| ສະຖານທີ່ໜູນຊ່ວຍນັກຮຽນຈາກຢູແກຼນກັບມາຫວຽດນາມຮ່ຳຮຽນ | |
| ຖ້ຽວບິນທີສອງນຳສົ່ງພົນລະເມືອງ ຫວຽດນາມ ອາໄສຢູ່ ຢູແກຼນ ກັບຄືນມາ ປະເທດ ຢ່າງປອດໄພ |
 | |
|
ວັນທີ 18 ມີນາ, ເມືອຕອບຄຳຖາມຂອງນັກຂ່າວກ່ຽວກັບສະພາບການຊາວຫວຽດນາມ ຢູ່ຢູແກຼນໃນປັດຈຸບັນ, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ ໃຫ້ຮູ້ວ່າ: ໃນໄລຍະຜ່ານມາ, ກະຊວງການຕ່າງປະເທດ, ອົງການທີ່ກ່ຽວຂ້ອງຢູ່ພາຍໃນປະເທດ ແລະ ອົງການຜູ້ຕາງໜ້າຫວຽດນາມ ປະຈຳຕ່າງປະເທດ ໄດ້ຕັ້ງໜ້າຜັນຂະຫຍາຍຫຼາຍມາດຕະການຢ່າງຮີບດ່ວນ ເພື່ອຮັບປະກັນຄວາມປອດໄພໃຫ້ຊາວຫວຽດນາມ ຢູ່ຢູແກຼນ. ໄລ່ຮອດວັນທີ 17 ມີນາ 2022, ຫວຽດນາມ ໄດ້ຈັດ 5 ຖ້ຽວບິນນຳສົ່ງຊາວຫວຽດນາມ ແລະ ຄອບຄົວ1.385 ຄົນ ຈາກ ຢູແກຼນ ໄປຍັງ ຣູມານີ, ໂປໂລຍ ແລະ ກັບຄືນປະເທດຢ່າງປອດໄພ.
ປັດຈຸບັນ, ກະຊວງການຕ່າງປະເທດ ແລະ ອົງການຜູ້ຕາງໜ້າ ຫວຽດນາມ ປະຈຳ ລັດເຊຍ ແລະຢູແກຼນສືບຕໍ່ຊຸກຍູ້ ອົງການເຈົ້າໜ້າທີ່ຂອງ ລັດເຊຍ ແລະ ຢູແກຼນ ສົມທົບກັນສ້າງຄວາມສະດວກ ໃຫ້ຊາວຫວຽດນາມທີ່ຍັງເຫຼືອຢູ່ຢູແກຼນ ໄດ້ຍົກຍ້າຍໄປເຖິງເຂດທີ່ປອດໄພ.
ວີໂອວີ
