| IPU-144: ຫວຽດນາມ ຮຽກຮ້ອງໃຫ້ມີການແກ້ໄຂການຂັດແຍ້ງກັນໂດຍສັນຕິວິທີ | |
| ໄຂກອງປະຊຸມລັດຖະມົນຕີເສດຖະກິດ ອາຊຽນ ວົງແຄບ ຄັ້ງທີ 28 |
 |
| ກອງປະຊຸມສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 27 (ASCC) (ພາບ: ຢາຍໂຕ໊ງ) |
ກ່າວຄຳເຫັນທີ່ກອງປະຊຸມສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 27 (ASCC), ທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ດາວງອກຢຸງ ໃຫ້ຮູ້ວ່າ: ປະຊາຄົມວັດທະນະທຳ - ສັງຄົມ ອາຊຽນ ນັບມື້ນັບຢັ້ງຢືນໄດ້ບົດບາດຂອງຕົນໃນການເຊື່ອມຕໍ່ປະຊາຊົນ, ຖືປະຊາຊົນເປັນໃຈກາງຂອງການພັດທະນາແບບຍືນຍົງ ແລະ ບໍ່ປະໃຫ້ຜູ້ໃດຖືກປະໄວ້ຢູ່ທາງຫຼັງ.
ຕອນເຊົ້າວັນທີ 30 ມີນາ, ກອງປະຊຸມສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 27 (ASCC) ໄດ້ຈັດຕັ້ງໂດຍກົງ ຢູ່ປະເທດປະທານອາຊຽນ 2022, ກຳປູເຈຍ ແລະ ແບບທາງໄກຢູ່ບັນດາປະເທດສະມາຊິກອາຊຽນ.
ນີ້ແມ່ນເຫດການສຳຄັນ ແລະ ແມ່ນກອງປະຊຸມຄັ້ງທຳອິດໃນປີຂອງປະຊາຄົມວັດທະນະທຳ-ສັງຄົມ ອາຊຽນ. ບັນດາລັດຖະມົນຕີ, ສະມາຊິກສະພາປະຊາຄົມຈະປຶກສາຫາລືກ່ຽວກັບບຸລິມະສິດ, ເອກະສານທີ່ໄດ້ຮັບການສະເໜີສ້າງເພື່ອຍື່ນສະເໜີໃຫ້ກອງປະຊຸມສຸດຍອດອາຊຽນຄັ້ງທີ 40 ແລະ 41 ເພື່ອຮັບຮອງເອົາ; ແບ່ງປັນທັດສະນະກ່ຽວກັບບັນດາບັນຫາທີ່ຄວນໄດ້ຮັບຄວາມສົນໃຈ ແລະ ການກຳນົດທິດພັດທະນາຂອງ ອາຊຽນ ໃນໄລຍະຈະມາເຖິງ ເພື່ອປະຕິບັດການຫັນວິໄສທັດປະຊາຄົມອາຊຽນ 2025 ໃຫ້ປະກົດຜົນເປັນຈິງ.
ຕາມທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ດາວງອກຢຸງ ແລ້ວ, ພະຍາດໂຄວິດ-19 ໄດ້ສົ່ງຜົນສະທ້ອນເຖິງການພັດທະນາເສດຖະກິດ ແລະ ສັງຄົມຂອງບັນດາປະເທດ, ໃນນັ້ນມີພາກພື້ນ ອາຊຽນ ກໍ່ຄືທົ່ວໂລກ. ບັນດາສິ່ງທ້າທາຍດັ່ງກ່າວຮຽກຮ້ອງໃຫ້ລັດຖະບານຂອງບັນດາປະເທດ ແລະ ພາກພື້ນສົມທົບກັນຮັບມືດ້ວຍບັນດາມາດຕະການປັບຕົວໃຫ້ແທດເໝາະກັບສະພາບການໃໝ່ ເພື່ອແນໃສ່ຮັກສາພື້ນຖານເສດຖະກິດເປັນປົກກະຕິ, ສັງຄົມມີສະຖຽນລະພາບ ແລະ ຮັບປະກັນຊີວິດສັງຄົມໃນສະພາບປົກກະຕິໃໝ່.
ທ່ານລັດຖະມົນຕີ ດາວງອກຢຸງ ກໍ່ສະໜັບສະໜູນຫົວຂໍ້ ກຳປູເຈຍ ເລືອກເຟັ້ນ “ການກະທຳອາຊຽນ: ພ້ອມກັນແກ້ໄຂບັນດາສິ່ງທ້າທາຍ” ພ້ອມກັບບັນດາຂໍ້ລິເລີ່ມທີ່ກຳປູເຈຍໄດ້ວາງອອກໃນປີນີ້, ພິເສດແມ່ນໃນຂົງເຂດຊາວໜຸ່ມ, ກິລາ, ແຮງງານ ແລະ ເພີ່ມທະວີການຄວາມສາມາດໃນການດຳເນີນທຸລະກິດຂອງແມ່ຍິງ.
“ຫົວຂໍ້ນີ້ແມ່ນການສືບທອດບັນດາການກະທຳ ແລະ ຄຳໝັ້ນສັນຍາຂອງ ອາຊຽນ ໃນຫຼາຍປີມານີ້ ເພື່ອຮັບມືກັບບັນດາສິ່ງທ້າທາຍທີ່ພົ້ນເດັ່ນຂຶ້ນໃໝ່ຂອງໂລກລະບາດ, ສັງຄົມມີຜູ້ສູງອາຍຸເປັນຈຳນວນຫຼາຍ, ການປ່ຽນແປງຂອງດິນຟ້າອາກາດ ແລະ ຍຸກດິຈິຕອນ, ການປະຕິວັດອຸດສາຫະກຳ 4.0, ເຊິ່ງສະແດງໃຫ້ເຫັນຄວາມສາມັກຄີຂອງອາຊຽນ ໃນສະພາບພູມສາດການເມືອງທີ່ມີການຜັນແປຢ່າງສັບສົນ”. ທ່ານລັດຖະມົນຕີ ດາວງອກຢຸງ ເນັ້ນໜັກ.
ບຸນຄົງ
