| ຫວຽດນາມ ຈະຜັນຂະຫຍາຍປາສປໍວັກຊິນຢ່າງກ້ວາງຂວາງ | |
| ເພີ່ມທະວີການເຄື່ອນໄຫວການທູດປະຊາຊົນ ລະຫວ່າງປະຊາຊົນຫວຽດນາມ - ອາເມລິກາ |
 |
| ພາບປະກອບ: TTXVN |
ຮອດວັນທີ 01 ເມສາ, ຄວາມຄືບໜ້າໃນການລົງທຶນ, ຍົກລະດັບ, ສ້ອມແປງບັນດາກິດຈະກຳຮັບໃຊ້ງານມະຫາກຳກິລາອາຊີຕາເວັນອອກສ່ຽງໃຕ້ - SEA Games 31 ຢູ່ ຮ່າໂນ້ຍ ໄດ້ສຳເລັດໂດຍພື້ນຖານແລ້ວ, ບາງໂຄງການທີ່ຍັງເຫຼືອພວມໄດ້ຍູ້ໄວເພື່ອເຮັດໃຫ້ສຳເລັດ. ຕາມທ່ານນາງ ເຈິ່ນທິເວິນແອງ, ຮອງຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວນະຄອນແລ້ວ, ເພື່ອຕອບສະໜອງດ້ານພື້ນຖານວັດຖຸໃຫ້ແກ່ SEA Games 31 ດີທີ່ສຸດ, ຄະນະກຳມະການປະຊາຊົນນະຄອນ ຮ່າໂນ້ຍ ໄດ້ຊີ້ນຳບັນດາພະແນກ, ຂະແໜງການ, ຄະນະກຳມະການປະຊາຊົນເມືອງ ປະຕິບັດການສ້ອມແປງ, ຍົກລະດັບບັນດາກິດຈະກຳກິລາ ຕາມແຜນການທີ່ໄດ້ວາງອອກໃຫ້ສຳເລັດໂດຍໄວ.
ໃນໄລຍະຜ່ານມາ, ບັນດາພະແນກການ, ຂະແໜງການ ຂອງຄະນະກຳມະການປະຊາຊົນບັນດາເມືອງຂອງນະຄອນ ຮ່າໂນ້ຍ ໄດ້ຮັບມອບໝາຍໃຫ້ງານມະຫາກຳກິລາ SEA Games 31 ໄດ້ເປັນເຈົ້າການສະເໜີຍົກສູງໃນການລົງທຶນ ແລະ ປົວແປງບັນດາໂຄງການຂອງທ້ອງຖີ່ນທີ່ມີ. ໃນນັ້ນ, ມີ 8 ໂຄງການທີ່ພະແນກວັດທະນະທໍາ ແລະ ກິລາ ຄຸ້ມຄອງໄດ້ມອບໃຫ້ຄະນະຄຸ້ມຄອງໂຄງການລົງທຶນ ແລະ ກໍ່ສ້າງບັນດາໂຄງການວັດທະນະທໍາ-ສັງຄົມເປັນຜູ້ລົງທຶນ; 12 ໂຄງການແມ່ນໄດ້ຮັບການລົງທຶນຈາກຄະນະກຳມະການປະຊາຊົນ, ບັນດາຕາແສງ, ເມືອງ. ບັນດາໂຄງການແຂ່ງຂັນທີ່ຄຸ້ມຄອງໂດຍ 12 ເມືອງ ໄດ້ມີຄວາມພະຍາຍາມຫຼາຍດ້ານກ່ຽວກັບຄວາມຄືບໜ້າຂອງການກໍ່ສ້າງ. ບາງທ້ອງຖິ່ນຄື: ຮ່ວາງມາຍ, ແທງຈີ, ແລະ ບັກຕືລ່ຽມ ຜັນຂະຫຍາຍຍົກສູງນັກແຂ່ງຂັນແຕ່ຫົວທີ. ໂດຍສະເພາະເມືອງ ເຕີ່ຍໂຮ່ ແລະ ເມືອງດ່ານເຟືອງ ໄດ້ນຳໃຊ້ສະໂມສອນອອກກຳລັງກາຍເປັນບ່ອນກັກກັນຜູ້ຕິດເຊື້ອພະຍາດໂຄວິດ-19. ສະນັ້ນຈື່ງມີຜົນສະທ້ອນຕໍ່ໂຄງກາກໍ່ສ້າງ ໃນໄລຍະໂຄງກາກໍ່ສ້າງໄດ້ພົບເຫັນບາງລາຍການຕ້ອງໄດ້ຮັບການປັບປຸງ ແລະ ເພີ່ມເຕີມຈຶ່ງໄດ້ຮັບການຜັນຂະຫຍາຍຢ່າງຮີບດ່ວນເພື່ອຮັບປະກັນຄວາມຄືບໜ້າ. ແນວໃດກໍດີ, ຄວາມຄືບໜ້າຂອງບາງໂຄງການລົງທຶນເພື່ອສ້ອມແປງ ແລະ ຍົກລະດັບສະຖານທີ່ກິລາຮັບໃຊ້ງານກິລາຊີເກມ 31 ຍັງບໍ່ທັນເປັນໄປຕາມທີ່ຄາດໄວ້ໃນເບື້ອງຕົ້ນ. ເຫດຜົນແມ່ນຄະນະຈັດຕັ້ງບໍ່ທັນອອກຄຳແນະນຳສະເພາະກ່ຽວກັບເວລາ ແລະ ຄວາມຄືບໜ້າໃນການຕິດຕັ້ງອຸປະກອນວິຊາສະເພາະໃຫ້ບັນດາທ້ອງຖິ່ນສົມທົບກັນຈັດຕັ້ງປະຕິບັດ... ສະນັ້ນ, ເພື່ອສຳເລັດໂຄງການກິລາມີຜົນສໍໍາເລັດໃນໄລຍະຈະມາເຖິງ, ພະແນກວັດທະນະທຳ ແລະ ກິລາ ແລະ ຄະນະກໍາມະການປະຊາຊົນຕາແສງ, ເມືອງ ຈະໄດ້ເພີ່ມທະວີການສົມທົບກັນກວດກາ ແລະ ກວດກາຄືນບັນດາລາຍການທີ່ຕ້ອງໄດ້ສ້ອມແປງ ແລະ ປະດັບໃຫ້ມີໂສມໜ້າອັນງາມ.
SEA Games (Sautheast Asian Games) ແມ່ນເຫດການກິລາໃຫຍ່ທີ່ສຸດຢູ່ ອາຊີຕາເວັນອອກສ່ຽງໃຕ້, ເຊິ່ງໄດ້ຈັດຂຶ້ນ 2 ປີເທື່ອ 1 ຢູ່ປະເທດໃດໜຶ່ງໃນພາກພື້ນ. ປີນີ້, ຫວຽດນາມ ເປັນເຈົ້າພາບ ແລະ ຈັດຂຶ້ນຢູ່ ຮ່າໂນ້ຍ ແລະ 11 ແຂວງ ໃກ້ຄຽງໃນລະຫວ່າງວັນທີ 12 – 23 ພຶດສະພາ.
ວີໂອວີ
