ສະຫະປະຊາຊາດ ປາດຖະໜາຢາກໃຫ້ຫວຽດນາມ ເຂົ້າຮ່ວມບັນດາການ ເຄື່ອນໄຫວຮັກສາສັນຕິພາບເລິກເຊິ່ງກວ່າອີກ

	ສະຫະປະຊາຊາດຕີລາຄາສູງບັນດາການປະກອບສ່ວນຂອງ ຫວຽດນາມ ໃຫ້ແກ່ການເຄື່ອນໄຫວຮັກສາສັນຕິພາບສະຫະປະຊາຊາດ
	ນາຍົກລັດຖະມົນຕີຫວຽດນາມ ຫາກໍ່ເຊັນຂໍ້ຕົກລົງປະກາດໃຊ້ແຜນການຜັນຂະຫຍາຍການປະຕິບັດມະຕິຂອງສະພາແຫ່ງຊາດກ່ຽວກັບການເຂົ້າຮ່ວມກຳລັງຮັກສາສັນຕິພາບຂອງສະຫະປະຊາຊາດ

ວັນທີ 16 ມີນາ, ທ່ານ Pierre Lacroix ຮອງເລຂາທິການໃຫຍ່ ສປຊ ຕີລາຄາສູງຕໍ່ການເຂົ້າຮ່ວມ ແລະປະຕິບັດຄໍາໝັ້ນສັນຍາຂອງຫວຽດນາມ ໃນ ບັນດາການເຄື່ອນໄຫວຮັກສາສັນຕິພາບ, ພິເສດແມ່ນວຽກງານກະກຽມຜັນຂະ ຫຍາຍກອງຮ້ອຍຊ່າງແສງ ໃນຕໍ່ໜ້າ. ທ່ານ Lacroix ຍົກອອກການຕີລາຄານີ້ ໃນການເຮັດວຽກກັບທ່ານ ດັ້ງຮວ່າງຢາງ ເອກອັກຄະລັດຖະທູດຫວຽດນາມ ປະຈໍາ ສປຊ ເພື່ອແນໃສ່ຊຸກຍູ້ການເຂົ້າຮ່ວມຂອງຫວຽດນາມ ໃນການເຄື່ອນໄຫວຮັກສາ ສັນຕິພາບ ສປຊ.

ທ່ານ ດັ້ງຮວ່າງຢາງ ເອກອັກຄະລັດຖະທູດຫວຽດນາມ ປະຈໍາ ສປຊ ແລະ ທ່ານ Pierre Lacroix ຮອງເລຂາທິການໃຫຍ່ ສປຊ. ພາບ: TTXVN

ທ່ານ Lacroix ໃຫ້ຮູ້ວ່າ ຈະພິຈາລະນາຢ່າງຕັ້ງໜ້າຂໍ້ສະເໜີຂອງຫວຽດນາມ ແລະ ຫວັງວ່າ ຫວຽດນາມ ຈະສືບຕໍ່ຍົກສູງກໍາລັງຄວາມສາມາດຂອງກໍາລັງຮັກສາສັນຕິ ພາບ ຜ່ານການກໍ່ສ້າງ, ຮັບປະກັນພາຫະນະອຸປະກອນ, ໝູນໃຊ້ເຕັກໂນໂລຢີໃໝ່ ແນໃສ່ກຽມພ້ອມເຂົ້າຮ່ວມບັນດາກົມກອງທີ່ ສປຊ ຈະຜັນຂະຫຍາຍໃນໄລຍະ ຈະມາເຖິງ, ໂດຍສະເພາະແມ່ນບັນດາກົມກອງ ຊ່າງແສງ, ເຮລີກອບເຕີ ແລະສື່ສານ.

ສ່ວນທ່ານ ດັ້ງຮວ່າງຢາງ ສະແດງຄວາມປາດຖະໜາວ່າ ທ່ານ Lacroix ເວົ້າສະເພາະ ແລະ ສປຊ ເວົ້າລວມ ຈະສືບຕໍ່ເພີ່ມທະວີການໜູນຊ່ວຍເພື່ອໃຫ້ບັນ ດາກໍາລັງຂອງຫວຽດນາມ ທີ່ເຂົ້າຮ່ວມຮັກສາສັນຕິພາບປະຕິບັດສໍາເລັດໜ້າທີ່ຢູ່ຄະນະປະຕິບັດງານ. ທ່ານເອກອັກຄະລັດຖະທູດ ເນັ້ນໜັກວ່າ ຫວຽດນາມ ພ້ອມແລ້ວທີ່ຈະສົ່ງ ກໍາລັງຕື່ມອີກ ເມື່ອ ສປຊ ຕ້ອງການ.