ທີ່ກອງປະຊຸມປຶກສາຫາລື, ບັນດາລະບຽບການ, ມາດຕະຖານ, ເງື່ອນໄຂການສົ່ງອອກຜະລິດຕະພັນປຸງແຕ່ງ (ຈາກຜະລິດຕະພັນກະເສດ, ສະບຽງອາຫານ...) ແລະ ສະພາບລວມຂອງຕະຫຼາດສະວິດ ໂດຍທ່ານ ຫງວຽນດຶກເທືອງ - ທີ່ປຶກສາຝ່າຍການຄ້າຂອງຫ້ອງການການຄ້າຫວຽດນາມ ປະຈຳ ສະວິດ ໄດ້ໃຫ້ ຂໍ້ມູນລາຍລະອຽດ.
 |
| ພາບປະກອບ: TTXVN |
ປີ 2021, ການສົ່ງອອກຂອງຫວຽດນາມ ໄປຍັງສະວິດ ບັນລຸເກືອບ 1,9 ຕື້ ໂດລາສະຫະລັດ. ສິນຄ້າສົ່ງອອກຕົ້ນຕໍລວມມີ ເຄື່ອງຈັກ ແລະ ອຸປະກອນໄຟຟ້າ ແລະ ເຄື່ອງອາໄຫຼ່ ຕົ້ນຕໍແມ່ນ ໂທລະສັບມືຖື, ເກີບໜັງ, ເຄື່ອງຕ່ຳແຜ່ນຕັດຫຍິບ, ຜະລິດຕະພັນກະເສດ ແລະ ສະບຽງອາຫານ...ທ່ານນາງ ຫງວຽນທິທູກ ປະທານຂົວຕໍ່ທຸລະກິດ ຫວຽດນາມ - ສະວິດ ໄດ້ໃຫ້ຄຳປຶກສາບັນດາວິສາຫະກິດ ຫວຽດນາມ ກ່ຽວກັບບັນດາມາດຕະການ ແລະ ວິທີທີ່ເໝາະສົມ ເພື່ອແນໃສ່ເຂົ້າເຖິງຕະຫຼາດສະວິດ ຕໍ່ບັນດາຜະລິດຕະພັນກະເສດ ແລະ ສະບຽງອາຫານຕື່ມອີກ. ວິສາຫະກິດຫວຽດນາມ ຢູ່ສະວິດ ຈຳນວນໜຶ່ງທີ່ນຳເຂົ້າຜະລິດຕະພັນສິນໃນນໍ້າແບ່ງປັນປະສົບການຕະຫຼາດໃຫ້ວິສາຫະກິດຫວຽດນາມ ທີ່ກອງປະຊຸມປຶກສາຫາລື.
ບູນມີ
