 |
| ການພົບປະ (ພາບ: hanoimoi.com.vn) |
ທີ່ການພົບປະ, ທ່ານ ດິງຕຽນຢຸງ ຖືວ່າ: ຮ່າໂນ້ຍ ພວມຍູ້ແຮງການຟື້ນຟູ, ພັດທະນາການຜະລິດ ແລະ ດຳເນີນທຸລະກິດ, ຊຸກຍູ້ການປະຕິຮູບດ້ານບໍລິຫານ, ປັບປຸງສະພາບແວດລ້ອມແຫ່ງການລົງທຶນ; ຄ່ອຍໆເປີດການບໍລິການທ່ອງທ່ຽວຄືນສູ່ສະພາບປົກກະຕິໃໝ່.
ສຳລັບໂຄງການນະຄອນອັດສະລິຍະຮ່າໂນ້ຍ, ມາຮອດປະຈຸບັນ, ຄວາມຄືບໜ້າດ້ານການບຸກເບີກໜ້າພຽງໄດ້ບັນລຸຕາມຄວາມຮຽກຮ້ອງຕ້ອງການໂດຍພື້ນຖານ; ວຽກງານດັດແກ້ແບ່ງເຂດແຜນຜັງໜອງ ເຟືອງແຈັກ ແລະ ເຂດຕົວເມືອງ ດົ່ງແອງ ພວມໄດ້ຮັບການຊີ້ນຳຈາກຄະນະກຳມະການປະຊາຊົນນະຄອນ, ເລັ່ງຄວາມຄືບໜ້າ. ນະຄອນສືບຕໍ່ຮັບຟັງ ແລະ ແກ້ໄຂຄວາມຫຍຸ້ງຍາກ ແລະ ສິ່ງຕິດຄັດຂອງໂຄງການ ເພື່ອແນໃສ່ຍູ້ແຮງຄວາມຄືບໜ້າ, ການຜັນຂະຫຍາຍບາງລາຍການໃຫຍ່, ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນ ຫວຽດນາມ - ຍີ່ປຸ່ນ ໃນປີ 2023.
ທ່ານເອກອັກຄະລັດຖະທູດຍີ່ປຸ່ນ Yamada Takio ໃຫ້ຮູ້ວ່າ: ການກໍ່ສ້າງນະຄອນສີຂຽວ ແລະ ອັດສະລິຍະຈະແມ່ນໜຶ່ງໃນບັນດາບຸລິມະສິດຂອງການຮ່ວມມືລະຫວ່າງ ຍີ່ປຸ່ນ ແລະ ຮ່າໂນ້ຍ; ໃນນັ້ນ ໂຄງການ ນະຄອນ ອັດສະລິຍະ ຮ່າໂນ້ຍ ແມ່ນຈຸດພົ້ນເດັ່ນຂອງການຮ່ວມມືລະຫວ່າງ ຍີ່ປຸ່ນ ແລະ ຫວຽດນາມ ເວົ້າລວມ ແລະ ຮ່າໂນ້ຍ ເວົ້າສະເພາະ; ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງສອງປະເທດຢ່າງແທດຈິງ.
ບຸນຄົງ
