| ປະທານແນວໂຮມປະເທດຊາດ ຫວຽດນາມ ສົ່ງຈົດໝາຍອວຍພອນປີໃໝ່ລາວ ແລະ ກຳປູເຈຍ | |
| ມະຫາວິທະຍາໄລ ຫາຍເຢືອງ ພົບປະສັງສັນ, ມອບຂອງຂວັນໃຫ້ແກ່ນັກສຶກສາລາວ ເນື່ອງໃນໂອກາດບຸນປີໃໝ່ ລາວ |
 |
| ບັນດາຜູ້ແທນເຂົ້າຮ່ວມການຟ້ອນລຳວົງ (ພາບ: TTXVN) |
ທ່ານເອກອັກຄະລັດຖະທູດ ດັ້ງມິງຄອຍ ອວຍພອນທ່ານເອກອັກຄະລັດຖະທູດ ນາງ ວິລາວັນ ເຢຍປໍເຮີ ພ້ອມກັບພະນັກງານ, ລັດຖະກອນຂອງສະຖານທູດລາວ ປະຈຳ ລັດເຊຍ ມີສຸຂະພາບເຂັ້ມແຂງ ແລະ ປະສົບຜົນສຳເລັດໃນໜ້າທີ່ວຽກງານ; ແບ່ງປັນກ່ຽວກັບຄວາມປະທັບໃຈທີ່ສວຍງາມຂອງປະເທດລາວ, ຊາວລາວທີ່ມີຄວາມເປັນມິດ ແລະ ອ່ອນໂຍນ.
ທ່ານເອກອັກຄະລັດຖະທູດ ດັ້ງມິງຄອຍ ແລະ ທ່ານເອກອັກຄະລັດຖະທູດ ນາງ ວິລາວັນ ເຢຍປໍເຮີ ໄດ້ພ້ອມກັນຫວນຄືນບັນດາຜົນງານທີ່ພົ້ນເດັ່ນ ແລະ ສະແດງຄວາມປິຕິຊົມຊື່ນຕໍ່ການພັດທະນາຢ່າງໝັ້ນຄົງ ແລະ ມີສະຖຽນລະພາບຂອງສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ - ລາວ ໃນໄລຍະຜ່ານມາ; ປຶກສາຫາລືກ່ຽວກັບແຜນການຮ່ວມມືປີ 2022 ເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ (5 ກັນຍາ 1962 – 5 ກັນຍາ 2022) ແລະ ຄົບຮອບ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18 ກໍລະກົດ 1977-18 ກໍລະກົດ 2022).
ທ່ານເອກອັກຄະລັດຖະທູດລາວ ປະຈຳລັດເຊຍ ນາງ ວິລາວັນ ເຢຍປໍເຮີ ໄດ້ຂອບໃຈທ່ານເອກອັກຄະລັດຖະທູດ ດັ້ງມິງຄອຍ ແລະ ບັນດາເຈົ້າໜ້າທີ່ຫວຽດນາມ ສຳລັບຄວາມປາດຖະໜາ ແລະ ນ້ຳໃຈອັນດີງາມທີ່ສະຫງວນໃຫ້ລາວ; ຢືນຢັນວ່າ ຈະສືບຕໍ່ສົມທົບກັບສະຖານທູດຫວຽດນາມ ປະຈຳລັດເຊຍ ເພື່ອມານະພະຍາຍາມສ້າງການພົວພັນລະຫວ່າງສອງປະເທດໃຫ້ນັບມື້ນັບເລິກເຊິ່ງ, ແທດຈິງ ແລະ ມີປະສິດທິຜົນ.
ທີ່ພິທີອວຍພອນປີໃໝ່, ການນຳສອງສະຖານທູດພ້ອມກັບພະນັກງານ, ພາລະກອນການທູດຂອງສອງປະເທດໄດ້ເຂົ້າຮ່ວມວັດທະນະທຳຕ້ອນຮັບບຸນປີໃໝ່ຊາວລາວຢູ່ລັດເຊຍ, ຮ້ອງເພງທັງພາສາຫວຽດນາມ ແລະ ລາວ, ຮັບປະທານອາຫານ ແລະ ເຂົ້າຮ່ວມການຟ້ອນພື້ນເມືອງລາວ.
ບຸນຄົງ
