| ຫວຽດນາມພ້ອມປະກອບສ່ວນໃຫ້ແກ່ການເຄື່ອນໄຫວຊ່ວຍໜູນທາງດ້ານມະນຸດສະທຳຂອງສະຫະປະຊາຊາດຕໍ່ກັບຢູເຄຣນ | |
| ການປະກອບສ່ວນຂອງຫວຽດນາມໃຫ້ແກ່ການເຄື່ອນໄຫວຮັກສາສັນຕິພາບຂອງສະຫະປະຊາຊາດໄດ້ຮັບການຕີລາຄາສູງ |
ກ່າວຄຳເຫັນໄຂກອງປະຊຸມ, ທ່ານ ໂດ໋ຮຸງຫວຽດ ຜູ້ຊ່ວຍລັດຖະມົນຕີກະຊວງການຕ່າງປະເທດ ໄດ້ປະກາດບົດລາຍງານໄລຍະກາງສະໄໝຢ່າງສະໝັກໃຈ ທີ່ໄດ້ຮັບການຮັບຮອງຈາກນາຍົກລັດຖະມົນຕີ ເມື່ອວັນທີ 22 ມີນາ 2022 ເພື່ອເຜີຍແຜ່ ແລະ ສົ່ງໃຫ້ສະພາສິດທິມະນຸດສະຫະປະຊາຊາດ. ບົດລາຍງານໄດ້ສະແດງໃຫ້ເຫັນຄວາມຮັບຜິດຊອບຂອງຊາດສະມາຊິກ, ຄວາມໂປ່ງໃສ ແລະ ຄວາມເຂັ້ມງວດຂອງຫວຽດນາມ ຕໍ່ກັບກົນໄກ UPR ເວົ້າສະເພາະ ແລະ ໃນການປະຕິບັດບັນດາຄຳໝັ້ນສັນຍາສາກົນກ່ຽວກັບການຮັບປະກັນສິດທິມະນຸດເວົ້າລວມ, ເປັນຕົ້ນແມ່ນໃນສະພາບທີ່ຫວຽດນາມກຳລັງຕັ້ງໜ້າເຄື່ອນໄຫວລົງສະເໝີເຂົ້າໃນສະພາສິດທິມະນຸດ ໄລຍະສະໄໝ 2023-2025.
 |
| ກະຊວງການຕ່າງປະເທດເຜີຍແຜ່ບົດລາຍງານໄລຍະກາງສະໄໝຢ່າງສະໝັກໃຈໃນການປະຕິບັດຂໍ້ສະເໜີທີ່ຫວຽດນາມຮັບເອົາຕາມກົນໄກກວດກາທົບທວນຕາມໄລຍະທົ່ວໄປ. ພາບ: TTXVN |
ຜູ້ຊ່ວຍລັດຖະມົນຕີ ໂດ໋ຮຸງຫວຽດ ນຳສະເໜີກ່ຽວກັບການລົງສະໝັກຂອງຫວຽດນາມເປັນສະມາຊິກສະພາສິດທິມະນຸດສະຫະປະຊາຊາດ ສະໄໝ 2023-2025; ຢືນຢັນວ່າຫວຽດນາມຈະກຽມພ້ອມຮ່ວມມືກັບບັນດາປະເທດສະມາຊິກ ແລະ ບັນດາຝ່າຍທີ່ກ່ຽວຂ້ອງ ເພື່ອຮັກສາຫຼັກການຕ່າງໆຂອງກົດບັນສະຫະປະຊາຊາດ ແລະ ກົດໝາຍສາກົນ, ເສີມຂະຫຍາຍຜົນສັກສິດ ແລະ ປະສິດທິຜົນຂອງສະພາສິດທິມະນຸດ ໂດຍຜ່ານການສົນທະນາ, ການຮ່ວມມື ແລະ ເຄົາລົບເຊິ່ງກັນ ແລະ ກັນ.
ທ່ານນາງ ຣານາ ຟລາວເວີ ຮັກສາການຜູ້ປະສານງານສະຫະປະຊາຊາດ ຕີລາຄາສູງຄຳໝັ້ນສັນຍາ ແລະ ຄວາມມານະພະຍາຍາມຂອງຫວຽດນາມໃນການຊຸກຍູ້ ແລະ ປົກປ້ອງບັນດາສິດທິມະນຸດ, ໃນນັ້ນ ມີການຈັດຕັ້ງປະຕິບັດຂໍ້ສະເໜີຕາມກົນໄກ URP-III ແລະ ການສ້າງບົດລາຍງານກາງສະໄໝຢ່າງສະໝັກໃຈ, ພ້ອມກັບຄຳໝັ້ນສັນຍາຍາໃນການລົງສະໝັກເຂົ້າສະພາສິດທິມະນຸດ ສະໄໝ 2023-2025; ພ້ອມກັບຢືນຢັນຄຳໝັ້ນສັນຍາຂອງລະບົບບັນດາອົງການຂອງສະຫະປະຊາຊາດທີ່ຄຽງຂ້າງຄູ່ກັບຫວຽດນາມ ໃນການຊຸກຍູ້ ແລະ ປົກປ້ອງສິດທິມະນຸດ, ຊຸກຍູ້ບັນດາຫຼັກການຂອງກົດໝາຍສາກົນ, ປະຕິບັດເປົ້າໝາຍຕ່າງໆໃນການພັດທະນາຢ່າງຍືນຍົງ ແລະ ບໍ່ຖີ້ມປະໃຜໄວ້ດ້ານຫຼັງ.
ວິລະຊົນ
