ຫຼັງຈາກພິທີມອບຮັບຂໍ້ຕົກລົງ, ທ່ານປະທານປະເທດ ຫງວຽນຊວນຟຸກ ໄດ້ຮັບຕ້ອນບັນດາຜູ້ແທນເຂົ້າຮ່ວມກອງປະຊຸມການຕ່າງປະເທດ ຄັ້ງທີ 31.
ກ່າວຄຳເຫັນທີ່ການຕ້ອນຮັບ, ທ່ານປະທານປະເທດ ຫງວຽນຊວນຟຸກ ໄດ້ສະແດງຄວາມຊົມເຊີຍ 26 ສະຫາຍ ທີ່ໄດ້ຮັບຕຳແໜ່ງເປັນເອກອັກຄະລັດຖະທູດໃນຄັ້ງນີ້; ຢືນຢັນວ່າ ນີ້ແມ່ນນາມມະຍົດທາງການທູດທີ່ສູງສົ່ງທີ່ສຸດ, ສະແດງໃຫ້ເຫັນຄວາມຮັບຮູ້ຂອງພັກ ແລະ ລັດ ໃນການປະກອບສ່ວນຂອງບຸກຄົນໃນວຽກງານການຕ່າງປະເທດ.
 |
| ທ່ານປະທານປະເທດ ຫງວຽນຊວນຟຸກ ໄດ້ມອບຂໍ້ຕົກລົງວ່າດ້ວຍການຕຳແໜ່ງເອກອັກຄະລັດຖະທູດ ໃຫ້ 26 ສະຫາຍ. (ພາບ: TTXVN) |
ທ່ານປະທານປະເທດ ຫງວຽນຊວນຟຸກ ເນັ້ນໜັກວ່າ: ໃນຊຸມປີມໍ່ໆມານີ້, ວຽກງານການຕ່າງປະເທດ ລ້ວນແຕ່ແມ່ນຈຸດພົ້ນເດັ່ນຂອງບັນດາຜົນງານລວມຂອງປະເທດ, ໃນນັ້ນ, ກະຊວງການຕ່າງປະເທດ ໄດ້ປະກອບສ່ວນສຳຄັນ ແລະ ມີຄຸນຄ່າທີ່ສຸດ. ຖັນແຖວນັກການທູດ, ເອກອັກຄະລັດຖະທູດ, ກົງສຸນໃຫຍ່, ຫົວໜ້າອົງການຜູ້ຕາງໜ້າຫວຽດນາມ ໄດ້ເຕີບໂຕຂຶ້ນເທື່ອລະກ້າວ, ມີຄວາມອົງອາດກ້າຫານ, ມີຄວາມຮັບຜິດຊອບສູງຕໍ່ປະເທດ, ມີລະດັບວິຊາສະເພາະທິດີ, ມີຄວາມເປັນມືອາຊີບ...
ທ່ານປະທານປະເທດ ຫງວຽນຊວນຟຸກ ໄຈ້ແຍກວ່າ ໃນສະພາບການໂລກ ແລະ ພາກພື້ນ ໄດ້ມີການປ່ຽນແປງຢ່າງວ່ອງໄວ ແລະ ບໍ່ເຄີຍມີມາກ່ອນ, ໄດ້ສ້າງທັງສິ່ງທ້າທາຍສະຫຼັບກັບກາລະໂອກາດໃຫ້ແກ່ຂະແໜງການທູດ; ວາງອອກຄວາມຮຽກຮ້ອງຕ້ອງການດ້ານວຽກງານການຕ່າງປະເທດສູງຂຶ້ນອີກ. ກອງປະຊຸມໃຫຍ່ຄັ້ງທີ XIII ໄດ້ບັນທຶກໄວ້ໃນເອກະສານ ເປັນຄັ້ງທຳອິດ, ຢືນຢັນວ່າ ຄວນ “ສືບຕໍ່ເສີມຂະຫຍາຍບົດບາດປະຈັນບານ ຂອງການຕ່າງປະເທດໃນການສ້າງ ແລະ ຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ, ລະດົມແຫຼ່ງທຶນຈາກພາຍນອກ ເພື່ອພັດທະນາ, ຍົກສູງທີ່ຕັ້ງ ແລະ ອິດທິພົນຊື່ສຽງຂອງປະເທດຊາດ".
ບົນຈິດໃຈນັ້ນ, ທ່ານປະທານປະເທດ ຫງວຽນຊວນຟຸກ ເນັ້ນໜັກວ່າ ໜ້າທີ່ຍຸດທະສາດອັນດັບໜຶ່ງ ຂອງຂະແໜງການທູດ ແມ່ນຮັກສາສະພາບແວດລ້ອມແຫ່ງສັນຕິພາບ ເພື່ອສ້າງເງື່ອນໄຂໃຫ້ແກ່ການພັດທະນາປະເທດຊາດ.
ຄຳຮຸ່ງ
