| ການນໍານະຄອນດ່ານັ້ງ ຢ້ຽມຢາມ ແລະອວຍພອນວັນຊາດ ລາວ ຄົບຮອບ 46 ປີ | |
| ຮອງນາຍົກລັດຖະມົນຕີ ສສ ຫວຽດນາມ ຢ້ຽມຢາມ ສປປ ລາວ ເພື່ອຮັດແໜ້ນການຮ່ວມມື |
ສອງຝ່າຍໄດ້ລາຍງານຕໍ່ກັນກ່ຽວກັບສະພາບການພັດທະນາເສດຖະກິດ-ສັງຄົມ, ປ້ອງກັນຊາດ, ປ້ອງກັນຄວາມສະຫງົບ, ແລກປ່ຽນປະສົບການການຄຸ້ມຄອງເສດຖະກິດ-ສັງຄົມ ໃນທ້ອງຖິ່ນ. ນີ້ເປັນໂອກາດທີ່ສອງແຂວງໄດ້ພົບປະ ແລະ ຕີລາຄາສະພາບການຮ່ວມມືມິດຕະພາບໃນບັນດາຂົງເຂດຕາມເນື້ອໃນຈິດໃຈບົດບັນທຶກຊ່ວຍຈຳທີ່ທັງສອງຝ່າຍໄດ້ເຊັນໃນເດືອນພຶດສະພາ 2014; ບົດບັນທຶກການຮ່ວມມືລະພະແນກວັດທະນະທຳ, ກິລາ ແລະ ທ່ອງທ່ຽວແຂວງກາເມົ່າ ແລະ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຄຳມ່ວນ ໄດ້ເຊັນໃນເດືອນມີນາ 2018.
 |
| ການນຳແຂວງກາເມົ່າ ຢ້ຽມຢາມ ແລະ ອວຍພອນບຸນປີໃໝ່ສົງການທີ່ແຂວງຄຳມ່ວນ (ລາວ). ພາບ: camau.gov.vn |
ທ່ານ ໂຮ່ຈຸງຫວຽດ ໄດ້ສົ່ງຄຳອວຍພອນອັນປະເສີດເຖິງອຳນາດການປົກຄອງ ແລະ ປະຊາຊົນຊາວແຂວງຄຳມ່ວນ ເນື່ອງໃນໂອກາດບຸນປີໃໝ່ສົງການ 2022; ສະແດງຄວາມປາດຖະໜາໃຫ້ສາຍພົວພັນມິດຕະພາບ, ການຮ່ວມມື, ຄວາມສາມັກຄີອັນເປັນມູນເຊື້ອລະຫວ່າງອຳນາດການປົກຄອງ ແລະ ປະຊາຊົນສອງຊາດ ຫວຽດນາມ-ລາວ ເວົ້າລວມ ແລະ ລະຫວ່າງງສອງແຂວງ ກາເມົ່າ-ຄຳມ່ວນ ເວົ້າສະເພາະ ຈະສືບຕໍ່ໄດ້ຮັບການຊຸກຍູ້ສົ່ງເສີມ ແລະ ເປີດກວ້າງການຮ່ວມມືເສດຖະກິດທີ່ມີປະສິດທິຜົນໃນຕໍ່ໜ້າ.
ທ່ານ ວັນໄຊ ພົງສະຫວັນ, ກຳມະການສູນກາງພັກປະຊາຊົນປະຕິວັດລາວ, ເລຂາຄະນະພັກແຂວງ, ເຈົ້າແຂວງແຂວງຄຳມ່ວນ ໄດ້ສົ່ງຝາກຄຳຂອບໃຈເຖິງການນຳແຂວງກາເມົ່າທີ່ໄດ້ໃຫ້ຄວາມເອົາໃຈໃສ່ ແລະ ແຕ່ງຕັ້ງຄະນະຜູ້ແທນເຮັດວຽກມາຢ້ຽມຢາມ ແລະ ອວຍພອນບຸນປີໃໝ່ສົງການ; ພ້ອມທັງສະແດງຄວາມເຊື່ອໝັ້ນຕໍ່ສາຍພົວພັນຮ່ວມມືລະຫວ່າງແຂວງກາເມົ່າ ແລະ ແຂວງຄຳມ່ວນ ຈະນັບມື້ນັບພັດທະນາຂຶ້ນໄປໃນຕໍ່ໜ້າ.
ໃນໂອກາດນີ້, ຄະນະຜູ້ແທນເຮັດວຽກແຂວງກາເມົ່າ ໄດ້ມອບຂອງຂວັນໃຫ້ແກ່ແຂວງຄຳມ່ວນ ຊຶ່ງເປັນອຸປະກອນການແພດຮັບໃຊ້ໃນວຽກງານຕ້ານ ແລະ ສະກັດກັ້ນພະຍາດໂຄວິດ-19 ຂອງທ້ອງຖິ່ນແຂວງ.
ວິລະຊົນ
