| ສ້າງເງື່ອນໄຂສະດວກໃຫ້ບັນດາເອກອັກຄະລັດຖະທູດ ປະຈຳ ຫວຽດນາມ | |
| ສະຖານທູດ ຫວຽດນາມ ປະຈຳ ຮຸງກາຣີ ຮັບຊາວຫວຽດນາມ 290 ຄົນ ຈາກ ຢູແກຼນ |
 |
| ທ່ານນາຍົກລັດຖະມົນຕີ ຟ້າມມິງຈິ້ງ ໃຫ້ການຕ້ອນຮັບທ່ານເອກອັກຄະລັດຖະທູດໄທ ປະຈຳຫວຽດນາມ Nikorndej Balankura (ພາບ:qdnd.vn ) |
ທີ່ການຕ້ອນຮັບ, ທ່ານນາຍົກລັດຖະມົນຕີ ຟ້າມມິງຈິງ ໄດ້ຕີລາຄາສູງການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ ແລະ ໄທ ໃນໄລຍະທີ່ຜ່ານມາ ເຊິ່ງໄດ້ມີການພັດທະນາເປັນຢ່າງດີ ແລະ ເຂົ້າສູ່ລົງເລິກໃນທຸກຂົງເຂດ. ໃນສະພາບການທີ່ 2 ປະເທດຫາກໍ່ສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ (ປີ 2021) ສຳເລັດ ແລະ ມຸ່ງໄປເຖິງວັນສ້າງຕັ້ງການພົວພັນຄູ່ຮ່ວມມືຍຸດທະສາດຄົບຮອບ 10 ປີ ໃນປີ 2023.
ທ່ານນາຍົກລັດຖະມົນຕີຖືວ່າ ສອງປະເທດຫວຽດນາມ - ໄທ ຕ້ອງສືບຕໍ່ເພີ່ມທະວີການຮ່ວມມືທີ່ມີຄວາມໄວ້ເນື້ອເຊື່ອໃຈ, ໃນນັ້ນມີການຜັນຂະຫຍາຍການພົບປະແລກປ່ຽນຂັ້ນສູງ ແລະ ບັນດາຂັ້ນ, ກົນໄກຮ່ວມມືສອງຝ່າຍ, ພິເສດແມ່ນກົນໄກກອງປະຊຸມຄະນະລັດຖະບານລະຫວ່າງປະເທດ ແລະ ຄະນະກຳມະການຮ່ວມມືສອງຝ່າຍກ່ຽວກັບການຮ່ວມມືຢ່າງມີປະສິດທິຜົນ, ຊຸກຍູ້ຮ່ວມມືພ້ອມກັນຟື້ນຟູ ແລະ ພັດທະນາເສດຖະກິດ - ສັງຄົມ ໃນໄລຍະຫຼັງໂລກລະບາດໂຄວິດ-19.
ທ່ານນາຍົກລັດຖະມົນຕີສະເໜີໄທ ເພີ່ມທະວີການນຳເຂົ້າ ແລະຈຳໜ່າຍຜະລິດຕະພັນຫວຽດນາມເຂົ້າຕະຫລາດໄທ; ສອງຝ່າຍຍູ້ໄວການແລກປ່ຽນກ່ຽວກັບການຮັບຮອງໜັງສືຜ່ານແດນວັກຊິນຂອງກັນ; ເປີດຖ້ຽວບິນການຄ້າເປັນປົກກະຕິ, ສ້າງເງື່ອນໄຂສະດວກໃຫ້ແກ່ການທ່ອງທ່ຽວ ແລະ ການພົວພັນການຄ້າລະຫວ່າງ 2 ປະເທດ.
ທ່ານນາຍົກລັດຖະມົນຕີ ເຊື່ອໝັ້ນວ່າ ສອງປະເທດ ຫວຽດນາມ - ໄທຄວນສືບຕໍ່ເພີ່ມທະວີການຮ່ວມມືໃຫ້ຫຼາຍກ່ວາອີກ.
ບຸນຄົງ
