 |
| ທ່ານລັດຖະມົນຕີກະຊວງການຕ່າງປະເທດ ບຸຍແທັງເຊີນ ຕ້ອນຮັບທ່ານເອກອັກຄະລັດຖະທູດ ອາເມລິກາປະຈຳ ຫວຽດນາມ Marc Knapper (ພາບ: ກະຊວງການຕ່າງປະເທດ) |
ເມື່ອແລກປ່ຽນກ່ຽວກັບການພົວພັນລະຫ່ວາງສອງປະເທດ, ທ່ານບຸຍແທັງເຊີນສະເໜີໃຫ້ທ່ານ Marc Knapper ສົມທົບກັນຊຸກຍູ້ການຢ້ຽມຢາມຂອງການນຳຂັ້ນສູງລະຫວ່າງສອງປະເທດໃນປີ 2022 ແລະ ແລກປ່ຽນຄະນະຜູ້ແທນ, ພົບປະໃນທຸກຂັ້ນ, ທຸກຊ່ອງທາງ; ສົມທົບກັນຢ່າງແໜ້ນແຟ້ນກັບບັນດາກະຊວງ, ຂະແໜງການຂອງ ຫວຽດນາມເພື່ອຍູ້ແຮງການຮ່ວມມືລະຫວ່າງສອງປະເທດໃນຂົງເຂດສຳຄັນກ່ວາອີກ ແລະ ໃຫ້ບູລິມະສິດເປັນຕົ້ນແມ່ນການຟື້ນຟູ ແລະ ການເຕີບໂຕເສດຖະກິດພາຍຫຼັງ ໂລກລະບາດໂຄວິດ - 19, ປັບປຸງການຮັບມືຂອງບັນດາລະບົບສະໜອງ, ກໍ່ສ້າງພື້ນຖານໂຄງລ່າງທີ່ມີຄຸນນະພາບສູງ, ພັດທະນາຂຽວ ແລະ ຍືນຍົງ, ບຳລຸງກໍ່ສ້າງແຫຼ່ງຊັບພະຍາກອນມະນຸດ.
ສ່ວນທ່ານ Marc Knapper ສະແດງຄວາມປະທັບໃຈຕໍ່ການພັດທະນາຢ່າງກ້າວກະໂດດຂັ້ນຂອງ ຫວຽດນາມໃນຊຸມປີຜ່ານມາ; ທ່ານຢັ້ງຢືນວ່າ ອາເມລິກາ ຈະສະໜັບສະໜູນ ປະເທດຫວຽດນາມ ເອກະລາດແລະພັດທະນາໃຫ້ຮັ່ງມີເຂັ້ມແຂງ, ປາດຖະໜາຢາກນຳການພົວພັນກັບຫວຽດນາມຂຶ້ນສູ່ລະດັບສູງໃໝ່.
ເມື່ອແລກປ່ຽນກ່ຽວກັບສະພາບການຂອງພາກພື້ນ ແລະ ສາກົນ, ກ່ຽວຂ້ອງເຖິງບັນຫາຢູແກຼນ, ທ່ານລັດຖະມົນຕີບູຍແທັງເຊີນໄດ້ຢັ້ງຢືນຄືນໃໝ່ກ່ຽວກັບຫຼັກໝັ້ນສະເໝີຕົ້ນສະເໝີປາຍຂອງ ຫວຽດນາມ ກ່ຽວກັບການແກ້ໄຂການຂັດແຍ້ງກັນ, ຄວາມບໍ່ລົງລອຍ ສາກົນໂດຍສັນຕິວິທີ, ປະຕິບັດຕາມຫຼັກການພື້ນຖານຂອງ ກົດບັດສປຊ ແລະ ກົດໝາຍສາກົນ.
vovworld.vn
