ທີ່ການຕ້ອນຮັບທ່ານ Ernest Mbaimba Ndomahina, ເອກອັກຄະລັດຖະທູດ ສາທາລະນະລັດເຊຍຣາ ເລອອນ, ທ່ານປະທານປະເທດ ຫງວຽນຊວນຟຸກ ເຊື່ອໝັ້ນວ່າ ໃນອາຍຸການປະຕິບັດວຽກງານທາງການທູດຢູ່ຫວຽດນາມ, ທ່ານເອກ ອັກຄະລັດຖະທູດ ຈະມານະພະຍາມປະກອບສ່ວນນຳການພົວພັນລະຫວ່າງ ສອງປະເທດພັດທະນາຂຶ້ນສູ່ລະດັບສູງໃໝ່; ພິເສດແມ່ນໃນຂົງເຂດເສດຖະກິດ, ການຄ້າ, ຂຸດຄົ້ນກຳລັງບົ່ມຊ້ອນທີ່ໃຫຍ່ຫຼວງຂອງສອງປະເທດໃຫ້ດີກວ່າອີກ.
ໃນການຕ້ອນຮັບທ່ານ Ganesh Prasad Dhakal ເອກອັກຄະລັດຖະທູດ ສາທາລະນະລັດ ປະຊາທິປະໄຕ ສະຫະພັນເນປານ, ທ່ານປະທານປະເທດ ເນັ້ນໜັກວ່າ ຫວຽດນາມ ຍາມໃດກໍ່ຖືການພົວພັນຮ່ວມມືກັບ ເນປານ ເປັນ ສຳຄັນ; ສະເໜີໃຫ້ສອງປະເທດຍູ້ແຮງການເຄື່ອນໄຫວຮ່ວມມືໃນຂົງເຂດຕ່າງໆຄື ແລກປ່ຽນວັດທະນະທຳ, ການທ່ອງທ່ຽວ ແລະພິເສດແມ່ນຍົກສູງວົງເງິນ ການຄ້າສອງຝ່າຍ.
 |
| ທ່ານປະທານປະເທດ ຫງວຽນຊວນຟຸກ ຕ້ອນຮັບທ່ານ Carlos Humberto Jiménez Licona ເອກອັກຄະລັດຖະທູດ ແຫ່ງສາທາລະນະລັດກົວເຕມາລາ. ພາບ: TTXVN |
ເມື່ອແລກປ່ຽນກັບທ່ານ Carlos Humberto Jiménez Licona ເອກອັກຄະລັດຖະທູດ ແຫ່ງສາທາລະນະລັດກົວເຕມາລາ, ທ່ານປະທານປະເທດ ຫງວຽນຊວນຟຸກ ໃຫ້ຮູ້ວ່າ: ຫວຽດນາມ ມີຄວາມສາມາດບົ່ມຊ້ອນຫຼາຍຢ່າງໃນຂົງເຂດການຄ້າ ແລະການລົງທຶນ, ແມ່ນເງື່ອນໄຂທີ່ດີ ເພື່ອຊຸກຍູ້ການພົວພັນຮ່ວມມືກັບ ກົວເຕມາລາ. ທ່ານປະທານປະເທດ ປາດຖະໜາວ່າ ສອງປະເທດຈະເອົາໃຈໃສ່ເຖິງການແລກປ່ຽນ ແລະການຮ່ວມມືໃນບັນດາເວທີປາໄສຫຼາຍຝ່າຍ, ພາກພື້ນ ແລະສາກົນ, ບັນຫາຮັກສາສັນຕິພາບ ແລະການພັດທະນາແບບຍືນຍົງກວ່າອີກ.
ໃນການຕ້ອນຮັບທ່ານ Mohamed Jinah ເອກອັກຄະລັດຖະທູດ ສາທາລະນະລັດ ມານດິບ, ທ່ານປະທານປະເທດຫວຽດນາມ ຫງວຽນຊວນຟຸກ ຖືວ່າ ດ້ວຍຄວາມສາມາດບົ່ມຊ້ອນດ້ານການທ່ອງທ່ຽວຫຼາຍຢ່າງ, ມານດິບ ແລະ ຫວຽດນາມ ມີຄວາມຄ້າຍຄືກັນໃນທິດທາງພັດທະນາເສດຖະກິດ, ພິເສດແມ່ນ ດ້ານການທ່ອງທ່ຽວ, ນີ້ແມ່ນເງື່ອນໄຂສະດວກເພື່ອຊຸກຍູ້ການພົວພັນຮ່ວມ ມືສອງຝ່າຍໃນໄລຍະຈະມາເຖິງ. ທ່ານປະທານປະເທດ ສະເໜີໃຫ້ສອງຝ່າຍຊຸກຍູ້ການເຄື່ອນໄຫວຮ່ວມມືໃນຂົງເຂດເດີນທະເລ, ຮັບມືກັບການປ່ຽນແປງຂອງດິນຟ້າອາກາດ...
ໃນການຕ້ອນຮັບທ່ານ Jaime Yorquis Francisco Rodrigue ເອກອັກຄະລັດ ຖະທູດແຫ່ງສາທາລະນະລັດ ໂດມີນີກາ, ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ຊົມເຊີຍເລື່ອງ ໂດມີນີກາ ເປີດສະຖານທູດປະຈໍາ ຫວຽດນາມ; ນີ້ແມ່ນເຫດການສຳຄັນໃນການພົວພັນລະຫວ່າງສອງປະເທດ. ທ່ານປະທານປະເທດ ປາດຖະໜາວ່າ ສອງຝ່າຍຈະມານະພະຍາຍາມກວ່າອີກເພື່ອຜັນຂະຫຍາຍບັນດາມາດຕະການຍົກສູງປະສິດທິຜົນການຮ່ວມມືໃນທຸກຂົງເຂດ, ກ່ອນອື່ນໝົດແມ່ນການແລກປ່ຽນຄະນະຜູ້ແທນຂັ້ນສູງ ແລະທຸກຂັ້ນ; ຈັດຕັ້ງການເຄື່ອນໄຫວສົ່ງເສີມການຄ້າສອງຝ່າຍ.
ບູນມີ
