| ຫວຽດນາມ ແລະ ລາວ ເພີ່ມທະວີການຮ່ວມມືພັດທະນາດ້ານການຄ້າຊາຍແດນ | |
| ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ຫງວຽນຮົ່ງຢຽນ ໄດ້ເຂົ້າຢ້ຽມຂໍ່ານັບທ່ານນາຍົກລັດຖະມົນຕີ ລາວ |
 |
| ເປັນສະຖານທີ່ເຊື່ອມຕໍ່ປະຊາຄົມນັກສຶກສາຫວຽດນາມ ຢູ່ ອັງກິດ. ພາບ: SVUK |
ໂດຍໄດ້ສ້າງຕັ້ງຂຶ້ນເມື່ອປີ 2005, ສະມາຄົມນັກສຶກສາ ຫວຽດນາມ ຢູ່ ອັງກິດ ປະຈຸບັນແມ່ນອົງການຕາງໜ້າໃຫ້ແກ່ນັກຮຽນ,ນັກສຶກສາ 12.000 ຄົນ ດ້ວຍ 50 ສາຂາສະມາຄົມນັກສຶກສາໃນສັງກັດ. ສະມາຄົມແມ່ນບ່ອນໜູນຊ່ວຍໃຫ້ຊາວໜຸ່ມ ຫວຽດນາມ ເຊື່ອມໂຍງເຂົ້າກັບຊີວິດຢູ່ຜືນແຜ່ນດິນໃໝ່. ພ້ອມກັນນັ້ນ, ກໍ່ແມ່ນບ້ານໃຫ້ນັກຮຽນ, ນັກສຶກສາທີ່ດຳລົງຊີວິດ ແລະ ຮ່ຳຮຽນຢູ່ອັງກິດໄດ້ເຂົ້າຮ່ວມບັນດາການເຄື່ອນໄຫວລວມ, ຊຸກຍູ້ນ້ຳໃຈສາມັກຄີ ເພື່ອຮ່ວມກັນມຸ່ງໄປສູ່ບ້ານເກີດເມືອງນອນ.
ເພື່ອແນໃສ່ເຊື່ອມຕໍ່ບັນດານັກສຶກສາເຂົ້າຮ່ວມການເຄື່ອນໄຫວລວມຢ່າງເປັນເອກະພາບ ແລະ ມີປະສິດທິຜົນ, ສະມາຄົມນັກສຶກສາ ຫວຽດນາມ ປະຈຳ ອັງກິດ ໄດ້ແບ່ງອອກເປັນບັນດາຄະນະຄື: ການເງິນການພົວພັນຕ່າງປະເທດ, ເຫດການ ແລະ ການສື່ສານ. ແຕ່ລະຄະນະມີວຽກງານຂອງຕົນ, ແຕ່ເຂົາເຈົ້າສະຫນັບສະຫນູນເຊິ່ງກັນແລະກັນໃນແຕ່ລະກິດຈະກໍາ. ພິເສດ, ປີກາຍນີ້, ສະມາຄົມນັກສຶກສາຫວຽດນາມ ຢູ່ ອັງກິດ ໄດ້ຮ່ວມກັນປະກອບສ່ວນບໍລິຈາກໃຫ້ປະຊາຊົນໃນທົ່ວປະເທດເພື່ອຕ້ານໂລກລະບາດ.
ນອກຈາກການຈັດຕັ້ງຫຼາຍກິດຈະກຳ ແລະ ເຕົ້າໂຮມບັນດານັກສຶກສາເຂົ້າຮ່ວມແລ້ວ, ສະມາຄົມຍັງມຸ່ງໄປເຖິງຫຼາຍເຫດການເພື່ອປະກອບສ່ວນແນະນຳວັດທະນະທຳ ຫວຽດນາມ ໃຫ້ແກ່ເພື່ອນມິດຕ່າງປະເທດ.
ໄຊພອນ
