| ຫວຽດນາມ-ເບລາຣູສ ສ້າງເງື່ອນໄຂເພື່ອໃຫ້ວິສາຫະກິດໄດ້ພັດທະນາ ແລະ ຊອກຫາໂອກາດໃໝ່ໆ | |
| ສປປ ລາວ-ສ.ຕວັກກີ ຮັດແໜ້ນການພົວພັນຮ່ວມມື |
ໃນບັ້ນການເຮັດວຽກນີ້, ທ່ານເອກອັກຄະລັດຖະທູດໄດ້ເຂົ້າຢ້ຽມຄຳນັບ ແລະ ເຮັດວຽກກັບເຈົ້າແຂວງແຂວງອາດານາ ແລະ ເມີຊີນ; ພົບປະກັບປະທານເຂດອຸດສາຫະກຳຊີລີຟກີ, ແຂວງເມີຊີນ ແລະ ເຂົ້າຢ້ຽມບາງຫົວໜ່ວຍວິສາຫະກິດທ້ອງຖິ່ນ. ສະຖານທູດກໍຍັງໄດ້ຈັດລັອກວາງສະແດງສິນຄ້າເຂົ້າຮ່ວມງານເທດສະການດອກສົ້ມນາໆຊາດ-ເທດສະການທີ່ໃຫຍ່ທີ່ສຸດໃນແຂວງອາດານາ, ຕວັກກີ.
 |
| ເພີ່ມທະວີການຮ່ວມມືເສດຖະກິດລະຫວ່າງຫວຽດນາມກັບແຂວງອາດານາ ແລະ ເມີຊິນ (ຕວັກກີ) |
ໃນວາລະການເຮັດວຽກ, ທ່ານເອກອັກຄະລັດຖະທູດເນັ້ນໜັກວ່າ: ທ່າແຮງການຮ່ວມມືກັບບັນດາທ້ອງຖິ່ນຂອງຫວຽດນາມ ເປັນຕົ້ນທາງດ້ານກະສິກຳ, ທ່ອງທ່ຽວ. ທ່ານເອກອັກຄະລັດຖະທູດຢືນຢັນວ່າ: ຈະສະແດງບົດບາດເປັນຂົວຕໍ່ໃນການຊ່ວຍເຫຼືອ, ສະໜັບສະໜູນບັນດາຫົວໜ່ວຍວິສາຫະກິດສອງປະເທດໄດ້ເຊື່ອມໂຍງ, ຮ່ວມມືລົງທຶນນຳກັນ ພ້ອມກັບສຶກສາສະໜັບສະໜູນແຂວງອາດານາ ແລະ ເມີຊີນ ເພີ່ມທະວີການເຊື່ອມໂຍງ, ພົວພັນແລກປ່ຽນກັບບັນດາທ້ອງຖິ່ນຂອງຫວຽດນາມ.
ວັນທີ 25 ມີນາ 2022, ທ່ານເອກອັກຄະລັດຖະທູໄດ້ມາຢ້ຽມຢາມເຂດອຸດສາຫະກຳຊີລີຟກີ, ແຂວງເມີຊີນ ເຮັດວຽກກັບທ່ານ ໂບນຢີ ມູດູຣູ - ປະທານເຂດອຸດສາຫະກຳ ແລະ ຢ້ຽມຢາມບາງໂຮງງານໃຫຍ່ໆໃນທີ່ນີ້.
ໃນທ່າມກາງການເຄື່ອນໄຫວວຽກງານ, ທ່ານເອກອັກຄະລັດຖະທູດ ກໍໄດ້ຈັດສັນລັອກສະແດງສິນຄ້າເຂົ້າຮ່ວມກິດຈະກຳງານເທດສະການດອກສົ້ມນາໆຊາດ (23 ຫາ 27 ມີນາ 2022) - ເທດສະການປະຈຳປີທີ່ໃຫຍ່ທີ່ສຸດໃນແຂວງອາດານາ. ສິນຄ້າວາງສະແດງປະກອບມີຮູບພາບວັດທະນະທຳທີ່ເປັນຈຸດເດັ່ນ, ຜະລິດຕະພັນຫັດຖະກຳພື້ນບ້ານຕ່າງໆ ແລະ ບັນດາຂໍ້ມູນທີ່ເປັນປະໂຫຍດທາງດ້ານການທ່ອງທ່ຽວຫວຽດນາມ ຊຶ່ງໄດ້ດຶງດູດຄວາມສົນໃຈ ແລະ ຊົມຊອບຫຼາຍຈາກປະຊາຊົນທີ່ເຂົ້າຮ່ວມງານເທດສະການດັ່ງກ່າວ.
ວິລະຊົນ
