| ບັນດາວິສາຫະກິດສົ່ງອອກຂອງຫວຽດນາມ ເລີ່ມປະສົບກັບຄວາມ ຫຍຸ້ງຍາກ ຍ້ອນສະພາບຄວາມເຄັ່ງຕຶງ ລະຫວ່າງ ລັດເຊຍ - ຢູແກຼນ | |
| ສະພາບການຊາວຫວຽດນາມ ອາໄສຢູ່ ຢູແກຼນ ບໍ່ມີຄວາມວຸ່ນວາຍຫຼາຍ |
 |
| ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ (ພາບ: dangcongsan.vn) |
ຕອນຄ່ຳວັນທີ 22 ກຸມພາ(ຕາມເວລາທ້ອງຖິ່ນ), ຢູ່ນິວຢອກ, ປະເທດ ອາເມລິກາ, ກອງປະຊຸມດ່ວນຄັ້ງທີ 11 ຂອງສະມັດຊາໃຫຍ່ ສປຊ ໄດ້ຈັດເປັນກຸມເພື່ອສືບຕໍ່ປຶກສາຫາລືກ່ຽວກັບສະພາບການຢູແກຼນ, ພາຍຫຼັງການປະທະກັນມາເປັນເວລາໜຶ່ງປີ.
ທີ່ກອງປະຊຸມ, ທ່ານເລຂາທິການໃຫຍ່ ສປຊ ຖືວ່າ ການປະທະກັນເຮັດໃຫ້ຂາດສະຖຽນລະພາບ, ຄວາມເຄັ່ງຕຶງ ແລະ ການແບ່ງປັນໃນທົ່ວໂລກ ແລະ ພາກພື້ນປິ່ນຂັ້ນໄດ, ຫຼຸດລົງແຫຼ່ງກຳລັງສະຫງວນໃຫ້ແກ່ການແກ້ໄຂວິກິດການ ແລະ ບັນຫາທົ່ວໂລກທີ່ຮີບດ່ວນ, ທ່ານກໍ່ຮຽກຮ້ອງໃຫ້ບັນດາຝ່າຍຮ່ວມມືກັຍເພື່ອຊອກຫາສັນຕິວິທີທີ່ແທດຈິງ, ຍາວນານບົນພື້ນຖານກົດບັດ ສປຊ ແລະ ກົດໝາຍສາກົນ.
ກ່າວຄຳເຫັນທີ່ກອງປະຊຸມດ່ວນຄັ້ງທີ 11 ຂອງ ສະມັດຊາໃຫຍ່ ສປຊ ປຶກສາຫາລືກ່ຽວກັບສະພາບການ ຢູແກຼນ, ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ສະແດງຄວາມວິຕົກກັງວົນກ່ຽວກັບສະພາບການປະທະກັນຢູ່ ຢູແກຼນໃນໜຶ່ງປີ ຜ່ານມາ, ຫວຽດນາມ ໄດ້ເນັ້ນໜັກເຖິງຄວາມຈຳເປັນໃນການປະຕິບັດກົດໝາຍສາກົນ, ກົດບັດ ສປຊ ແລະ ຮຽກຮ້ອງໃຫ້ບັນດາຝ່າຍຢຸດຕິສົງຄາມ, ຫຼີກລ້ຽງການກະທຳເຮັດໃຫ້ຄວາມເຄັ່ງຕຶງປິນຂັ້ນໄດ, ເຊື່ອມຕໍ່ການໂອ້ລົມສົນທະນາ, ເຈລະຈາເພື່ອຊອກຫາວິທີແກ້ໄຂຄວາມບໍ່ລົງລອຍກັນ ໂດຍສັນຕິ, ຮອບດ້ານ, ສົມເຫດສົມຜົນ, ຍາວນານບົນພື້ນຖານສອດຄ່ອງ ກັບກົດໝາຍສາກົນ ແລະ ກົດບັດ ສປຊ.
ໄປຄຽງຄູ່ກັນນັ້ນ, ຫວຽດນາມ ຖືວ່າ ປະຊາຄົມສາກົນ ຄວນເພີ່ມທະວີການຮັກສາຄວາມໝັ້ນຄົງ, ຄວາມປອດໄພໃຫ້ແກ່ປະຊາຊົນ, ຮັບປະກັນຄວາມຕ້ອງການໂດຍດ່ວນຂອງປະຊາຊົນທີ່ຖືກຜົນສະທ້ອນຈາກສົງຄາມ, ປົກປ້ອງ ແລະ ຮັກສາບັນດາຮາກຖານພົນລະເຮືອນ, ເປັນຕົ້ນແມ່ນພື້ນຖານໂຄງລ່າງທີ່ມີຄວາມຈຳເປັນຕໍ່ການດຳລົງຊີວິດຂອງປະຊາຊົນ. ຫວຽດນາມ ຮຽກໃຫ້ ສປຊ, ບັນດາປະເທດ, ອົງການຈັດຕັ້ງ ແລະ ຄູ່ຮ່ວມມືສາກົນ ສືບຕໍ່ເພີ່ມທະວີຄວາມມານະພະຍາຍາມເພື່ອໜູນຊ່ວຍ, ກູ້ເອົາຊີວິດປະຊາຊົນທີ່ຖືກຜົນສະທ້ອນຈາກການປະທະນກັນ, ພ້ອມທັງສະໜັບສະໜູນບົດບາດ, ຄວາມມານະພະຍາຍາມຂອງ ສປຊ ແລະ ທ່ານເລຂາທິການໃຫຍ່ ສປຊ ໃນການຊອກຫາວິທີການແກ້ໄຂ.
ບຸນຄົງ
