| ທ່ານເລຂາຄະນະພັກນະຄອນຮ່າໂນ້ຍ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດ ຍີ່ປຸ່ນ ປະຈຳ ຫວຽດນາມ Yamada Takio | |
| ທ່ານປະທານປະເທດ ສ.ເກົາຫຼີ ເນັ້ນໜັກເຖິງການພົວພັນກັບ ຫວຽດນາມ |
 |
| ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ຫງວຽນຮົ່ງຢຽນ ໄດ້ເຂົ້າຢ້ຽມຂໍ່ານັບທ່ານນາຍົກລັດຖະມົນຕີ ລາວ. ພາບ: TTXVN |
ທ່ານນາຍົກລັດຖະມົນຕີລາວ ພັນຄຳ ວິພາວັນ ເນັ້ນໜັກວ່າ ຜົນງານທີ່ມີແງ່ດີໃນດ້ານວົງເງິນການຄ້າລາວ-ຫວຽດນາມ ໃນໄລຍະຜ່ານມາ ແມ່ນເງື່ອນໄຂທີ່ດີ ເພື່ອຊ່ວຍຟື້ນຟູເສດຖະກິດລາວ ພາຍຫຼັງໂລກລະບາດ Covid-19; ການພັດທະນາການຄ້າ, ການຮ່ວມມື ແລະ ການລົງທຶນລະຫວ່າງສອງປະເທດຕ້ອງໄດ້ຮັບການເອົາໃຈໃສ່ ແລະ ພັດທະນາຢ່າງແຮງກວ່າອີກ ເພື່ອສົມກັບສາຍພົວພັນທາງການເມືອງແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດລາວ-ຫວຽດນາມ.
ທ່ານລັດຖະມົນຕີ ຫງວຽນຮົ່ງຢຽນ ຢືນຢັນວ່າ ກະຊວງອຸດສາຫະກຳ ແລະ ການຄ້າ ຈະມານະພະຍາຍາມສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງກວ່າອີກ ເພື່ອຊຸກຍູ້ການພົວພັນຮ່ວມມືລະຫວ່າງ 2 ປະເທດຢ່າງມີປະສິດທິຜົນ, ຍາດແຍ່ງທ່າແຮງທີ່ດີທີ່ສຸດຂອງລາວ ແລະ ຫວຽດນາມ, ສ້າງກົນໄກຮ່ວມມືທີ່ສະດວກ, ນຳມາເຊິ່ງຜົນປະໂຫຍດດ້ານເສດຖະກິດ ແລະ ສັງຄົມອັນໃຫຍ່ຫຼວງໃຫ້ແກ່ປະຊາຊົນສອງປະເທດ.
ກ່ອນໜ້ານັ້ນ, ທ່ານລັດຖະມົນຕີ ຫງວຽນຮົ່ງຢຽນ ພ້ອມກັບທ່ານ ດາວວົງ ພອນແກ້ວ ລັດຖະມົນຕີກະຊວງພະລັງງານ ແລະ ບໍ່ແຮ່ ລາວ ແລະ ທ່ານ ຄຳແພງ ໄຊສົມແພງ ລັດຖະມົນຕີກະຊວງອຸດສາຫະກຳ ແລະ ການຄ້າ ລາວ ໄດ້ເປັນປະທານຮ່ວມເວທີປາໄສວິສາຫະກິດ ລາວ - ຫວຽດນາມ ໃນຂົງເຂດພະລັງງານ ແລະ ບໍ່ແຮ່.
ໄຊພອນ
