| ທ່ານປະທານປະເທດ ຫງວຽນຊວັນຟຸກ ຕ້ອນຮັບເອກອັກຄະລັດຖະທູດບັນດາປະເທດເຂົ້າຍື່ນສານຕາຕັ້ງ | |
| ໄຂງານວາງສະແດງ “ພົນເອກ ຫວໍງວຽນຢາບ - ຮູບພາບແຫ່ງເທບນິຍາຍ” |
 |
| ທ່ານນາຍົກລັດຖະມົນຕີ ຟ້າມມິງຈິງ ເຂົ້າຮ່ວມພິທີສະເຫຼີມສະຫຼອງວັນຄ້າຍວັນເກີດ ທ່ານພົນເອກ ຫວໍງວຽນຢາບ ຄົບຮອບ 110 ປີ. ພາບ: qdnd.vn |
ຫວ່າງແລ້ວນີ້, ຢູ່ແຂວງ ກວາງບິ່ງ, ຄະນະບໍລິຫານງານສູນກາງພັກ, ສະພາແຫ່ງຊາດ, ປະທານປະເທດ, ລັດຖະບານ, ຄະນະກໍາມະການສູນກາງແນວໂຮມປະເທດຊາດ ຫວຽດນາມ ແລະ ແຂວງ ກວາງບິ່ງ ໄດ້ຈັດຕັ້ງພິທີສະເຫຼີມສະຫຼອງ 110 ປີແຫ່ງວັນຄ້າຍວັນເກີດ ທ່ານພົນເອກ ຫວໍງວຽນຢາບ. ພິທີໄດ້ຈັດຂຶ້ນໃນລະດັບຊາດ, ຕິດພັນກັບເນື່ອງໃນໂອກາດສະເຫຼີມສະຫຼອງ 77 ປີ ແຫ່ງວັນສ້າງຕັ້ງກອງທັບປະຊາຊົນຫວຽດນາມ (22 ທັນວາ 1944 - 22 ທັນວາ 2021) ແລະ 32 ປີແຫ່ງວັນທົ່ວປວງຊົນປ້ອງກັນຊາດ (22 ທັນວາ 1989 - 22 ທັນວາ 2021).
ພິທີສະເຫຼີມສະຫຼອງ 110 ປີແຫ່ງວັນຄ້າຍວັນເກີດຂອງ ທ່ານພົນເອກ ຫວໍງວຽນຢາບ ເພື່ອເຊີດຊູ ແລະ ຈາລຶກບຸນຄຸນຄຸນງາມຄວາມດີຂອງທ່ານພົນເອກ ສໍາລັບພາລະກິດຕໍ່ສູ້ປົດປ່ອຍຊາດ, ທ້ອນໂຮມປະເທດຊາດ, ສ້າງສາ ແລະ ປົກປັກຮັກສາປະເທດຊາດ (25 ສິງຫາ 1911 - 25 ສິງຫາ 2021).
ທີ່ພິທີ, ສະຫາຍ ຟ້າມມິງຈິງ, ກຳມະການກົມການເມືອງ, ນາຍົກລັດຖະມົນຕີ ໄດ້ກ່າວສູນທອນພົດສະເຫຼີມສະຫຼອງວັນຄ້າຍວັນເກີດ 110 ປີແຫ່ງວັນເກີດຂອງພົນເອກ ຫວໍງວຽນຢາບ.
ທ່ານເລຂາທິການໃຫຍ່ ຫງວຽນຟູ໋ຈ້ອງ, ທ່ານປະທານປະເທດ ຫງວຽນຊວນຟຸກ ແລະ ທ່ານປະທານສະພາແຫ່ງຊາດ ຫວູງດິ່ງເຫ້ວ ໄດ້ສົ່ງດອກໄມ້ອວຍພອນ.
ເຂົ້າຮ່ວມພິທີສະເຫຼີມສະຫຼອງມີ ສະຫາຍ ນາງ ເຈືອງທິມາຍ, ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງ; ສະຫາຍ ພົນໂທ ເລືອງເກື່ອງ, ກຳມະການກົມການເມືອງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ; ສະຫາຍ ຫງວຽນຈ້ອງເຫງຍ, ເລຂາທິການສູນກາງພັກ, ຫົວໜ້າຄະນະໂຄສະນາສຶກສາສູນກາງ; ບັນດາສະຫາຍ ກໍາມະການສູນກາງພັກ, ການນໍາບັນດາຄະນະ, ກະຊວງ, ຂະແໜງ, ອົງການສູນກາງ; ກອງເສນາທິການໃຫຍ່; ກົມໃຫຍ່ການເມືອງ; ການນໍາບັນດາທ້ອງຖິ່ນ; ບັນດາສະຫາຍປະຕິວັດອາວຸໂສ; ບັນດາແມ່ວິລະຊົນ ຫວຽດນາມ; ບັນດາວິລະຊົນກໍາລັງປະກອບອາວຸດປະຊາຊົນ, ວິລະຊົນແຮງງານ; ບັນດາຜູ້ແທນ, ແຂກຜູ້ມີກຽດ; ຄອບຄົວຂອງທ່ານພົນເອກ ຫວໍງວຽນຢາບ ແລະ ຜູ້ຕາງໜ້າປະຊາຊົນແຂວງ ກວາງບິ່ງ.
ກ່ອນວັນສະເຫຼີມສະຫຼອງ, ທ່ານນາຍົກລັດຖະມົນຕີ ຟ້າມມິງຈິງ ພ້ອມດ້ວຍຄະນະປະຕິບັດງານໄດ້ເຂົ້າຮ່ວມພິທີໄຫວ້ອາໄລ, ຖະຫວາຍທູບທຽນຢູ່ ວິຫານບູຊາ ປະທານ ໂຮ່ຈີມິນ ແລະ ບັນດາວິລະຊົນ, ນັກຮົບຜູ້ເສຍສະຫຼະຊີວິດເພື່ອຊາດ ແຂວງ ກວາງບິ່ງ, ຢູ່ສະໜາມຫຼວງ ໂຮ່ຈີມິນ ຢູ່ ຖະໜົນ ຮຸ່ງເວືອງ, ນະຄອນ ດົ່ງເຮີຍ.
ທ່ານນາຍົກລັດຖະມົນຕີ ແລະ ບັນດາຜູ້ແທນ ກໍໄດ້ໄປຢ້ຽມຢາມງານວາງສະແດງກ່ຽວກັບຊີວິດ ແລະ ພາລະກິດຂອງ ພົນເອກ ຫວໍງວຽນຢາບ.
ກ່ອນໜ້ານັ້ນ, ຕອນເຊົ້າວັນທີ 21 ທັນວາ, ທ່ານນາຍົກລັດຖະມົນຕີ ຟ້າມມິງຈິງ ພ້ອມດ້ວຍຄະນະປະຕິບັດງານສູນກາງໄດ້ເຂົ້າຮ່ວມພິທີຖະຫວາຍທູບທຽນອາໄລຫາ ທ່ານ ພົນເອກ ຫວໍງວຽນຢາບ ຢູ່ເຂດດາວອຽນ - ຫວູງຈົ່ວ, ຕາແສງ ກວາງດົງ, ເມືອງ ກວາງແຈກ, ແຂວງ ກວາງບິ່ງ.
ໄຊພອນ
