ການນຳພັກ ແລະ ລັດ ໄດ້ຊົມເຊີຍ ແລະ ມອບຫຼຽນກາໃຫ້ທີມບານເຕະ U23 ອິນໂດເນເຊຍ, ທີມບານເຕະ U23 ໄທ ແລະ ທີມບານເຕະ U23 ຫວຽດນາມ.
 |
| ການນໍາພັກ, ລັດມອບຫຼຽນກາໃຫ້ແກ່ນັກກິລາບານເຕະຊາຍ ທີ່ມີຜົນງານດີເດັ່ນໃນຊີເກມ ຄັ້ງທີ 31. ພາບ: TTXVN |
ຕອນຄ່ຳວັນທີ 22 ພຶດສະພາ, ພາຍຫຼັງທີມບານເຕະ U23 ຫວຽດນາມ ເອົາຊະນະທີມ U23 ໄທ 1-0 ປະຕູ, ປ້ອງກັນແຊັ້ມປະເພດບານເຕະໄດ້ສໍາເລັດທີ່ງານມະຫາກຳກິລາອາຊີຕາເວັນອອກສ່ຽງໃຕ້ (ຊີເກມ) ຄັ້ງທີ 31, ທ່ານປະທານປະເທດ ຫງວຽນຊວນຟຸກ, ທ່ານນາຍົກລັດຖະມົນຕີ ຟ້າມມິງຈິ໊ງ, ທ່ານປະທານສະພາແຫ່ງຊາດ ເວືອງດິ່ງເຫ້ວ ແລະ ທ່ານຜູ້ປະຈຳຄະນະເລຂາທິການ ຫວໍວັນເຖືອງ ໄດ້ລົງສະໜາມກິລາ ເພື່ອຊົມເຊີຍ ແລະ ມອບຫຼຽນໃຫ້ແກ່ທີມບານເຕະ U23 ອິນໂດເນເຊຍ, ທີມບານເຕະ U23 ໄທ ແລະ ທີມບານເຕະ U23 ຫວຽດນາມ.
ທ່ານປະທານປະເທດ ຫງວຽນຊວນຟຸກ ໄດ້ຕີລາຄາສູງບັນດາຄູຝຶກ, ນັກກິລາຂອງຄະນະນັກກິລາ ຫວຽດນາມ ທີ່ໄດ້ສ້າງສະຖິຕິໃໝ່ໃຫ້ຄະນະນັກກິລາສາມາດຍາດໄດ້ຫຼຽນຄຳໃນງານມະຫາກຳກິລາຊີເກມຄັ້ງທີ 31. ໃນຈຳນວນ 446 ຫຼຽນ, ມີ 205 ຫຼຽນຄຳ, 125 ຫຼຽນເງິນ, 116 ຫຼຽນທອງແດງ, ຢືນອັນດັບໜຶ່ງໃນ ຕາຕະລາງຈັດຫຼຽນທີ່ ຊີເກມ. ຈຳນວນຫຼຽນຄຳຂອງຄະນະກິລາ ຫວຽດນາມ ໃນງານມະຫາກຳກິລາຄັ້ງນີ້ແມ່ນຫຼາຍທີ່ສຸດທີ່ປະເທດໜຶ່ງບັນລຸໄດ້ຜ່ານງານມະຫາກຳກິລາຊີເກມ.
ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ສົ່ງສານຊົມເຊີຍເຖິງຄະນະຄູຝຶກ ແລະ ທີມບານເຕະຊາຍ U23 ຫວຽດນາມ.
ບູນມີ
