກັນປະຊາຊົນມີວຽກເຮັດງານທຳ, ມີລາຍຮັບ ແລະ ໄດ້ເຂົ້າເຖິງບັນດາການບໍລິການຂັ້ນພື້ນຖານຢ່າງຄົບຖ້ວນ; ເພີ່ມທະວີກຳລັງຄວາມສາມາດ, ການຮັບມື ແລະ ຕ້ານທານຕໍ່ບັນດາສີ່ງທ້າທາຍໃໝ່.

ສອງ, ເພີ່ມທະວີການເຊື່ອມຕໍ່ໃນພາກພື້ນ, ໂດຍສະເພາະແມ່ນດ້ານຄົມມະນາຄົມ ຂົນສົ່ງ, ພະລັງງານ, ເທັກໂລໂນຊີຂໍ້ມູນຂ່າວສານ ແລະ ການສື່ສານ; ຮັບປະກັນບັນດາຕ່ອງໂສ້ສະໜອງມີຄວາມສາມາດຕ້ານທານ; ຊຸກຍູ້ການຫັນເປັນດີຈີຕອລ, ຫຼຸດໄລຍະຫ່າງດີຈີຕອລລົງ.

ທີສາມ, ຊຸກຍູ້ການປ່ຽນແປງໃໝ່ຫົວຄິດປະດິດສ້າງ ແລະ ເພີ່ມທະວີລະດົມແຫຼ່ງແຮງງານປະຕິບັດບັນດາຂໍ້ລິເລີ່ມ, ມານະພະຍາຍາມຫັນປ່ຽນຮູບແບບການເຕີບໂຕສູ່ການເຕີບໂຕກາກບອນຕໍ່າ, ພັດທະນາເສດຖະກິດ ແລະ ການໝູນວຽນ, ຮັບມືກັບການປ່ຽນແປງດີນຟ້າອາກາດ… ຮອງນາຍົກລັດຖະມົນຕີເນັ້ນໜັກການຮຽກຮ້ອງຊຸກຍູ້ບັນດາພົວພັນຄູ່ຮ່ວມມືໃນພາກພື້ນ ແລະ ກັບບັນດາພາກພື້ນອື່ນ.

ຮອງນາຍົກລັດຖະມົນຕີ ຍົກໃຫ້ເຫັນບັນດາຜົນສຳເລັດການພັດທະນາເສດຖະກິດ - ສັງຄົມ ແລະ ປະຕິບັດ ໂຄງການກອງດຳເນີນງານ ເພື່ອການພັດທະນາແບບຍືນຍົງ ຂອງສະຫະປະຊາຊາດ ຂອງ ຫວຽດນາມ. ປີ 2021 ຫວຽດນາມໄດ້ຈັດຢູ່ອັນດັບທີ 51/165 ປະເທດໃນການປະຕິບັດບັນດາເປົ້າໝາຍພັດທະນາແບບຍືນຍົງ, ຫຍັບຂຶ້ນ 30 ກວ່າອັນດັບເມື່ອທຽບກັບ 5 ປີກ່ອນ. ຫວຽດນາມຄວບຄຸມພະຍາດ COVID-19 ໄດ້ ແລະ ຫັນໄປສູ່ໄລຍະປັບຕົວດ້ວຍຢ່າງປອດໄພ, ມີໄຫວພິບ, ຄ່ອຍໆຟື້ນຟູເສດຖະກິດ, ສັງຄົມ.

ໃນໂອກາດ ນີ້, ທ່ານຮອງນາຍົກລັດຖະມົນຕີຂອບໃຈ ແລະ ສະແດງ ຄວາມປາຖະໜາສືບຕໍ່ໄດ້ຮັບການຮ່ວມມື ແລະ ການຊ່ວຍເຫຼືອຂອງປະຊາຄົມໂລກ, ໃນນັ້ນມີສະຫະປະຊາຊາດເວົ້າລວມ ແລະ ເວົ້າສະເພາະແມ່ນESCAP, ເພື່ອຟື້ນຟູ ແລະ ພັດທະນາເສດຖະກິດ-ສັງຄົມ, ປະຕິບັດບັນດາເປົ້າໝາຍພັດທະນາແບບຍືນຍົງ ແລະ ບັນດາຄຳສັນຍາຢູ່ກອງປະຊຸມ COP26 ດ້ານດີນຟ້າອາກາດ.

ຮອງນາຍົກລັດຖະມົນຕີຢືນຢັນຫວຽດນາມ ຈະສືບຕໍ່ປະກອບສ່ວນຢ່າງເປັນເຈົ້າການ, ຕັ້ງໜ້າ, ມີຄວາມຮັບຜິດຊອບ ແລະ ປະສິດທິຜົນເຂົ້າໃນຄວາມພະຍາຍາມຕ່າງໆຂອງ ESCAP ເວົ້າສະເພາະ ແລະ ເວົ້າລວມແມ່ນສະຫະປະຊາຊາດເພື່ອສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງ, ກວມລວມ, ບໍ່່ປະໃຫ້ຜູ້ໃດຢູ່ເບື້ອງຫຼັງ ຢູ່ພາກພື້ນ ແລະ ໃນທົ່ວໂລກ.