ພົບປະກັບຜູ້ຕາງໜ້າທາງການຄ້າ ແລະ ເສດຖະກິດສາກົນຢູ່ ຮ່າໂນ້ຍ

16:30 | 12/03/2022

ຍສໝ - ໂຄງການ “ພົບປະຜູ້ຕາງໜ້າດ້ານການຄ້າ ແລະ ເສດຖະກິດສາກົນຢູ່ ຮ່າໂນ້ຍ” ຈະດຳເນີນໃນວັນທີ 10 ມີນາ ຢູ່ ລອງບຽນ, ຮ່າໂນ້ຍ ໂດຍສູນສົ່ງເສີມການລົງທຶນ, ການຄ້າ ແລະ ທ່ອງທ່ຽວ ຮ່າໂນ້ຍ (HPA) ຈັດຕັ້ງ.

	ຫວຽດນາມສະເໜີໃຫ້ຈີນ ເຄົາລົບ ແລະ ບໍ່ລະເມີດເຂດເສດຖະກິດຈຳເພາະ, ເຂດໄຫຼ່ທະວີບ ຂອງ ຫວຽດນາມ
	ນັກລົງທຶນຍີ່ປຸ່ນເລືອກຫວຽດນາມ ຍ້ອນມີສະຖຽນລະພາບດ້ານການເມືອງ ແລະ ເສດຖະກິດມະຫາພາກທີ່ເປັນປົກກະຕິ

ພົບປະກັບຜູ້ຕາງໜ້າທາງການຄ້າ ແລະ ເສດຖະກິດສາກົນຢູ່ ຮ່າໂນ້ຍ

ການນຳ HPA ແລະ ການນຳບັນດາອົງການການຄ້າ, ວິສາຫະກິດ (ພາບ:hanoimoi.com.vn/)

ໂຄງການດຳເນີນແຕ່ເວລາ 9:40 ໂມງ - 11:30 ໂມງຂອງວັນທີ 10 ມີນານີ້ ຢູ່ຫໍປະຊຸມຊັ້ນ 3, ຫໍປະຊຸມ ລອງບຽນ Palace, ບ້ານ ຟຸກດົງ, ເມືອງລອງບຽນ, ຮ່າໂນ້ຍ.

ການເຄື່ອນໄຫວຄາດວ່າຈະມີການເຂົ້າຮ່ວມຂອງການນຳຄະນະກຳມະການປະຊາຊົນນະຄອນ ຮ່າໂນ້ຍ, ບັນດາພະແນກ, ຄະນະ, ຂະແໜງການຂອງນະຄອນ, ຜູ້ຕາງໜ້າສະຖານທູດ ແລະ ບັນດາອົງການສາກົນປະຈຳຮ່າໂນ້ຍ, ບັນດາວິສາຫະກິດ, ສະມາຄົມວິສາຫະກິດທີ່ພວມເຄື່ອນໄຫວຢູ່ນະຄອນ.

ເຫດການດັ່ງກ່າວໄດ້ຮັບການຈັດຕັ້ງເພື່ອແນໃສ່ເພີ່ມທະວີການແລກປ່ຽນ ແລະ ເພີ່ມທະວີການຮ່ວມມືລະຫວ່າງ HPA ກັບບັນດາອົງການການທູດ, ສະຖານທູດ ແລະ ບັນດາອົງການຈັດຕັ້ງສາກົນທີ່ຕັ້ງຢູ່ຮ່າໂນ້ຍ. ຜ່ານນັ້ນ, ໂຄງການກໍປະກອບສ່ວນຊຸກຍູ້ການຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງຮ່າໂນ້ຍ ກັບບັນດາທ້ອງຖິ່ນໃນທົ່ວໂລກ, ຊຸກຍູ້ການພົວພັນຮ່ວມມືດ້ານການຄ້າກັບບັນດາວິສາຫະກິດສາກົນ.

ໃນຂອບເຂດຂອງໂຄງການ, ນອກຈາກແນະນຳ ແລະ ໂຄສະນາພາບພົດ ແລະ ສະພາບແວດລ້ອມແຫ່ງການລົງທຶນຂອງຮ່າໂນ້ຍ ແລ້ວ, HPA ຈະແນະນຳ ແລະ ສະເໜີບາງທິດທາງການຮ່ວມມືກັບສະຖານທູດ ແລະ ອົງການຈັດຕັ້ງສາກົນໃນພາກພື້ນ ໄລຍະ 2022-2025.

ບຸນຄົງ