| ສະຖານທູດຫວຽດນາມປະຈຳເຢຍລະມັນຕັ້ງໜ້າຊ່ວຍເຫຼືອຄົນຫວຽດນາມອົບພະຍົບຈາກຢູເຄຣນ | |
| ສະຫະປະຊາຊາດຕີລາຄາສູງບັນດາການປະກອບສ່ວນຂອງ ຫວຽດນາມ ໃຫ້ແກ່ການເຄື່ອນໄຫວຮັກສາສັນຕິພາບສະຫະປະຊາຊາດ |
ສະແດງຄຳເຫັນໃນກອງປະຊຸມ, ທ່ານເອກອັກຄະລັດຖະທູດ ດັ໊ງຮວ່າງຢາງ, ຫົວໜ້າຄະນະຜູ້ແທນຖາວອນຫວຽດນາມປະຈຳສະຫະປະຊາຊົນ ກ່າວຢ້ຳຄືນຈຸດຢືນອັນເດັດດ່ຽວຂອງຫວຽດນາມກ່ຽວກັບການແກ້ໄຂບັນດາຂໍ້ພິພາດສາກົນດ້ວຍວິທີທາງຢ່າງສັນຕິວິທີ ບົນພື້ນຖານເຄົາລົບລະບຽບກົດໝາຍສາກົນ, ກົດບັດສະຫະປະຊາຊາດ, ໂດຍສະເພາະແມ່ນຫຼັກການເຄົາລົບເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງບັນດາປະເທດ, ບໍ່ແຊກແຊງເຂົ້າໃນວຽກງານພາຍໃນ ແລະ ບໍ່ນຳໃຊ້ຄວາມຮຸນແຮງໃນການພົວພັນສາກົນ.
 |
| ຫວຽດນາມພ້ອມປະກອບສ່ວນໃຫ້ແກ່ການເຄື່ອນໄຫວຊ່ວຍໜູນທາງດ້ານມະນຸດສະທຳຂອງສະຫະປະຊາຊາດຕໍ່ກັບຢູເຄຣນ. ພາບ : dangcongsan.vn |
ກ່ຽວກັບສະພາບການທາງມະນຸດສະທຳຈາກການປະທະທີ່ເກີດຂຶ້ນໃນຢູເຄຣນນັ້ນ, ທ່ານເອກອັກກະລັດຖະທູດເນັ້ນໜັກວ່າ ບຸລິມະສິດອັນດັບຕົ້ນນະຕອນນີ້ຄວນສຸມໃສ່ເຂົ້າໃນການຢຸດຢັ້ງການປະທະ, ປົກປ້ອງປະຊາຊົນທົ່ວໄປ ແລະ ພື້ນຖານໂຄງລ່າງຂອງພົນລະເຮືອນທີ່ຈຳເປັນ ແລະ ດຳເນີນການເຄື່ອນໄຫວຕ່າງໆທາງດ້ານມະນຸດສະທຳ ແລະ ອົບພະຍົບຫຼົບໄພແກ່ພົນລະເມືອງ.
ທ່ານເອກອັກຄະລັດຖະທູດຍັງຢືນຢັນການສະໜັບສະໜູນຂອງຫວຽດນາມຕໍ່ກັບຄວາມມານະພະຍາມທາງມະນຸດສະທຳຂອງເລຂາທິການໃຫຍ່, ບັນອົງການສະຫະປະຊາຊາດ, ບັນດາປະເທດໃນພາກພື້ນ ແລະ ຄູ່ຮ່ວມມືສາກົນ, ແລະ ຫວຽດນາມພ້ອມປະກອບສ່ວນໃຫ້ແກ່ບັນດາການເຄື່ອນໄຫວຊ່ວຍໜູນທາງມະນຸດສະທຳຂອງສະຫະປະຊາຊາດຕໍ່ກັບຢູເຄຣນ ໃນເງື່ອນໄຂ ແລະ ຄວາມສາມາດທີ່ໃຫ້ອະນຸຍາດໄດ້.
ທ່ານເອກອັກຄະລັດຖະທູດເນັ້ນໜັກວ່າ: ການສົນທະນາ, ການເຈລະນາລະຫວ່າງແຕ່ລະຝ່າຍທີ່ກ່ຽວຂ້ອງຄວນໄດ້ຮັບການຜັນຂະຫຍາຍ ເພື່ອຊອກຫາວິທີທາງຢ່າງສັນຕິບົນພື້ນຖານກົດໝາຍສາກົນ, ກົດບັດສະຫະປະຊາຊາດ ແລະ ຄຳນຶງເຖິງຜົນປະໂຫຍດ ແລະ ຄວາມເອົາໃຈໃສ່ຂອງແຕ່ລະຝ່າຍທີ່ກ່ຽວຂ້ອງ.
ວິລະຊົນ
