| ທະນາຄານ Standard Chartered ຄາດຄະເນວ່າ GDP ຂອງຫວຽດນາມ ຈະເຕີບໂຕ 6,7% ໃນປີ 2022. | |
| ຫວຽດນາມ: ມາດຕາສ່ວນປະກອບຂອງການບໍລິການ logistics ເຂົ້າ GDP ອາດຈະບັນລຸ 5%-6% ໃນປີ 2025 |
 |
| ພາບປະກອບ: ກົມໃຫຍ່ສະຖິຕິ ຫວຽດນາມ |
ວັນທີ 29 ມີນານີ້, ກົມໃຫຍ່ສະຖິຕິ, ກະຊວງແຜນການ ແລະ ການລົງທຶນໄດ້ປະກາດບົດລາຍງານສະພາບເສດຖະກິດສັງຄົມໃນໄຕມາດທີ 1 ປີ 2022.
ຕາມອີງຕາມອົງການນີ້ແລ້ວ, ລວມຍອດຜະລິດຕະພັນພາຍໃນປະເທດ (GDP) ໃນໄຕມາດທຳອິດຂອງປີ 2022 ຄາດວ່າຈະເພີ່ມຂຶ້ນ 5,03% ເມື່ອທຽບໃສ່ໄລຍະດຽວກັນຂອງປີ 2021 (ສູງກວ່າອັດຕາເຕີບໂຕ 4,72% ໃນໄຕມາດທຳອິດຂອງປີ 2021 ແລະ 3,66% ໄຕມາດທຳອິດຂອງປີ 2020 ແຕ່ຍັງຕ່ຳກວ່າອັດຕາການເຕີບໂຕ 6,85% ຂອງໄຕມາດທຳອິດຂອງປີ 2019).
ໃນນັ້ນ, ຂະແໜງກະສິກຳ, ປ່າໄມ້ ແລະ ການປະມົງ ເພີ່ມຂຶ້ນ 2,45%, ປະກອບສ່ວນ 5,76% ເຂົ້າໃນການເຕີບໂຕໂດຍລວມ; ຂະແໜງອຸດສາຫະກຳ ແລະ ກໍ່ສ້າງ ເພີ່ມຂຶ້ນ 6,38%, ປະກອບສ່ວນ 51,08%; ຂະແໜງບໍລິການ ເພີ່ມຂຶ້ນ 4,58%, ປະກອບສ່ວນ 43,16%.
ການຈົດທະບຽນທຸລະກິດໃນໄຕມາດທີ 1 ປີ 2022 ກໍ່ມີສັນຍານດີຂຶ້ນຫຼາຍຢ່າງ, ຈຳນວນວິສາຫະກິດສ້າງຕັ້ງໃໝ່ ແລະ ກັບຄືນເຂົ້າສູ່ການເຄື່ອນໄຫວໃນໄຕມາດທີ 1 ປີ 2022 ເພີ່ມຂຶ້ນ 36,7% ເມື່ອທຽບໃສ່ໄລຍະດຽວກັນຂອງປີກາຍ. ຍອດຈຳນວນທຶນຈົດທະບຽນເຂົ້າໃນເສດຖະກິດເພີ່ມຂຶ້ນ 21%, ໃນນັ້ນທຶນຈົດທະບຽນຂອງວິສາຫະກິດທີ່ພວມດຳເນີນທຸລະກິດເພີ່ມຂຶ້ນ 34,5%.
ຜົນການສຳຫຼວດທ່າອ່ຽງການດຳເນີນທຸລະກິດຂອງວິສາຫະກິດອຸດສາຫະກຳປຸງແຕ່ງ ແລະ ຜະລິດສະແດງໃຫ້ເຫັນວ່າ ວິສາຫະກິດມີແງ່ຫວັງໃນແງ່ດີຕໍ່ສະພາບການຜະລິດ ແລະ ດຳເນີນທຸລະກິດໃນໄຕມາດທີ 2 ປີ 2022 ດ້ວຍ 82,3% ຈຳນວນວິສາຫະກິດທີ່ຕີລາຄາວ່າມີຄວາມໝັ້ນຄົງ ແລະ ດີກ່ວາໃນໄຕມາດທີ 1 ປີນີ້.
ບຸນຄົງ
