 |
| ທ່ານ ເຈິ່ນກວາງຮ່ວາບ, ຫົວໜ້າກົມໃຫຍ່ການປ້ອງກັນ, ຕ້ານໄພທຳມະຊາດ, ຜູ້ຕາງໜ້າກົມຈັດຕັ້ງພະນັກງານ ມອບຂໍ້ຕົກລົງ ແລະ ຫຼຽນກາລະນຶກໃຫ້ແກ່ທ່ານ ປ.ອ Timothy Edward Mcgrath.(ພາບ: vov.vn) |
ທ່ານ ເຈິ່ນກວາງຮ່ວາບ, ຫົວໜ້າກົມໃຫຍ່ການປ້ອງກັນ, ຕ້ານໄພທຳມະຊາດ, ຜູ້ຕາງໜ້າກົມຈັດຕັ້ງພະນັກງານ ໄດ້ຕາງໜ້າໃຫ້ກະຊວງກະສິກຳ ແລະ ພັດທະນາຊົນນະບົດມອບຂໍ້ຕົກລົງ ແລະ ຫຼຽນກາລະນຶກໃຫ້ແກ່ທ່ານ ປ.ອ Timothy Edward Mcgrath. ທ່ານ ກ່າວວ່າ:
“ການນຳກະຊວງກະສິກຳ ແລະ ພັດທະນາຊົນນະບົດເວົ້າລວມ ແລະ ໃນນາມສ່ວນຕົວຂ້າພະເຈົ້າເວົ້າສະເພາະ ມີຄວາມຮູ້ສຶກຕື້ນຕັນໃຈຕໍ່ນ້ຳໃຈຄວາມຮັກແພງ, ຄວາມສຸດຈິດສຸດໃຈເຊິ່ງທ່ານ ປ.ອ Timothy Edward Mcgrath ສະຫງວນໃຫ້ແກ່ບັນດາໂຄງການພັດທະນາແບບຍືນຍົງຢູ່ ຫວຽດນາມ ເວົ້າລວມ ແລະ ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ເວົ້າສະເພາະ. ທ່ານບໍ່ພຽງແຕ່ແມ່ນນັກຊ່ຽວຊານຂັ້ນສູງເທົ່ານັ້ນ ຫາກຍັງແມ່ນເພື່ອນມິດສະໜິດສະໜົມຂອງພວກເຮົາອີກດ້ວຍ”.
ຂອງຂວັນດັ່ງກ່າວແມ່ນການຮັບຮູ້ການປະກອບສ່ວນຂອງທ່ານ ປ.ອ Timothy Edward Mcgrath ໃນຂົງເຂດກະສິກຳ ແລະ ພັດທະນາຊົນນະບົດ ຢູ່ ຫວຽດນາມ.
ປີ 1993, ເປັນຄັ້ງທຳອິດ, ທ່ານ ປ.ອ Timothy Edward Mcgrath ມາຍັງຫວຽດນາມ ເພື່ອຮັບໃຊ້ໃຫ້ແກ່ໂຄງການຄົ້ນຄ້ວາທີ່ກ່ຽວຂ້ອງເຖິງນະໂຍບາຍກະສິກຳ. ຫຼັງຈາກນັ້ນ 4 ປີ, ທ່ານໄດ້ສະຫງວນເວລາ 25 ປີໃນຊີວິດຂອງຕົນເພື່ອສືບຕໍ່ເຮັດວຽກຢູ່ເຂດດິນແດນຫວຽດນາມ. ທ່ານ ປ.ອ Timothy Edward Mcgrath ມີຄວາມເມົາມົວຕໍ່ວັດທະນະທຳຫວຽດ ແລະ ເວົ້າໄດ້ພາສາຫວຽດຢ່າງຄ່ອງແຄ້ວ. ປັດຈຸບັນ ທ່ານແມ່ນຮອງຜູ້ອຳນວຍການໂຄງການ “ຮັບມືກັບການປ່ຽນແປງຂອງດິນຟ້າອາກາດຢູ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ”.
ບຸນຄົງ
