| ຊຸກຍູ້ບັນດາເນື້ອໃນການຮ່ວມມືລະຫວ່າງ ຮ່າໂນ້ຍ ແລະ ນະຄອນໂຮ່ຈິມິນ ແລະ ພະນົມເປັນ | |
| ພົບປະກັບຜູ້ຕາງໜ້າທາງການຄ້າ ແລະ ເສດຖະກິດສາກົນຢູ່ ຮ່າໂນ້ຍ |
 |
| ພາບປະກອບ: vnexpress.net |
ຕາມນັ້ນແລ້ວ, ລົດຖີບສາທາລະນະຖືກນຳໃຊ້ເພື່ອຮັບໃຊ້ປະຊາຊົນຢູ່ 5 ເມືອງໃຈກາງຄື: ບາດິ່ງ, ຫາຍບ່າຈຶງ, ໄຕໂຮ່, ດົ່ງດາ, ແທງຊວນ ແລະ ບັນດາຈຸດຢູ່ຕໍ່ໜ້າທາງຂຶ້ນ ແລະ ລົງລົດໄຟໃຕ້ດິນຕົວເມືອງ ກາດລິງ - ຮ່າໂດງ. , ສໍານັກງານໃຫຍ່ລະຫວ່າງອົງການ. ຄາດວ່າຈະໃຊ້ເວລາປະຕິບັດແຕ່ປີ 2022 ຫາ 2023.
ຕາມພະແນກຄົມມະນາຄົມຂົນສົ່ງຮ່າໂນ້ຍແລ້ວ, ການນຳໃຊ້ລົດຖີບ/ລົດຖີບໄຟຟ້າ ໃນຕົວເມືອງເພີ່ມເຕີມໄດ້ສົ່ງຜົນສະທ້ອນບໍ່ໜ້ອຍຕໍ່ການສັນຈອນຕາມຖະໜົນຫົນທາງ ແລະ ບໍ່ເຮັດໃຫ້ລົດຫຼາຍເກີນໄປ ເນື່ອງຈາກລັກສະນະການເຄື່ອນໄຫວ/ປະລິມານທີ່ຄ້າຍຄືກັບຜູ້ໃຊ້ລົດຈັກ. ດັ່ງນັ້ນ, ບໍ່ເຮັດໃຫ້ເກີນກຳລັງລະບົບການຄົມມະນາຄົມ, ກໍລະນີເຊື່ອມຕໍ່ທີ່ມີປະສິດທິພາບຈະເປັນພື້ນຖານເພື່ອໃຫ້ປະຊາຊົນປ່ຽນຈາກຮູບແບບເອກະຊົນໄປສູ່ການຂົນສົ່ງໂດຍສານສາທາລະນະ, ປະກອບສ່ວນປັບປຸງສຸຂະພາບຂອງສາທາລະນະ.
ພະແນກຄົມມະນາຄົມຂົນສົ່ງຮ່າໂນ້ຍ ສະເໜີທົດລອງການນຳໃຊ້ລົດຖີບຕົວເມືອງໃນ 12 ເດືອນ. ພາຍຫຼັງເວລານີ້, ພະແນກຈະສືບຕໍ່ສ້າງສະຖິຕິ, ສັງລວມ ແລະ ຕີລາຄາບັນດາໝາກຜົນ ແລະ ລາຍງານໃຫ້ຄະນະກຳມະການປະຊາຊົນນະຄອນ ຮ່າໂນ້ຍ. ໄລຍະທີ 1 ຄາດວ່າຈະດຳເນີນການທົດລອງແຕ່ປີ 2022 – 2023. ໃນໄລຍະນີ້, ໜ່ວຍປະຕິບັດໂຄງການຈະລົງທຶນໃສ່ລົດຖີບ 1.000 ຄັນ, ໃນນັ້ນມີລົດຖີບແບບທຳມະດາ 500 ຄັນ ແລະ ລົດຖີບໄຟຟ້າ 500 ຄັນ. ຍານພາຫະນະເຫຼົ່ານີ້ຈະຈັດຢູ່ແຕ່ 70 ຫາ 80 ແຫ່ງຢູ່ເມືອງບາດິ່ງ, ໄຕໂຮ່, ດົງດາ, ແທງຊວນ ແລະ ຢູ່ຈຸດທີ່ຢູ່ຂ້າງທາງຂຶ້ນ ແລະ ລົງທາງລົດໄຟຕົວເມືອງ ກາດລິງ - ຮ່າດົງ.
ໄລຍະທີ 2 ຄາດວ່າແຕ່ປີ 2023 - 2024 ຈະຂະຫຍາຍເຂດການບໍລິການໄປຍັງເມືອງໃຈກາງ ແລະ ເມືອງໃກ້ຄຽງ. ຂອບຂະໜາດການລົງທຶນແມ່ນປະມານ 3.000 ຄັນ, ຈັດຢູ່ 350 ສະຖານທີ່, ລາຍລະອຽດຂອງສະຖານທີ່ດັ່ງກ່າວຈະຖືກສຳຫຼວດ ແລະ ຄັດເລືອກຈາກໜ່ວຍງານຈັດຕັ້ງປະຕິບັດ ແລະ ອົງການທີ່ກ່ຽວຂ້ອງ.
ບຸນຄົງ
