ໃນຂອບເຂດການຢ້ຽມຢາມຫວຽດນາມ ຢ່າງເປັນທາງການ, ຕອນເຊົ້າວັນທີ 18 ພຶດສະພາ, ຄະນະຜູ້ແທນຂັ້ນສູງເກຼັກ ໂດຍທ່ານນາງປະທານາທິບໍດີ Katerina Sakellaropoulou ນຳໜ້າ ໄດ້ໄປຮອດນະຄອນ ໂຮ່ຈີມິນ.
 |
| ປະທານາທິບໍດີ ເກຼັກ ສະເໜີການຮ່ວມມືກັບນະຄອນ ໂຮ່ຈິມີນ ໃນຂົງເຂດສຶກສາ ແລະ ວັດທະນະທຳ. ພາບ: vovworld.vn |
ທີ່ການຕ້ອນຮັບທ່ານນາງປະທານາທິບໍດີ ແລະ ຄະນະຜູ້ແທນຂັ້ນສູງເກຼັກ ມາຢ້ຽມຢາມນະຄອນ, ທ່ານປະທານຄະນະກຳມະການປະຊາຊົນນະຄອນ ໂຮ່ຈີມິນ ຟານວັນມ໊າຍ ໃຫ້ຮູ້ວ່າ: ນະຄອນ ໂຮ່ຈີມິນ ຍາມໃດກໍ່ພ້ອມແລ້ວທີ່ຈະສວມບົດບາດຕັ້ງໜ້າ, ເປັນຂົວຕໍ່ເພື່ອສືບຕໍ່ພັດທະນາ ແລະ ຂຸດຄົ້ນທ່າແຮງບົ່ມຊ້ອນ ໃຫ້ດີກວ່າອີກ ເພື່ອຊຸກຍູ້ການຮ່ວມມືລະຫວ່າງສອງປະເທດໃຫ້ພັດທະນາຂຶ້ນສູ່ລະດັບສູງກວ່າ ແລະ ຄົບຊຸດກວ່າ.
ທ່ານ ມ໊າຍ ຖືວ່າ: ຕ້ອງເພີ່ມທະວີການຮ່ວມມືວິສາຫະກິດເພື່ອຊຸກຍູ້ການລົງທຶນແລະ ການຄ້າລະຫວ່າງເກຼັກ ແລະ ຫວຽດນາມ ເວົ້າລວມ, ແລະ ກັບນະຄອນໂຮ່ຈີມິນ ເວົ້າສະເພາະ.
ທ່ານນາງປະທານາທິບໍດີ ເກຼັກ Katerina Sakellaropoulou ສະເໜີສອງຝ່າຍ ສືບຕໍ່ເພີ່ມທະວີການຮ່ວມມື, ແລກປ່ຽນປະສົບການ, ແບ່ງປັນບັນດາວິທີການປະຕິບັດດີທີ່ສຸດໃນຂົງເຂດການສຶກສາ ແລະ ແລກປ່ຽນວັດທະນະທຳ, ພິເສດ ແມ່ນການອະນຸລັກຮັກສາບັນດາສະຖານທີ່ປະຫວັດສາດ ຕໍ່ບັນດາຜົນກະທົບຈາກການປ່ຽນແປງດິນຟ້າອາກາດ, ຂະແໜງການຄ້າ ແລະ ການລົງທຶນ.
ບູນມີ
