ເມື່ອບໍ່ດົນມານີ້, ຢູ່ຕາແສງ ເຫງັຍຈູ່, ເມືອງ ວັນຢາງ, ແຂວງຮຶງອ່ຽນ ໄດ້ດຳເນີນພິທີຖະຫວາຍທູບທຽນລະນຶກເຖິງວັນຄ້າຍວັນເກີດ 110 ປີ ຂອງທ່ານ ເລວັນເລືອງ (28 ມີນາ 1912-28 ມີນາ 2022) ແລະ ພິທີຮັບໃບຢັ້ງຢືນການຈັດອັນດັບປະຫວັດສາດແຫ່ງຊາດ.
ເຂົ້າຮ່ວມພິທີ ມີທ່ານພົນເອກ ໂຕເລິມ, ກຳມະການກົມການເມືອງ, ລັດຖະມົນກະຊວງຕຳຫຼວດ ແລະ ບັນດາການນຳຂອງພັກ ແລະ ລັດ.
 |
| ຖະຫວາຍທູບທຽນ ສະເຫຼີມສະຫຼອງວັນຄ້າຍວັນເກີດ 110 ປີ ຂອງທ່ານ ເລວັນເລຶອງ ຢູ່ແຂວງຮຶງອ່ຽນ. (ພາບ: baohungyen) |
ໃນຖານະເປັນຜູ້ນຳທີ່ມີພອນສະຫວັນຂອງພັກ ແລະ ການປະຕິວັດຫວຽດນາມ, ຕະຫຼອດຊີວິດຂອງທ່ານ ເລວັນເລຶອງ ໄດ້ສູ້ຊົນເພື່ອພາລະກິດການປະຕິວັດຂອງພັກ, ເຄິຍດຳລົງຕຳແໜ່ງທີ່ສຳຄັນຫລາຍຕຳແໜ່ງ ຄື: ກຳມະການກົມການເມືອງ, ຫົວໜ້າຄະນະຈັດຕັ້ງສູນກາງ, ຫົວໜ້າຫ້ອງວ່າການສູນກາງພັກ, ຜູ້ອຳນວຍການໂຮງຮຽນພັກ ຫງວຽນອ້າຍກວກ, ເລຂາຄະນະພັກນະຄອນ ຮ່າໂນ້ຍ... ທ່ານແມ່ນນັກຮຽນເກັ່ງຂອງປະທານ ໂຮ່ຈີມິນ, ແມ່ນລູກຊາຍດີເດັ່ນຂອງຮຶງອ່ຽນ.
ງານສະເຫຼີມສະຫຼອງ 110 ປີແຫ່ງວັນຄ້າຍວັນເກີດຂອງທ່ານ ເລວັນເລືອງ ເພື່ອແນໃສ່ສະແດງຄວາມຮູ້ບຸນຄຸນ ແລະ ການປະກອບສ່ວນອັນໃຫຍ່ຫຼວງຂອງທ່ານ ເລວັນເລືອງ ທີ່ມີຕໍ່ການປະຕິວັດຂອງພັກ, ປະເທດຊາດ ແລະ ບ້ານເກີດເມືອງນອນ ຮຶງອ່ຽນ; ຢືນຢັນບົດບາດນຳພາອັນສະຫຼາດສ່ອງໃສຂອງພັກ, ລັດ, ບັນດາການນຳດີເດັ່ນ ແລະ ແບບຢ່າງຂອງພັກ ແລະ ການປະຕິວັດຫວຽດນາມ ໃນພາລະກິດຕໍ່ສູ້ຍາດເອົາເອກະລາດ ແລະ ເສລີພາບຂອງປະເທດຊາດ; ສັນຕິພາບ ແລະ ການໂຮມປະເທດຊາດເປັນເອກະພາບ, ຜ່ານນັ້ນ ກໍປັບປຸງ ແລະ ເພີ່ມພູນຄູນສ້າງຄວາມເຊື່ອໝັ້ນຂອງປະຊາຊົນຕໍ່ພັກ, ລັດ, ລະບອບສັງຄົມນິຍົມ ແລະ ພາລະກິດແຫ່ງການປ່ຽນແປງໃໝ່ປະເທດຊາດ, ຫັນເປັນອຸດສາຫະກຳ ແລະ ທັນສະໄໝ, ເຊື່ອມໂຍງເຂົ້າກັບສາກົນ.
ຄຳຮຸ່ງ
